Krio

De Wikipedia
Saltar a navegación Saltar a la gueta
Krio
Krio
Faláu en Bandera de Sierra Lleona Sierra Lleona
Bandera de Guinea Ecuatorial Guinea Ecuatorial
Zona África occidental
Falantes ~500 mil[1]
Familia Criollu

  Cr. de base inglesa
    Krio

Alfabetu Llatín
Estatus oficial
Oficial en Nengún país
Reguláu por Nun ta reguláu
Códigos
ISO 639-1 nengún
ISO 639-2 {{{iso2}}}
ISO 639-3 kri

El krio ye un idioma criollu desenvueltu en Sierra Lleona, principalmente na capital, Freetown, polos descendientes d'esclavos lliberaos estauxunidenses y cimarrones jamaicanos a partir del sieglu XVIII.

Orixe y desenvolvimientu[editar | editar la fonte]

Tres l'apaición de llingües criollas basaes nel idioma inglés na área del África occidental nel sieglu XVIII, y cola fundación de Freetown en 1792, estos pidgin presistentes fueron progresivamente incorporaos na fala de dellos grupos en Sierra Lleona ente 1787 y 1855. El pidgin inicial gradualmente evolucionó escontra un llinguaxe estable, la llingua materna de los descendientes d'aquelles primeres comunidaes, y la llingua franca de Sierra Lleona.[2]

Na década de 1960, Thomas Decker tradució delles obres de Shakespeare al krio, y compunxo poesía orixinal en krio. Na década de 1980 el Nuevu Testamentu foi traducíu a krio.

Característiques[editar | editar la fonte]

L'idioma krio ye la llingua franca d'unos 4 millones de sierraleoneses o otros grupos étnicos y los miles de decendentes krios d'otres partes d'África Occidental. Ye la llingua materna d'unes 500.000 persones. Contién elementos del idioma yoruba y del idioma igbo. Acordies con los datos disponibles en 2011, el krio yera faláu pol 90% de la población de Sierra Lleona.[3]

El pichi ye una llingua falada en Guinea Ecuatorial derivada del krio, que llegó per primer vegada a la isla de Bioko lleváu polos pobladores africanos que veníen de Freetown, Sierra Lleona, en 1827. El pichi ye'l segundu idioma más faláu nel país, namái por detrás del fang y siguíu de cerca pol bubi.[4] Emplegada principalmente polos fernandinos, grupu étnicu establecíu en Bioko, y ta bastante influyida pol español, idioma oficial de Guinea Ecuatorial.

Esisten tamién comunidaes de falantes de krio en Gambia, Nixeria y Camerún.[5]

Referencies[editar | editar la fonte]

  1. Krio nel Ethnologue (17th ed., 2013).
  2. Fourah Bay College, Freetown: Guide to Krio, (held at SOAS Univ. of London Library, 195?).
  3. «Sierra Leone». The World Factbook. CIA. Consultáu'l 15 de setiembre de 2011.
  4. Gramática del Pichi, Kofi Yakpo, 2010 ISBN 978-84-937497-4-3
  5. A. Wyse: Krios of Sierra Leone, Londres (1989).

Bibliografía[editar | editar la fonte]

Enllaces esternos[editar | editar la fonte]


Krio