Ken Jeong

De Wikipedia
Saltar a navegación Saltar a la gueta
Ken Jeong
Ken Jeong35mm film frames.svg
Ken Jeong by Gage Skidmore.jpg
Vida
Nacimientu

Estaos Xuníos13  de xunetu de 1969

(50 años)
Nacionalidá Bandera de Estaos Xuníos d'América Estaos Xuníos
Estudios
Estudios Universidá Duke
University of North Carolina School of Medicine Traducir
Oficiu
Oficiu actor, médicu, actor de cine, actor de voz y actor de televisión
IMDb nm0421822
www.kenjeong.com/
Cambiar los datos en Wikidata

Kendrick Kang-Joh Jeong (n. 13 de xunetu de 1969, Detroit, Estaos Xuníos) ye un actor de cine y televisión, y médicu d'Estaos Xuníos, conocíu poles sos interpretaciones en películes como Knocked Up (2007), The Hangover (2009) y All About Steve (2009), y pol so papel de Señor Chang en Community.

Biografía[editar | editar la fonte]

Ken Jeong nació en Detroit, Michigan, fíu de dos inmigrantes coreanos, Young y D. K. Jeong, ésti últimu yera profesor na North Carolina A&T State University, en Greensboro, Carolina del Norte, mientres 35 años.[1] Creció na llocalidá de Greensboro y allegó a la escuela Walter Hines Page High School, onde participó nel equipu de superdotados, tocó'l violín na orquesta y foi escoyíu pal conseyu estudiantil. Finalmente graduóse con 16 años.[1]

Siguió completando los sos estudios na Duke University en 1990 y llogró la so llicenciatura en medicina na University of North Carolina at Chapel Hill en 1995.[2] Más tarde completó la so residencia en medicina interna nel Ochsner Medical Center, Nueva Orleans mientres de la mesma desenvolvía la so carrera como risible.

Casóse con Tran, matrimoniu vixente hasta l'actualidá.[3] La so esposa tamién ye médica y dambos tienen 3 fíos de mancomún, destacando les ximielgues Zooey y Alexa.[3]

Carrera[editar | editar la fonte]

Ken Jeong participó en diverses series de televisión y películes a lo llargo de la so carrera. De les sos intervenciones en televisión cabo destacar Worst Week (2008), Crossing Jordan (2004), Two and a Half Men (2005), protagonizada por Charlie Sheen; The Shield o Boston Legal dambes de 2009.[4] En toes elles participó o collaboró en dellos episodios, nun siendo'l protagonista o teniendo un papel relevante en nenguna d'elles. Sicasí sí consiguió un papel fixu en 2009 na serie Community, emitida anguaño n'Estaos Xuníos pola cadena NBC.[5]

Jeong ye más conocíu poles sos intervenciones en películes como Knocked Up (2007), protagonizada por Katherine Heigl; Role Models (2008), protagonizada por Paul Rudd y Sean William Scott , The Hangover (2009), protagonizada por Bradley Cooper, y The Hangover: Part II (2011), dirixida por Todd Phillips, foi un estraordinariu ésitu de taquilla, recaldando 467 millones de dólares en tol planeta.[6] Tamién participó na fallida comedia All About Steve (2009), protagonizada por Sandra Bullock y de nuevu Bradley Cooper, siendo duramente críticada pola prensa especializada.[7] En 2010 estrenó la comedia Furry Vengeance protagonizada por Brendan Fraser y que foi considerada una de les peores películes del añu.[8] Este mesmu añu emprestó la so voz a la cinta animada Despicable Me interpretando al personaxe del científicu.[9] Fixo un cameo como carteru na película "Big Mommas: Like Father, Like Son" (2011) con Martin Lawrence

Jeong tamién participó na tercer entrega de Transformers (2011) dirixida por Michael Bay y en Zookeeper (2011) na qu'apaez al pie de actores como Kevin James o Rosario Dawson.

Filmografía[editar | editar la fonte]

Películes
Añu Títulu Rol
1998 Black Jaq Kurt
2007 Knocked Up Dr. Kuni
2007 Uncle P Mozu Malu
2008 Step Brothers Axente d'Empléu
2008 Pineapple Express Ken
2008 Held Up Doctor
2009 Role Models King Argotron
2009 The Hangover Mr. Chow
2009 The Goods: Live Hard, Sell Hard Teddy Dang
2009 All About Steve Angus
2009 Couples Retreat Therapist
2009 Furry Vengeance Neal Lyman
2010 Despicable Me Talk Show Host (voz)
2010 How to Make Love to a Woman Curtis Lee
2010 Vampires Suck Daro
2011 Big Mommas: Like Father, Like Son Mailman
2011 The Hangover Part II Mr. Chow
2011 Zookeeper Venom
2011 Transformers: Dark of the Moon Jerry Wang
2011 The Muppets 'Punch Teacher' Host
2013 Spy L'esaminador
2013 Pain & Gain Johnny Wu
2013 The Hangover Part III Mr. Chow
2013 Rapture-Palooza Dios
2013 Despicable Me 2 Floyd (voz)
2013 Alterio Kim Ly (voz)
2014 Penguins of Madagascar Short Fuse (voz)
2015 The Duff Profesor Arthur

Premios[editar | editar la fonte]

Añu Premiu Categoría Trabayu Resultáu
2010 Teen Choice Awards Estrella revelación masculina Community Nomáu
2011 Tard Choice Awards Most Demeaning asian Actor Transformers: Dark Of The Moon Ganador
2011 Premios Razzie Peor actor secundariu Zooloco Nomáu

Referencies[editar | editar la fonte]

  1. 1,0 1,1 Consultáu en 2010 Greensboro native finds funny bone in movie News and Record (n'inglés)
  2. Consultáu en 2010 Ken Jeong Llicenciáu en Medicina Medical Board of California (n'inglés)
  3. 3,0 3,1 Consultáu en 2010 Biografía de Ken Jeong IMDb (n'inglés)
  4. Consultáu en 2010 Filmografía como actor en TV IMDb (n'inglés)
  5. Consultáu en 2010 Community en IMDb IMDb (n'inglés)
  6. Consultáu en 2010 Recaldación mundial de The Hangover Box Office Mojo (n'inglés)
  7. Consultáu en 2010 All About Steve en Rottentomatoes Rotten Tomatoes (n'inglés)
  8. Consultáu en 2010 Comentariu de Claudia Puig sobre Furry Vengeance usatoday.com (n'inglés)
  9. Consultáu en 2010 Repartu de Despicable Me IMDb (n'inglés)

Enllaces esternos[editar | editar la fonte]