Johann Sebastian Bach

De Wikipedia
Saltar a: navegación, buscar
Uiquipedia:Wikipedia:Llista d'artículos que toa Wikipedia tien que tener/Archivu
Johann Sebastian Bach
Johann Sebastian Bach.jpg
Vida
Nación Eisenach, 21 marzu 1685
Nacionalidá Ducado de Sajonia-Eisenach
Fallecimientu Leipzig, 28 xunetu 1750
Sepultura iglesia de Santo Tomás
Causa de la muerte causes naturales
Familia
Padre Johann Ambrosius Bach
Madre Maria Elisabetha Lämmerhirt
Casáu con Maria Barbara Bach  (17 ochobre 1707 -  1720)
Anna Magdalena Bach  (3 avientu 1721 -
Fíos/es
Hermanos/es
Familia
Tribu familia Bach
Estudios
Estudios St. Michael's School abril 1702)
Llingües Idioma Alemán
Alumnu/a de Johann Ambrosius Bach
Profesor/a de Johann Friedrich Agricola
Johann Christoph Altnickol
Johann Friedrich Doles
Carl Gotthelf Gerlach
Oficiu
Oficiu Compositor, organista, clavecinista, violinista, violista, director de orquesta, director de coro, concertino, musicólogo, profesor de música y virtuoso
Llugares de trabayu Mühlhausen/ThüringenWeimarLeipzigArnstadt eta Köthen
Empleadores Divi Blasii, Mühlhausen
Leopold de Anhalt-Cöthen
Thomasschule zu Leipzig
Juan Ernesto III de Sajonia-Weimar  (xineru 1703 -  agostu 1703)
Bachkirche  (agostu 1703 -  1707)
Augusto III  (19 payares 1736 -
Trabayos destacaos Mein Herze schwimmt im Blut, BWV 199
Es reißet euch ein schrecklich Ende
Sonatas y partitas para violín solo
Pequeño libro de Anna Magdalena Bach
Pequeño libro de Wilhelm Friedemann Bach
Misa en si menor
Oratorio de Navidad
Gottes Zeit ist die allerbeste Zeit, BWV 106
Tocata y fuga en re menor, BWV 565
Tocata y fuga en re menor, BWV 538
Ofrenda musical
El arte de la fuga
El clave bien temperado
Suites inglesas
Suites francesas
Pasión según San Juan
Variaciones Goldberg
Entfliehet, verschwindet, entweichet, ihr Sorgen, BWV 249a
Schweigt stille, plaudert nicht
Der Geist hilft unsrer Schwachheit auf, BWV 226
Jesu, meine Freude
Herz und Mund und Tat und Leben
Preise dein Glücke, gesegnetes Sachsen
Geschwinde, ihr wirbelnden Winde
Pasión según San Mateo
Movimientu música del Barroco
Xéneru artísticu música clásica
música del Barroco
Instrumentu musical órgano
clavecín
Vigulín
viola
Creencies
Relixón luteranismo
IMDb nm0001925
Johann Sebastian Bach signature.svg
Cambiar los datos en Wikidata

Johann Sebastian Bach (21 de marzu de 1685 - 28 de xunetu de 1750) foi un músicu y compositor na dómina barroca de la música erudita (mal nomada "música clásica"). Considérase un de los compositores más grandes y influyentes na historia de la música. Munches de les sos obres reflexen una gran profundidá intelectual, expresión emocional y, enriba too, un altísimu dominiu técnicu.

Biografía[editar | editar la fonte]

Nació en Eisenach (Turinxa), nel sen d'una familia de músicos. La má de Bach morrió cuando él tenía 9 años d'edá. Un añu depués morrió so pá Johann Ambrosius Bach, que yera músicu de la ciudá y deprendió-y los rudimentos la música. Marchó pa alendar y estudiar col so hermanu mayor, Johann Christoph Bach, 16 años mayor qu'él, por entonces muerganista de Ohrdruff. D'él deprendió Bach a tocar el muérganu y la composición.

En 1703, a los dieciocho años, Bach algamó'l puestu de muerganista en Arnstadt gracies al so dominiu del istrumentu. Cuatro años depués treslladose a Mühlhausen, casándose cola so prima María Bárbola Bach. Ellí escribió tamién les sos primeres cantates. Sólo un añu depués, en 1708, foi nomau muerganista de la corte, y en 1714 direutor d'orquesta na corte del duque Wilhelm Ernst, en Weimar.

De 1717 a 1723 Bach foi maestru de capiella na corte del príncipe Leopold de Anhalt-Köthen. En 1720 morrió la so primera esposa, y un añu depués volvió a casase, nesta vegada cola cantante Anna Magdalena Wilcke. A partir de 1723 y fasta la so muerte Bach foi cantor na ilesia de santu Tomás en Leipzig. Llegó a ser invitáu na corte de Federicu II el Grande en Sans Souci. Morrió en 1750, depués d'una intervención fracasada nel güeyu. Bach foi quedándose ciegu, fasta perder totalmente la vista. Actualmente atalántase que la so ceguera foi orixinada per una diabetes ensin tratar.

Bach foi cabezaleru d'una familia numberosa. Tuvo 7 fíos del so primer matrimoniu y 13 del segundu. Tres de los fíos que tuviera cola so segunda muyer convirtiéronse en compositores respetaos por derechu propiu. Dalgunos d'ellos yeren Wilhelm Friedemann Bach (1710-1784), Carl Philipp Emanuel Bach (1714-1788, de quien Mozart tenía una perbona opinión) y Johann Christian Bach (1735-1782). Ensin embargo, l'enfotu que Bach pusiera nun de los sos fíos mayores tuvo tristayes consecuencies depués del so fallecimientu. El fíu perdió pa siempre varies Pasiones compuestes por so pá que quiciavis agora sedrían tan apreciaes comu la pasión según san Mateo y la pasión según san Xuan. De nun ser pol cuidao que tuvo Carl Phillip Emanuel en conservar los manuscritos de so pá, el mundiu podria vese priváu d'una bona parte de les obres maestres de Bach.

Na dómina la vieyera, cuandu la xente referíase a Bach facíalo atalantando nel so célebre fíu Carl Phillip. Nes xeneraciones siguientes a Bach, sólo los compositores y músicos conocíen la so obra. Asina, por exemplu, Haydn, Mozart y Beethoven tuvieron munchu apreciu poles sos obres.

Obra[editar | editar la fonte]

Ente les carauterístiques sobresalientes de Bach alcuéntrase'l so dominiu de complexos y inxeniosos contrapuntos. Llevó el xéneru la fuga a la so colminación na so obra El clave bien atemperáu, que consiste en 48 preludios y fugues, un preludiu y una fuga pa cada tonalidá mayor y menor. Otru llabor importante ye El estolaxe la fuga, que quedó entamanáu al so fallecimientu. Amestáu cola idea de que fuera un conxuntu d'exemplos de les técniques del contrapuntu, El estolaxe la fuga consta de 14 fugues con diferentes formes, pero toes col mesmu tema básicu.

Tamién revisten gran apiegu los conciertos, que Bach compuso basándose na forma de los conciertos d'Antonio Vivaldi (1678-1741), compositor y vigulineru italianu contemporaneu suyu (unos siete años mayor qu'él). Asina, por comparanza, los Conciertos de Brandenburgu caracterízense por tar dedicaos a un garripiñáu diferiente de instrumentos solistas cada un d'ellos.

Bach escribió muncho de la so música pa la ilesia luterana. En particular les sos cantates fueron compuestes pa les mises dominicales, y les sos pasiones pa les ceremonies de vienres santu.

Amas de les yá citaes, otres obres célebres de Bach son les Suites pa orquesta, les Suites pa violonchelu, los Conciertos pa vigulín y la misa in si menor.

El reestrenu de la pasión según san Mateo'l 11 de marzu de 1829 por Mendelssohn dio un gran impulsu na divulgación de la música de Johann Sebastian Bach.

El rexistru de les obres de Bach foi ellaboráu por Wolfgang Schmieder. Conozse poles siegles "BWV" que signifiquen Bach Werke Verzeichnis (catálogu d'obres de Bach), Bach tuvo numberosos alumnos y estudiantes a lo llargo de la so vida. Ente ellos cuéntense a Johann Friedrich Agrícola.