Marco Polo

Marco Polo
Vida
Nacimientu	Venecia, 15 de setiembre de 1254
Nacionalidá	República de Venecia
Muerte	Venecia, 8 de xineru de 1324 (69 años)
Sepultura	iglesia de San Lorenzo (es)
Familia
Padre	Niccolò Polo
Casáu con	Donata Badoer (es) (1300 (Gregorianu) – 1324)
Fíos/es	Fantina Polo; Agnese (en)
Familia	ver Mafféo Polo (es) (tío (es) );
Estudios
Llingües falaes	Venecianu; italianu
Oficiu	comerciante, esplorador, diplomáticu, embaxador, trotamundos (es) , escritor, viaxeru, entamador, memorialista
Llugares de trabayu	República Popular China
Trabayos destacaos	The book of Ser Marco Polo the Venetian concerning the kingdoms and marvels of the East (en)

Marco Polo (15 de setiembre de 1254, Venecia – 8 de xineru de 1324, Venecia) foi un viaxeru y esplorador italianu. Con so padre Nicolayo (Nicolò ) y so tíu Mateo (Maffeo o Maffio) foi ún de los primeros europeos en viaxar pela ruta de la seda hasta China ( qu'él llamaba Catai). Nesti país quedóse diecisiete años al serviciu de Cublai Kan. El rellatu de los sos viaxes per Oriente tuvo enforma popularidá a finales de la edá media y foi per munchu tiempu una de les poques fontes d'información sobre Asia pal mundu occidental.

Biografía[editar | editar la fonte]

Marco Polo nació'l 15 de setiembre de 1254 nuna familia de mercadores de Venecia.

Cuando Marco tenía un añu, en 1255, so padre Nicolayo y so tíu Mateo fixeron un primer viaxe per Asia. Marco Polo quedó en Venecia a cargu de so madre.

En 1266 Nicolayo y Mateo llegaron a la corte del Gran Kan na ciudá de Cambaluc (anguaño Beixín). Ellí conocieron a Cublai Kan, que –yos encomendó una carta pal Papa pidiendo que –y mandare “cien homes sabios” pa conocer meyor la relixón cristiana. Cuando llegaron a Venecia en 1269, Marco Polo tenía quince años y so madre yá morriera.

En 1271 Mateo y Nicolayo Polo entamaron un segundu viaxe cola respuesta del Papa. Esta vez diben acompañaos de Marco. Dempués de trés años d'un viaxe nel que pasaron per Armenia, Persia y Afganistán, llegaron a la ciudá de Kai-ping-fu (anguaño Shang-tu), residencia de branu de Cublai Kan .

Los Polo quedaron doce años en China al serviciu de Cublai Kan. Nesti tiempu, Marco Polo aprendió a falar chinu, tártaru y persa y desempeñó varies misiones oficiales per tierres del imperiu del Gran Kan. Estes misiones permitieron-y conocer de primera mano la flora , la fauna y les costumes de los habitantes d'un inmensu territoriu.

En 1291 los venecianos entamaron un viaxe de trés años pelos mares del Sur, escoltando a la princesa Cocacin, que debía casase col rei de Persia. A la fin de la misión, volvieron a Venecia en 1295, dempués de pasar per Trabzon y Constantinopla. En volviendo a Venecia, Marco Polo participó na guerra contra Xénova. Na batalla de Curzola (1298), na que taba al mandu d'una galera veneciana fixéronlu prisioneru los xenoveses.

Na cárcel conoció a Rustichello de Pisa. , que redactó en francés el Llibru de les maravíes del Mundu (o Llibru de los millones ) a partir del rellatu de los sos viaxes. [Esiste una traducción asturiana del llibru, fecha en 1996.^[5]]

En 1299 Marco Polo salió de la cárcel, Pocu dempués casóse, tuvo trés fíes y y foi nomáu miembru del Gran Conseyu de Venecia. Morrió nesta ciudá el 8 de xineru de 1324.

Referencies[editar | editar la fonte]

↑ ^1,0 ^1,1 ^1,2 Afirmao en: Encyclopædia Britannica Online. Llingua de la obra o nome: inglés.
↑ Afirmao en: Enciclopedia Larousse en línea. Llingua de la obra o nome: francés.
↑ URL de la referencia: https://www.theguardian.com/world/2022/feb/07/marco-polo-had-previously-unknown-daughter-prior-to-marriage-will-suggests.
↑ Afirmao en: catálogu de la Biblioteca Nacional Checa. Identificador NKCR AUT: jn19990005385. Data de consulta: 27 xunetu 2023.
↑ Marco Polo, Llibru de les Maravíes del Mundu, traducción de Mª Antonia Pedregal Montes, Publicaciones Ámbitu S.L., Uviéu, 1996.

Enllaces esternos[editar | editar la fonte]

[355b56329b78db22be549dec34f2570ca61ca056-1] 1,0 ^1,1 ^1,2 Afirmao en: Encyclopædia Britannica Online. Llingua de la obra o nome: inglés.

[e024514b7f5ce0bc6a8ed28cfdcd889aaa62dfd6-2] Afirmao en: Enciclopedia Larousse en línea. Llingua de la obra o nome: francés.

[692ab42b4877bdffeb0b2a22e2aab17095e8da28-3] URL de la referencia: https://www.theguardian.com/world/2022/feb/07/marco-polo-had-previously-unknown-daughter-prior-to-marriage-will-suggests.

[c61e08af30beec65ab74df320d12b42f19d534b9-4] Afirmao en: catálogu de la Biblioteca Nacional Checa. Identificador NKCR AUT: jn19990005385. Data de consulta: 27 xunetu 2023.

[5] Marco Polo, Llibru de les Maravíes del Mundu, traducción de Mª Antonia Pedregal Montes, Publicaciones Ámbitu S.L., Uviéu, 1996.

[1]

[2]

[3]

[4]

[5]