Islla Wallis
| Islla Wallis | |
|---|---|
| Wallis (fr) | |
.jpg) | |
| Situación | |
| País |  Francia |
| Coleutividá |  Wallis y Futuna |
| Tipu | islla |
| Parte de |
Wallis Islands (en)  |
| Asitiáu en | Océanu Pacíficu |
| Coordenaes | 13°18′S 176°12′W / 13.3°S 176.2°O |
  Islla Wallis Islla Wallis (Océanu Pacíficu) | |
| Datos | |
| Altitú media | 106 m |
| Superficie | 77,9 km²[1] |
| Noamáu por | Samuel Wallis |
| Fusu horariu | UTC+12:00 |
| Llonxitú | 15,2 km |
 | |
La islla Wallis (en francés: île Wallis), tamién conocida como ʻUvea, ye una islla nel océanu Pacíficu que pertenez a la coleutividá francesa de ultramar (coleutividá d'outre-mer o COM) de Wallis y Futuna. Tien una superficie de 96 km² en total, inclúyendo les islles axacentes.
Historia[editar | editar la fonte]
Primeros humanos
Los primeros signos de presencia humana nestes islles son artefactos carauterísticos de la cultura Lapita, que daten aprosimao d'ente 850 y 800 a.C.
Les islles sirvieron como escales naturales pal tráficu d'embarcaciones, principalmente ente Fixi y Samoa. Mientres les invasiones tonganes de los sieglos XV y XVI, les islles defendieronse con distintos niveles de resistencia, pero tamién aceptaron distintos graos d'asimilación.
Futuna caltuvo más de les sos carauterístiques culturales anteriores a Tonga, ente que Wallis esperimentó mayores cambeos fundamentales na so sociedá, idioma y cultura. Los habitantes orixinales construyeron fuertes y otres estructures identificables nes islles (munches de les cuales tán en ruines), dalgunos d'ellos tán parcialmente intactes.
La historia oral y l'evidencia arqueolóxica suxuren que los invasores tonganos volvieron ocupar y modificaron dalgunes d'estes estructures. La historia oral tamién caltien una memoria cultural de les relaciones ente Samoa y Futuna que son tan antigües que se describen nes histories d'orixe de los isleños.
.svg)
Formó parte del imperiu marítimu de Tonga mientres tol periodu entendíu ente los sieglos XIII y XVI. Nesa dómina, la influencia de los Tui Tonga menguara tantu que Uvea convirtióse importante en sí mesma.
Dellos de los títulos actuales d'altu rangu de Tonga, al igual que Halaevalu, aniciaronse de la so descendencia de Uvea.
Una gran canoa llexendaria, el Lomipeau, foi construyida na islla como una donación a la Tui Tonga. La gran fortaleza Talietumu, cerca de Lotoalahi, en Mua, foi l'últimu partaz de los habitantes de Tonga hasta que fueron derrotaos. Les ruines del llugar siguen siendo una atracción turística.
La islla pasó a llamase Wallis dempués de qu'un navegante de Cornualles, el capitán Samuel Wallis, afayola mientres saleaba nel HMS Delfín, el 16 d'agostu de 1767, arriendes del so descubrimientu de Tahití. En 1886, convertióse nun protectoráu francés.
Xeografía[editar | editar la fonte]
La islla principal tien una superficie de 77,5 km² y una circunferencia de cerca de 50 km. El so puntu más altu ye'l Monte Lulu Fakahega (131 metros). Tamién hai un puñáu de grandes llagos, un signu del orixe volcánicu de les islles; los círculos de dalgunos d'ellos son casi perfectos y rectos, con parés verticales, como'l llagu Lalolalo.[2]
Uvea o Wallis alcuéntrase a 240 km al nordeste de les islles de Futuna y Alofi. Xuntu con unes 15 islles más pequeñes que la arrodien, na so gran barrera de petones que forma l'archipiélagu de Wallis, d'unos 96 km². Wallis tien un suelu volcánicu fértil y l'agua abondo como pa dexar que l'agricultura de subsistencia espollete.[3]
Demografía[editar | editar la fonte]
La población de la islla en 2003 foi de 10 071 (el 67 % de la población del territoriu). La mayoría de los habitantes falen uveano (o wallisiano) como la so llingua materna. Casi toos son cristianos católicos, y hai numberosos edificios relixosos na islla.
Alministración[editar | editar la fonte]
La islla ye unu de los trés reinos tradicionales de Wallis y Futuna; les otres dos son Alo y Sigave, nes isles Hoorn (Isles Futuna). La so capital, Matāutu, asitiada na mariña oriental, ye tamién la capital de too el territoriu de Wallis y Futuna. En Wallis, el rei de Uvea (llamáu lavelua) ye la cabeza de la xerarquía local. Ta asistíu por un primer ministru (kivalu) y cinco ministros. A propuesta de la población, 3 xefes de distritu (faipule) tienen autoridá sobro los líderes de 21 aldegues reconocíos pola población. Los líderes d'aldega son aclamaos o retiraos mientres les xuntes xenerales del pueblu (fono), celebraes los domingu usando una caxa común (fale fono).
El reinu estremase en trés distritos que se numberen de norte a sur:
| Distritu (significáu) | Capital | Área (km²) |
Población Censu 2003 |
Villes |
|---|---|---|---|---|
| Hihifo (occidente) | Vaitupu | 23,4 | 2 422 | 5 |
| Hahake (esti) | Matu-Utu | 27,8 | 3 950 | 6 |
| Mu'a (primero) | Mala'efo'ou (1) | 26,3 | 3 699 | 12 |
| 'Uvea (Wallis) | Matu-Utu | 77,5 | 10 071 | 23 |
(1) Antes llamáu Mua.
Ver tamién[editar | editar la fonte]
- Francia de Ultramar
- Imperiu Colonial Francés
- Islles controlaes per Francia nos océanos Índicu y Pacíficu
Referencies[editar | editar la fonte]
Enllaces esternos[editar | editar la fonte]
Wikimedia Commons acueye conteníu multimedia sobre Islla Wallis 
.- Cia.gov Imaxes satelllite de les islles Wallis y Futuna, (n'inglés)
