John Lennon
| John Lennon | |
|---|---|
 |
|
| Datos xenerales | |
| Nacimientu | 9 d'ochobre de 1940 |
| Orixe | Liverpool, Reinu Xuníu |
| Muerte | 8 d'avientu de 1980 (Nueva York) |
| Ocupación | Músicu, cantante, compositor |
| Información artística | |
| Otros nomes | John Winston Lennon |
| Xéneru(os) | Beat, Pop rock, Soft rock, Rock & roll |
| Periodu d'actividá | 1957 - 1980 |
| Discográfica(es) | Parlophone, EMI, Apple, Geffen, Polydor |
| Artistes rellacionaos | The Beatles, Yoko Ono, George Harrison |
John Winston Ono Lennon, (Liverpool, Inglaterra, 9 d'ochobre de 1940 – Nueva York, Estaos Xuníos, 8 d'avientu de 1980) foi un músicu, cantante y compositor que saltó a la fama mundialmente como unu de los miembros fundadores del grupu británicu The Beatles y, xunto con Paul McCartney, formó una de les parexes de compositores más esitoses del sieglu XX.
Biografía[editar | editar la fonte]
Nació y creció en Liverpool, pasando buena parte de la so neñez y adolescencia viviendo colos sos tíos Mimi y George Smith, que nun teníen fíos propios. La so madre, Julia, finó, víctima d'un accidente automovilísticu, cuando'l mozu John cuntaba 17 años.
En Liverpool familiarizaríase col xéneru musical skiffle cuando yera adolescente, formando la banda The Quarrymen en 1957 al pie de Paul McCartney, que posteriormente terminaría convirtiéndose en The Beatles en 1960. Cuando'l grupu entamó a dixebrase hasta la so disolución a finales d'esa década, Lennon entamó una carrera como solista, que taría marcada por álbumes críticamente aclamaos, incluyendo John Lennon/Plastic Ono Band y Imagine, asina como icóniques canciones como «Give Peace a Chance» y la propia «Imagine».
Demostró un carácter bien rebelde na música, el cine, los llibros y dibuxos, y nes conferencies de prensa y entrevistes. Foi polémicu al traviés de les sos acciones pola paz, xunto con la so muyer Yōko Ono. En 1971, trelladóse a vivir a Nueva York, onde la so oposición a la guerra de Vietnam dio llugar a una riestra d'intentos del gobiernu de Richard Nixon a expulsalu del país, mientres que les sos canciones fueron adoptaes como himnos pal movimientu contra la guerra. Dempués del so auto-impuestu «retiru» de la industria musical en 1975, pa dedica-y tiempu a la so familia, Lennon volvió a surdir en 1980 con un álbum de regresu, Double Fantasy, pero foi asesináu tres selmanes dempués del so llanzamientu, el 8 d'avientu de 1980, d'un disparu na cabeza perpetáu por Mark David Chapman, un supuestu almirador a quien Lennon -y autografió un discu esa mesma mañana.
Discografía[editar | editar la fonte]
- Pa la discografía de los Beatles ver equí
*Unfinished Music No. 1: Two Virgins (con Yoko Ono) (1968) *Unfinished Music No. 2: Life with the Lions (con Yoko Ono) (1969) *Wedding Album (con Yoko Ono) (1969) *John Lennon/Plastic Ono Band (1970) *Imagine (1971) *Some Time in New York City (con Yoko Ono) (1972) *Mind Games (1973) *Walls and Bridges (1974) *Rock 'n' Roll (1975) *Double Fantasy (con Yoko Ono) (1980) *Milk and Honey (póstumu, con Yoko Ono) (1984)
Referencies[editar | editar la fonte]
Enllaces esternos[editar | editar la fonte]
Wikimedia Commons acueye conteníu multimedia sobro John Lennon.
