Fritz Lang

Fritz Lang
presidente del xuráu del Festival de Cannes ← Armand Salacrou - Olivia de Havilland →
Vida
Nacimientu	Viena, 5  d'avientu de 1890
Nacionalidá	Alemaña Austria Estaos Xuníos  (1939 -
Fallecimientu	Beverly Hills, 2  d'agostu de 1976 (85 años)
Sepultura	Forest Lawn Memorial Park
Familia
Casáu/ada con	Elisabeth Rosenthal  (13 febreru 1919 - Thea von Harbou  (agostu 1922 -  abril 1933)
Estudios
Estudios	Königliche Kunstgewerbeschule München
Llingües	inglés alemán
Oficiu
Oficiu	direutor de cine, guionista, escritor, actor, montador, actor de cine y productor de cine
Trabayos destacaos	Metrópolistano M
Premios	ver Dick Sadler Deutscher Filmpreis oficial de la Orden de las Artes y las Letras Gran Cruz de la Orden del Mérito de la República Federal de Alemania
Movimientu	Espresionismu
Serviciu militar
Lluchó en	Primer Guerra Mundial
Creencies
Relixón	ateísmu
IMDb	nm0000485

Friedrich Christian Anton Lang, más conocíu como Fritz Lang (5  d'avientu de 1890, Viena - 2  d'agostu de 1976, Beverly Hills) foi un direutor de cine d'orixe austriacu que desarrolló la so carrera artística n'Alemaña y nos Estaos Xuníos.

Vida y filmografía

Primeros años

Participa na Primer Guerra Mundial como voluntariu del exércitu austrohúngaru. Firíu na guerra, en 1916 entama a escribir guiones pa los estudios Universum Film AG (UFA) y nel añu 1917 estrena como guionista una primera película güei desapaecida. Terminada la Primer Guerra Mundial abandona la ciudá de Viena y, convertíu yá en ciudadanu alemán, trabaya como direutor en Hallblut (1919) y Die Spinnen (1920), películes que son bien recibíes y nes que vemos yá rasgos carauterísticos del so estilu como son el talentu dramáticu y la bona composición d'imáxenes. Nel añu 1922 cásase con Thea von Harbou.

Fritz Lang y Thea von Harbou en Berlin, 1923-1924

Periodu alemán-espresionista: los años de Weimar (1918-1933)

• Dr. Mabuse the Gambler (1922)
• Die Niebulungen (1924)
• Metrópoilis (1927)
• M (1931)
• Das Testament des Dr. Mabuse (1933)

Al finalizar Das Testament des D. Mabuse nel añu 1932, recibe la propuesta de Joseph Goebbels de facese cargu de la direición de la UFA. Lang, contrariu al nazismu, marcha a Francia dexando n'Alemaña a Thea von Harbou, cola qu'hasta entóncenes conviviera y guionista tanto del propiu Lang como de Murnau y Dreyer, pero simpatizante del nazismu.

Hollywood (1936-1957)

Yá en Hollywood, Fritz Lang trabaya en películes de diversos xéneros, dende westerns a otres del xéneru policial-negru. Dellos filmes d'esta época son:

• Fury (1936)
• You Only Live Once (1937)
• The Woman in the Window (1944)
• Scarlet Street (1945)
• Secret Beyond the Door (1948)
• Moonfleet (1955)

De regresu a la República Federal Alemana dirixe tovía películes como Der Tiger von Eschnapur (1959). Almiráu polos críticos de la revista francesa ''Cahiers de Cinena'', ye entrevistáu por Godard y tendrá un importante papel como actor na película d'esti Le Mépris (1963). Muerre nel añu 1976; ta enterráu nel Forest Lawn – Hollywood Hills Cemetery de Los Angeles.

Bibliografía

Historia del cine, David Parkinson, Ediciones Destino, 1995