Jamelia

De Wikipedia
Saltar a navegación Saltar a la gueta
Jamelia en conciertu.

Jamelia Niela Davis, conocida a cencielles como Jamelia (Birmingham, 11 de xineru de 1981), ye una cantante británica de R&B. Consiguió ésitu fora d'Europa en 2003, col so cantar "Superstar".

Biografía[editar | editar la fonte]

Jamelia nació en Birmingham, Inglaterra d'una familia jamaicana. Se crio nel distritu de Aston. Foi contratada pola discográfica inglesa Parlophone Records UK a los 15 años, dempués d'impresionar a los executivos de la discográfica colos sos cantares a capella.

Álbum debú: Drama[editar | editar la fonte]

N'abril de 1999, Jamelia publicó  el so primera single "So High", pero nun foi hasta'l so segundu single, "I Do", ónde consiguió llegar al Top 40 del Reinu Uníu. En 2000, a los 18 años d'edá, publicó'l so primer álbum, tituláu "Drama", que llegó al númberu 39 del Top 40 del Reinu Uníu. El single más esitosu del primer álbum de Jamelia foi "Money", xuntu col jamaicano Beenie Man, llegando al númberu 5. Foi nomada a 4 Premios Mobo, ganando 1. L'álbum siguió col so tercer single y siguió cola racha d'ésitu, llegando al númberu 11; y el so cuartu y últimu single foi "Boy Next Door", que debutó fora del Top 40 del Reinu Uníu, el númberu 42.

Thank You[editar | editar la fonte]

Dempués del ésitu del so primer álbum, retiróse temporalmente de la industria de la música pa dar a lluz a la so primer fía'l 18 de marzu de 2001. Ente que curiaba de la so fía Texa, Jamelia entamaba con tornar al mundu de la música y en 2003 publicó'l primera single del so segundu álbum, "Bout", tornando al Top 40. En septiembre de 2003, publicó'l so segundu álbum, "Thank You" llegando al Númberu 65 nel Reinu Uníu. Dempués d'estes resultancies, el so primer númberu 3 vinu de la mano del single "Superstar", versión del single de la cantante danesa Christine Milton. Esti single conoció l'ésitu en dellos países.

El so álbum "Thank You" foi más tarde rellanzáu de nuevu y llegó al númberu 4 nel Reinu Uníu. Nesta nueva versión, Jamelia incluyó 2 nuevos singles, "See It In A Boy's Eyes" y "DJ". Dambos singles fueron creaos por Chris Martin.

Na seronda de 2004 decidió collaborar pal Band Aid 20 nel single "Do They Know It's Christmas?". Coles mesmes, publicó una tema pa la segunda película de Bridget Jones, "Stop". El single tenía'l B-Side "DJ".

Esti segundu discu de Jamelia foi'l más vendíu de tolos que fixo, vendiendo cerca de 1.500.000 copies en tol mundu[cita [ensin referencies].[ensin referencies]

N'ochobre de 2005, Jamelia dio a lluz a la so segunda fía, Tiani Naila Byfield.

Walk With Me[editar | editar la fonte]

El tercer álbum de Jamelia ye "Walk With Me", salió a la vienta'l 25 de setiembre de 2006. Debutó nel 20º puestu de la llista d'álbumes de Reinu Uníu y nel 67º na d'Irlanda. Nel Reinu Uníu vendió cerca de 40.000 copies hasta que rebaxaron el so preciu a unes £3 y consiguió remontar vientes, llegando a la certificación de discu d'oru por vientes cimeros a 100.000 copies [cita [ensin referencies].

El primera single ye "Something About You", foi publicáu'l 11 de setiembre de 2006 y debutó el númberu 10 nel Reinu Uníu na so segunda selmana, vendiendo más de 70.000 copies en total siendo la so meyor posición el 9º puestu[cita [ensin referencies] Nel restu del mundu tuvo poca repercusión.

El segundu single d'esti álbum foi "Beware of the dog", que siguió la racha de top 10 de Jamelia nel Reinu Uníu, llegando xusto al 10º puestu de la llista. En total vendió cerca de 40.000 copies nesti país[cita [ensin referencies].

A "Beware of the dog" siguiólu Non More", que se quedó nel puestu 43 de la llista de Reinu Uníu, llegando al 11º puestu de la llista Airplay.

Jamelia anguaño, ta tomando clases d'actuación, nel que podría participar nuna serie del Reinu Uníu. Amás, como fixeron otres actrices y cantantes, como Sophie Ellis-Bextor o Pamela Anderson, Jamelia participó na campaña pro-animales de PETA, que va coincidir la campaña cola Selmana de la Moda de Londres.

Referencies[editar | editar la fonte]

Enllaces esternos[editar | editar la fonte]