Lopinga achine

De Wikipedia
Saltar a navegación Saltar a la gueta
Commons-emblem-notice.svg
 
Lopinga achine
Lopinga achine gliwa.jpg
Lopinga achine - Nature Conservation-001-073-g033.jpg
Clasificación científica
Reinu: Animalia
Filu: Arthropoda
Clas: Insecta
Orde: Lepidoptera
Superfamilia: Papilionoidea
Familia: Nymphalidae
Xéneru: Lopinga
Especie: L. achine
(Scopoli, 1763)
Sinonimia

Papilio deianira (Linnaeus, 1763)

Lopinga achine murciegoi (Bustillo y Fernández-Rubio, 1975)
[editar datos en Wikidata]

Lopinga achine, o a cencielles lopinga, ye una caparina de la familia Nymphalidae, una de les más típiques caparines de monte n'Europa.[1][2]

Identificación[editar | editar la fonte]

Caparina diurna de tamañu medianu, nala anterior: 24-28mm.

L'exemplar adultu tien nales de color pardu, en que'l so envés  apreciense gruesos llunares postdiscales de color negru con orla leonada. Na cara ventral tien prominentes ocelos negros postdiscales de neñina blanca, siquier na nala posterior, con orla mariella; banda postdiscal mariella na nala anterior y blanca na posterior.[3]

La fema ye más clara y apaez más tarde que'l machu. Amás presenta ocelos de mayor tamañu nel anverso.[4]

Distribución[editar | editar la fonte]

La especie ta llargamente distribuyida, anque ye pocu común y ta presente namá de manera local na Europa continental.

N'España tien dos núcleos de población. Unu nos Picos d'Europa (Asturies, Cantabria y Llión), y otru na sierra Sálvada (Llabraba/Álava y Bizkaia, nel País Vascu).[5]

Hábitats[editar | editar la fonte]

La lopinga suele atopase n'escamplaes de montes templaos y húmedos, con elevada cobertoria arbórea: mases de fayedal, carbayera y tilal. La mayoría de hábitats fayadizos pa la especie viéronse tresformaos n'espacios cultivaos o fueron dedicaos a la xardinería.[6][7]

Ecoloxía[editar | editar la fonte]

Especie univoltina, con adultos dende finales de xunu hasta mediaos de xunetu. Les plantes nutricies de de la canesba son gramínees y ciperáceas. [8]

Proteición[editar | editar la fonte]

Figura nel libru coloráu del Principáu d'Asturies na categoría de Vulnerable, na Directiva de hábitats y conveniu de Berna, les sos poblaciones son bien vulnerables, ye una de les especies mas escases d'España. En regresión en Francia, Suiza y Norte d'Italia.

Referencies[editar | editar la fonte]

  1. (en castellán) http://www.asturnatura.com/especie/lopinga-achine.html Lopinga achine
  2. (n'inglés) http://www.pyrgus.de/Lopinga_achine_en.html Lopinga achine
  3. (2012) en Ministerio de: Bases ecológicas preliminares para la conservación de las especies de interés comunitario en España: Invertebrados, NIPO: 280-12-259-4, Ministerio de Agricultura, Alimentación y Medio Ambiente.
  4. González Fernández, J. (22 d'agostu de 2010). «Lopinga achine (Scopoli, 1763)». Consultáu'l 3 de xineru de 2015. «Núm. 282»
  5. (2012) en Ministerio de: Bases ecológicas preliminares para la conservación de las especies de interés comunitario en España: Invertebrados, NIPO: 280-12-259-4, Ministerio de Agricultura, Alimentación y Medio Ambiente.
  6. (2012) en Ministerio de: Bases ecológicas preliminares para la conservación de las especies de interés comunitario en España: Invertebrados, NIPO: 280-12-259-4, Ministerio de Agricultura, Alimentación y Medio Ambiente.
  7. (en castellán) http://www.magrama.gob.es/es/biodiversidad/temas/espacios-protegidos/lopinga_achine_tcm7-272516.pdf
  8. http://www.magrama.gob.es/es/biodiversidad/temas/espacios-protegidos/red-natura-2000/bei_bases_eco_invertebrados.aspx

Notes y Bibliografía[editar | editar la fonte]

Tolman y Lewington 2002.
Llibru coloráu de la fauna del Principáu d'Asturies ISBN 84-96050-15-7