Keith Andes

De Wikipedia
Saltar a navegación Saltar a la gueta
Keith Andes
Keith Andes
Keith Andes in Split Second trailer.jpg
Vida
Nacimientu Ocean City Traducir12  de xunetu de 1920
Nacionalidá Bandera de Estaos Xuníos d'América Estaos Xuníos
Fallecimientu

Santa Clarita Traducir11  de payares de 2005

(85 años)
Causa de la muerte asfixia Traducir
Familia
Fíos/es
Estudios
Estudios Universidá d'Oxford
Universidad de Temple Traducir
Universidad de las Artes Traducir
Oficiu
Oficiu cantante, músicu, cantante d'ópera, actor de teatru, actor de cine, actor de televisión y actor de voz
Premios
Miembru de Sigma Pi Traducir
Mena de voz Barítonu
Instrumentu musical voz
Serviciu militar
Lluchó en Segunda Guerra Mundial
IMDb nm0027882
Cambiar los datos en Wikidata

Keith Andes (12 de xunetu de 1920-11 de payares de 2005) foi un actor teatral, radiofónicu, cinematográficu y televisivu de nacionalidá estauxunidense.

Primeros años[editar | editar la fonte]

El so verdaderu nome yera John Charles Andes, nació en Ocean City, Nueva Jersey, y a los 12 años d'edá yá actuaba na radio.[1]

Nos sos años d'estudios na Upper Darby High School, Andes trabayó na radio cantando y actuando. Tamién estudió na Universidá d'Oxford y graduóse na Universidá de Temple, en Filadelfia, en 1943 con un títulu n'educación. Amás, estudió voz nel Conservatoriu de Música de Filadelfia.[2] Empecipió la so carrera como actor teatral nel circuitu de Broadway mientres sirvía nes Fuercies Aérees del Exércitu de los Estaos Xuníos mientres la Segunda Guerra Mundial.

Carrera[editar | editar la fonte]

La so primer actuación cinematográfica foi un pequeñu papel nel filme Winged Victory (1944), dempués de lo que fixo otra pequeña interpretación en The Farmer's Daughter, cinta protagonizada por Loretta Young, y gracies a la cual ella ganó'l Óscar a la meyor actriz. En 1947 Keith Andes recibió'l premiu Theater World pol so debú en The Chocolate Soldier, protagonizando dempués Kiss Me, Kate, obra na que tomó'l papel qu'interpretaba Alfred Drake.

En 1952 actuó como'l noviu de Marilyn Monroe y hermanu de Barbara Stanwyck nel filme de cultu Clash by Night, dirixíu por Fritz Lang y coescrito por Clifford Odets. Tamién actuó con Robert Newton en Blackbeard the Pirate, y en 1958 foi'l Superintendente de Policía de Luisiana Francis Grevemberg na película Damn Citizen. Nesta última producción trabayaba xunto a Margaret Hayes y Gene Evans.

Pa la televisión, intervieno nun show policial de curtia trayeutoria, This Man Dawson (1959-1960). Amás, foi un detective aficionáu na sitcom de 1963 de Desilu Porductions pa la CBS Glynis, protagonizada por Glynis Johns. Al añu siguiente foi artista convidáu de la sitcom de Mickey Rooney Mickey, emitida pola ABC.

Andes actuó en 1960 xunto a Lucille Ball nel musical representáu nel circuitu de Broadway Wildcat, y más palantre na sitcom que l'actriz interpretó nos años sesenta, The Lucy Show. Tamién trabayó en xira interpretando a Miguel de Cervantes/Don Quixote na obra "L'home de La Mancha." Nos últimos años de la so carrera interpretativa intervieno en series televisives como Cannon, Death Valley Days, Daniel Boone, I Spy, The Andy Griffith Show, The Rifleman, Perry Mason (episodiu "The Case of the Skeleton's Closet"), Star Trek: la serie orixinal (episodiu "La mazana"), y Buck Rogers in the 25th Century (episodiu "Buck's Duel to the Death").

Dientro de la so carrera interpretativa, Andes foi tamién actor de voz, pudiéndose-y oyer na producción Birdman y el tríu galaxa (1967). Nos sos últimos años actuó como actor cinematográficu nes cintes Xusticia pa toos y Tora! Tora! Tora!.

Vida personal[editar | editar la fonte]

Andes foi atopáu muertu na so casa de Santa Clarina (California). Sufría un cáncer de vexiga y otres dolencies que lu llevaron a suicidase por afuega, según un informe del Departamentu Forense del Condáu de Los Angeles. Tenía 85 años d'edá.

Sobreviviéron-y el so dos fíos, Mark Andes (músicu de bandes como Spirit, Jo Jo Gunne y Heart) y Matt Andes (otru músicu, tamién intérprete, mientres un curtiu tiempu, de Spirit).

Seleición de la so filmografía[editar | editar la fonte]

Referencies[editar | editar la fonte]

  1. via Associated Press. "Andes, leading man to Marilyn Monroe, dies at 85", USA Today, 27 de payares de 2005. Consultáu'l 29 d'ochobre de 2008.
  2. Jones, Kenneth. "Broadway Baritone Keith Andes, of Wildcat, Dead at 85", Playbill, 28 de payares de 2005. Consultáu'l 24 de payares de 2007.

Enllaces esternos[editar | editar la fonte]