Jean-Paul Belmondo

Jean-Paul Belmondo
Vida
Nome completu	Jean Paul Charles Belmondo
Nacimientu	Neuilly-sur-Seine, 9  d'abril de 1933 (85 años)
Nacionalidá	Francia
Llingua materna	francés
Familia
Padre	Paul Belmondo
Pareyes	Laura Antonelli
Fíos/es	ver Paul Belmondo
Hermanos/es	ver Alain Belmondo
Estudios
Estudios	École alsacienne Conservatoire national supérieur d'art dramatique
Llingües	francés
Alumnu/a de	Henri Rollan ‎Raymond Girard‎
Oficiu
Oficiu	productor de cine, actor de cine, especialista de cine, actor de teatru y actor
Premios	ver Premios Cámara de Oro comendador de les Artes y les Lletres [[]]  (2011) Comendador de la Legión de Honor  (6 abril 2007) César al mejor actor  (1989) : Itinéraire d'un enfant gâté Commander of the National Order of Merit Orden de Leopoldo Premios César Palma d'Oru Llión d'Oru Oficial de la Legión de Honor  (6 mayu 1991)
Nominaciones	ver César al mejor actor (1989) : Itinéraire d'un enfant gâté
IMDb	nm0000901

Jean-Paul Belmondo.

Jean-Paul Belmondo (9  d'abril de 1933, Neuilly-sur-Seine) ye un actor francés de cine y teatru. Igualmente foi productor de cine y direutor de teatru. Alternando'l xéneru popular y los films d'autores, convirtióse en dellos años nuna de les más grandes estrelles del cine francés, campeón indiscutible de la taquilla lo mesmo que Louis de Funès y Alain Delon nel mesmu tiempu. En cincuenta años de carrera, llevó a les sales cerca de 130 millones d'espectadores.

Trabayó baxo la direción de grances realizadores franceses, como Alain Resnais, Henri Verneuil, Jean-Luc Godard, Claude Chabrol, François Truffaut, Claude Sautet, Jean-Pierre Melville, Claude Lelouch, Georges Lautner o Gérard Oury asina como con dellos direutores estranxeros como Vittorio De Sica. Un gran númberu de los sos films convirtiéronse en clásicos del cine francés, como Le Professionnel, Borsalino, À bout de souffle, Le Magnifique, Un singe en hiver, Pierrot le fou, Le Cerveau o L'As des as.

Retiráu del cine por problemas de salú, volvió nel añu 2009 con Un homme et son chien.

Biografía

Mocedá y formación

Jean-Paul Belmondo nació en Neuilly-sur-Seine, el 9 d'abril de 1933. So Padre, Paul Belmondo, d'orixe piamontés y sicialianu foi un escultor de sonadía. Na so infancia conoció delles privaciones, ya que so padre malvivía del so arte nel contestu de la Segunda Guerra Mundial y de la ocupación alemana.

Indisciplináu y poco inclináu a los estudios, Jean-Paul Belmondo apasiónase de bien mozu pol boxéu, el fútbol, los coches y el ciclismu, dedicándose al boxéu como amateur, teniendo un curtia carrera con cuatro victories y una pelea nula en nueve combates .