Kevin Corrigan

Kevin Corrigan
Vida
Nacimientu	The Bronx, 27 de marzu de 1969 (55 años)
Nacionalidá	Estaos Xuníos
Llingua materna	inglés
Familia
Casáu con	Elizabeth Berridge (2001 – )
Estudios
Estudios	Institutou de Teatru y Cine Lee Strasberg Cardinal Spellman High School (en)
Llingües falaes	inglés
Oficiu	actor, guionista, actor de teatru, actor de televisión, actor de cine, productor de cine
IMDb	nm0180984

Kevin Fitzgerald Corrigan (27 de marzu de 1969, The Bronx) ye un actor d'Estaos Xuníos, d'ascendencia portorricana ya irlandesa, qu'a partir de los años '90 trabayó xeneralmente en televisión y cine independiente.

Vida y carrera

Corrigan nació nel Bronx, Nueva York, el so padre yera d'ascendencia irlandesa y la so madre yera portorricana. Dempués d'estudiar en The Actors Studio, Corrigan trabayó na so primer película, Lost Angels, nel añu 1989, xunto a Donald Sutherland y Adam Horovitz. Tuvo un pequeñu papel en Goodfellas como l'hermanu de Henry Hill (Ray Liotta). Dempués d'apaecer en Billy Bathgate, enfocó la so atención nes películes independientes, trabayando en Zebrahead (1992). Mientres la puxanza del cine independiente na década de 1990, Corrigan conformó la so carrera como actor interpretando personaxes estrafalarios y pocu convencionales en películes como True Romance, Living in Oblivion, Trees Lounge y Walking and Talking. Tamién tuvo una curtia participación en Bad Boys, una superproducción empobinada por Michael Bay. El so debú en televisión foi como miembru del repartu de la sitcom Pearl de Rhea Perlman. Amás en 1993 apaeció nel video musical de "Get Me" de la banda Dinosaur Jr.

Corrigan ganó popularidá pol so papel del vagu Eddie Finnerty na serie Grounded for Life, que duró cinco temporaes. Dempués de la cancelación del programa, volvió apaecer en pequeños proyeutos, sacante The Departed de Martin Scorsese, na que fixo'l papel del primu del personaxe de Leonardo DiCaprio. Dende l'ésitu d'esa película, empezó a apaecer en películes de mayor perfil. Interpretó papeles en dos películes producíes por Judd Apatow; en Superbad ye'l violentu dueñu de la casa d'onde Jonah Hill y Michael Cera intenten robar alcohol, y en Pineapple Express como unu de los secuaces del antagonista. Amás actuó en American Gangster de Ridley Scott interpretando a un informante del personaxe de Russell Crowe.

En 2001 casóse cola actriz Elizabeth Berridge, a quien conoció mientres la filmación de la película independiente Broke Even. Tienen una fía, Sadie Rose Corrigan.

Filmografía selecta

Películes

• Winter's Tale (2014)
• The Dictator (2012)
• Seven Psychopaths (2012)
• The Chaperone (2011)
• The Next Three Days (2011)
• Imparable (2010)
• Nick and Norah's Infinite Playlist (2008)
• American Gangster (2008)
• Pineapple Express (2008)
• On the Road with Judas (2007)
• Superbad (2007)
• The Departed (2006)
• Delirious (2006)
• Lonesome Jim (2005)
• The Honeymooners (2005)
• Wake Up, Ron Burgundy: The Lost Movie (2004)
• Scotland, Pa. (2001)
• Chain of Fools (2000)
• Broke Even (2000)
• Steal This Movie (2000)
• Detroit Rock City (1999)
• Coming Soon (1999)
• Lulu on the Bridge (1998)
• Slums of Beverly Hills (1998)
• Buffalo '66 (1998)
• Henry Fool (1997)
• Kicked in the Head (1996) (tamién guionista)
• Illtown (1996)
• Trees Lounge (1996)
• The Pallbearer (1996)
• Bandwagon (1996)
• Walking and Talking (1996)
• Kiss of Death (1995)
• Bad Boys (1995)
• Living in Oblivion (1995)
• True Romance (1993)
• Zebrahead (1992)
• Billy Bathgate (1991)
• Goodfellas (1990)
• The Exorcist III (1990)
• Lost Angels (1989)

Series de televisión

• The Mentalist (2012)
• Community (2010)
• Fringe (2009)
• The Black Donnellys (2007)
• Grounded for Life (2001-2005)
• Hack (2003)
• Freaks and Geeks (2000)
• Sick in the Head
• Homicide: Life on the Street (1998)
• Pearl (1996-1997)

Enllaces esternos

• Kevin Corrigan na Internet Movie Database (n'inglés)

• Datos: Q1334725
• Multimedia: Kevin Corrigan