KY Cygni

De Wikipedia
Saltar a: navegación, buscar
KY Cygni
KY Cygni
Constelación Cygnus
Ascensión reuta α 20h 25min 58,05s
Declinación δ +38º 21’ 07,6’’
Distancia 5200 años lluz (aprox)
Magnitú visual +13,5 a +15,5 (variable)
Magnitú absoluta -8,84
Lluminosidá 270.000 soles
Temperatura 3500 K
Masa 25 soles
Masa 25 soles
Radiu 1420 soles
Tipu espectral M3m

KY Cygni (KY Cyg / N 339.1929 / RAFGL 2575) ye una estrella de la constelación del Cisne,distante aprosimao 5200 años lluz del Sistema Solar. Ye una superxigante colorada de tipu espectral M3, pero d'un tamañu colosal. El so afayu llevar a cabu n'estudiando una amuesa de 74 superxigantes coloraes na Vía Lláctea y foi presentáu nel alcuentru de la Sociedá Astronómica Americana en 2005. Ye miembru de la Asociación estelar Cygns OB1.

Anque KY Cygni nun ye la estrella conocida de mayor tamañu, siendo superada por VY Canis Majoris o VV Cephei, ye muncho más grande qu'otres conocíes superxigantes como Antares y Betelgeuse. Con un diámetru 1420 vegaes mayor qu'el diámetru solar, si tuviera asitiada nel llugar del Sol, la so superficie estiéndese hasta 6,6 UA, una distancia entemedia ente les órbites de Xúpiter y de Saturnu. Con una masa de 25 soles, el so futuru ye españar como una supernova, pudiendo dexar como remanente una estrella de neutrones o inclusive un furacu prietu.

Una estrella tan enorme como KY Cygni tamién ye bien lluminosa. La so lluminosidá ye 270.000 vegaes superior a la lluminosidá solar, anque nesta faceta ye claramente superada por otres estrelles más masives y calientes. Ye una variable irregular de tipu LC que'l so rellumu varia ente magnitú aparente +13,5 y +15,5.

Comparanza ente'l tamañu de KY Cygni y Betelgeuse.

Ver tamién[editar | editar la fonte]

Referencies[editar | editar la fonte]