Mario Puzo

Mario Puzo
Vida
Nacimientu	Nueva York, 15  d'ochobre de 1920
Nacionalidá	Estaos Xuníos
Muerte	Long Island, 2  de xunetu de 1999 (78 años)
Causa de la muerte	infartu de miocardiu
Estudios
Estudios	City College of New York (es) Universidá de Nueva York
Llingües	inglés
Oficiu
Oficiu	novelista, guionista, escritor, escritor de ciencia ficción
Trabayos destacaos	El padrino (es)
Premios	ver Premios WGA Óscar al meyor guión adautáu : The Godfather Óscar al meyor guión adautáu : The Godfather Part II
Nominaciones	ver Óscar al meyor guión adautáu : The Godfather Óscar al meyor guión adautáu : The Godfather Part II
Influyencies	Honoré de Balzac
Alcuñu/os	Mario Cleri
Xéneru artísticu	Ficción detectivesca
Serviciu militar
Lluchó en	Segunda Guerra Mundial
IMDb	nm0701374
mariopuzo.com

Mario Gianluigi Puzo (15 d'ochobre de 1920, Manhattan, Nueva York – 2 de xunetu de 1999, Bay Shore, Nueva York) foi un escritor d'Estaos Xuníos descendiente d'italianos, conocíu como'l lliteratu de la mafia, especialmente pola so obra maestra The Godfather (1969).

Biografía

Mario Puzo nació en 1920 en Nueva York, nel senu d'una familia d'inmigrantes italianos. Estudió Ciencies Sociales na Universidá de Columbia. Los sos dos primeres obres, The Dark Arena y The Fortunate Pilgrim, tuvieron una gran acoyida. La so consagración definitiva llegó cola publicación de The Godfather, cola qu'amás consiguió dos premios Óscar pol so trabayu de co-guionista de les partes primer y segunda de la película (pol so trabayu nel guión de la tercera foi nuevamente nomáu, pero nun llogró'l gallardón). De la mesma, les partes primer y segunda de la película, dirixíes por Francis Ford Coppola, fueron gallardoniaes col premiu a la meyor película nos sos respeutivos años. A esta novela siguiola Fools Die, The Sicilian, The Fourth K, The Last Don y Omertà. Puzo morrió na so casa de Long Island en xunetu de 1999 por causa de un paru cardiaco pocu tiempu dempués de rematar la escritura de Omertà.

Datos

Adoraba xugar al tenis (de xuru estrayxo d'ellí la presencia de la engañadora tenista na so novela Omertà). Gustába-y tamién apostar dacuando en Las Vegas (recuerden l'episodiu de Moe Green en The Godfather y la so novela The Last Don).

A pesar de la enorme presencia del catolicismu na obra de Puzo, l'escritor, según dicía, nun creía en Dios nin nos dogmes de la Ilesia, namái na bondá humana. Puzo dixo en dalguna ocasión que la so felicidá moraba nuna bona comida, prauticar tenis, apostar xugando, mirar el techu de la so casa mientres hores y escribir.^{[ensin referencies]}

Puzo nunca tuvo contautu col mediu del crime. Ello ye que según les sos propies pallabres Don Corleone yera un personaxe que lu axorizaba. Amás dicía que la so mafia yera una versión romántica del mundu criminal real. "Si tuviera na mafia enxamás tendría qu'escribir"

Magar entender perfectamente la naturaleza del mal, Puzo dicía que la xusticia tenía de ser una constante na sociedá, sicasí taba decepcionáu de cómo s'alministraba n'EE.XX., onde según él, la llei protexe más a los criminales con dineru qu'a la xente común.

Llibros

Los sos llibros son los siguientes:

• The Dark Arena (1955)
• La Mamma (The fortunate Pilgrim) (1965)
• The Runaway Summer of Davie Shaw (1966
• Six Graves to Munich (1967)
• The Godfather (1969)
• The Godfather documents (1971)
• Inside Las Vegas (1976)
• Fools Die (1978)
• The Sicilian (1984)
• The Fourth K (1991)
• The Last Don (1996)
• Omertà (1999)

Como guionista, destaquen:

• The Godfather (1972)
• The Godfather Part II (1974)
• Earthquake (1974)
• Superman (1978)
• Superman II (1980)
• The Cotton Club (1984)
• The Sicilian (1987)
• The Godfather Part III (1990)

Enllaces esternos

• Analís radiofónicu de la novela de Mario Puzo "The Godfather"

• Datos: Q182870
• Multimedia: Mario Puzo