Long Island

De Wikipedia
Saltar a navegación Saltar a la gueta
Long Island
Long Island Landsat Mosaic.jpg
Situación
Long Island location map.svg
PaísBandera de Estaos Xuníos d'América Estaos Xuníos
EstaosBandera de Nueva York (estáu) Nueva York
Tipu islla
Parte de Área metropolitana de Nueva York
Asitiáu en Océanu Atlánticu
Coordenaes 40°48′21″N 73°15′13″O / 40.805805°N 73.253616°O / 40.805805; -73.253616Coordenaes: 40°48′21″N 73°15′13″O / 40.805805°N 73.253616°O / 40.805805; -73.253616
Long Island alcuéntrase en los EE.XX.
Long Island
Long Island
Long Island (los EE.XX.)
Datos
Altitú media 122 m
Superficie 3566 km²
Población 7 804 968, 2 098 460, 1 452 611, 1 029 097, 743 957, 540 648, 379 788, 212 637, 110 406, 69 775, 56 978, 48 752, 42 907 y 37 108
Fusu horariu UTC−05:00
Llonxitú 190 km
Cambiar los datos en Wikidata

Long Island ye una islla asitiada nel sureste del estáu de Nueva York, nos Estaos Xuníos, que forma parte del área metropolitana de Nueva York. El so estremu occidental ta nel puertu de Nueva York, a unos 560 m al este de la islla de Manhattan, y estiéndese en dirección este, unos 160 km, adentrándose nel océanu Atlánticu. La islla divídese alministrativamente en cuatro condaos: los de Kings (que correspuende col distritu neoyorkinu de Brooklyn), Queens (que correspuende col distritu neoyorkinu de Queens) y Nassau comparten el terciu occidental de la islla, mentantu que'l de Suffolk estiéndese pelos dos tercios orientales. Más de la metá de los habitantes de la ciudá de Nueva York viven en Long Island, nos distritos de Brooklyn y Queens[1]. Sicasí, los neoyorkinos avecen a usar el términu Long Island (o the Island) pa referise esclusivamente a los condaos de Nassau y Suffolk[2], y avecen a dicir the City pa referise namái a Manhattan[3]. Esta definición de Long Island como la xuntura de los condaos de Nassau y Suffolk nun tien reconocencia llegal, pero por embargu ye considerada una "rexón" pol estáu de Nueva York[4]. Long Island, magar que ye una islla, tien que ser tratada, polos sos llazos perintensos col continente, como una península, según recueye una sentencia de la Corte Suprema de los Estaos Xuníos; esto permite que l'estáu tenga la xurisdicción de les sos llendes marítimes (el gobiernu federal ye'l que tien xurisdicción sobre les islles[5]).

En sentíu ampliu, el términu Long Island puede usase pa denomar conxuntamente la propia islla y les islles de barrera que l'arrodien (la nomada Outer Barrier o Long Island and New York City barrier islands). Al oeste, la islla ta separtada de Manhattan y el Bronx pol estuariu del ríu Este (East River). Al norte de la islla ta'l estrechu de Long Island (Long Island Sound), que la separta del condáu neoyorkinu de Westchester y del estáu de Connecticut. Al noreste, na otra oriella del estrechu de Block Island (Block Island Sound), allúgase l'estáu de Rhode Island. Nel estremu suroeste Long Island ta separtáu de Staten Island y l'estáu de Nueva Jersey pol estrechu de Narrows (the Narrows) y los brazos superior ya inferior de la badea de Nueva York (Upper New York Bay y Lower New York Bay).

Long Island ye la mayor islla del territoriu continental d'Estaos Xuníos, la 11ª mayor del país y la 149ª mayor del mundu. Tien un llargor de 190 km en dirección este-oeste, dende'l puertu de Nueva York a Montauk Point, y un anchor máximu de 37 km[6]. La so superficie, 3.630 km2, ye mayor que la del estáu d'Estaos Xuníos más pequeñu, Rhode Island[7]. La so población, según el censu de 2020, ye de 8.063.232 habitantes, el 40% del total de la del estáu[8][9][10][11][12]. Ye la islla más poblada del país, la tercera con más habitantes d'América (solo per detrás de La Española y Cuba) y la 18ª más poblada del mundu, con más habitantes que Irlanda, Xamaica o Hokkaidō. La so población ye cultural y étnicamente perdiversa, una y bones nel so territoriu alcuéntrense tanto dellos de los barrios coles viviendes más cares del mundo como barrios de clase obrera.

La islla ye un nudu de comunicaciones aéreu global. Dos de los trés principales aeropuertos del área metropolitana de Nueva York, el JFK y LaGuardia, y además tán nella el cuartu aeropuertu metropolitanu, el Islip MacArthur, dos instalaciones de radar pa control del tráficu aéreu y el centru de controladores aéreos de los aeropuertos metropolitanos de Nueva York (New York TRACON). Nueve pontes y trece túneles conecten, per carretera o ferocarril, Brooklyn y Queens colos otros trés distritos de la ciudá, y la rede de ferrocarriles de la islla (Long Island Rail Road) ye la rede de trenes de cercaníes con más pasaxeros del país[13].

Referencies[editar | editar la fonte]

  1. New York City adds 629,000 people, defying predictions of its decline. August 12, 2021. https://www.nytimes.com/2021/08/12/us/new-york-city-population-growth.html. Consultáu 'l 7 de mayu de 2022. 
  2. «About Long Island (na web longisland.com)». «Muncha xente na área metropolitana de Nueva York (inclusu aquellos que viven na islla, en Queens y Brooklyn) usen el términu "Long Island" o "the island" pa denomar namái los condaos, más suburbanos, de Nassau y Suffolk.»
  3. Jen Carlson (21 de mayu de 2012). «Do You Refer To Manhattan As "The City"?». Gothamist.com.
  4. Long Island Official Website of New York State. Consultáu'l 7 de mayu de 2022.
  5. Associated Press News (19 de febreru de 1985). «Court Rules Long Island Legally Part of Mainland».
  6. «Long Island», Encyclopædia Britannica (Britannica edición), Encyclopædia Britannica, Inc., 2011, 9370515, https://www.britannica.com/place/Long-Island-New-York, consultáu 'l 7 de mayu de 2022 
  7. «Secretary of State of Rhode Island». «Esti total (de 3.140 km2) esclúi les agües territoriales de xurisdicción federal, que taben incluyíes nos recuentos anteriores.»
  8. «Queens County, New York QuickFacts». U.S. Census Bureau.
  9. «Annual Estimates of the Resident Population: April 1, 2010 to July 1, 2015 - 2015 Population Estimates». United States Census Bureau.
  10. «Kings County, New York QuickFacts». U.S. Census Bureau.
  11. «Nassau County, New York QuickFacts». U.S. Census Bureau.
  12. «Suffolk County, New York QuickFacts». U.S. Census Bureau.
  13. «Transit Ridership Report Fourth Quarter and End-of-Year 2016». American Public Transportation Association (APTA) (20 de marzu de 2017).

Enllaces esternos[editar | editar la fonte]