Isadora Duncan

De Wikipedia
Saltar a navegación Saltar a la gueta
Isadora Duncan
Isadora Duncan portrait cropped.jpg
Vida
Nacimientu San Francisco27  de mayu de 1877
Nacionalidá Bandera de Estaos Xuníos d'América Estaos Xuníos
Fallecimientu

Niza14  de setiembre de 1927

(50 años)
Sepultura crematorio y columbario del Père-Lachaise
Causa de la muerte accidente de tráficu
Familia
Casáu/ada con Serguéi Yesenin  (1922 -  1923)
Pareyes Jules Grandjouan
Mercedes de Acosta
André Caplet
Paris Singer
Edward Gordon Craig
Fíos/es
Hermanos/es
Estudios
Llingües inglés
Profesor/a de Yu Rongling
Oficiu
Oficiu baillarina, coreógrafa, autobiógrafa, escritora y guionista
Llugares de trabayu Berlín
Creencies
Relixón ateísmu
IMDb nm0241984
Cambiar los datos en Wikidata
Isadora Duncan (grayscale).jpg

Isadora Duncan (San Francisco, 26 de mayu de 1877 - Niza, 14 de setiembre de 1927) bailarina estauxunidense. Figura mítica de la danza contemporanea, foi una de les grandes renovadores de la so disciplina, a la que-y dió una mayor naturalidá y llibertá d'espresión.

Los padres divorciáronse los pocos meses de nacer Isadora. A ello siguieron una riestra acontecimientos que terminaron col encarcelamientu de so pa, acusáu de fraude bancariu. Por ello foi la madre la encargada de la educación d'Isadora, na qu'había un llugar destacáu pa la música.

Na so adolescencia la familia treslladóse a Chicago, onde entamó a estudiar danza clásica. La familia perdió tolo que tenía nun fueu y marcha a vivir a Nueva York, onde Duncan ingresa na compañía del dramaturgu Augustin Daly. Al cumplir 21 años Isadora y la so familia treslládense a vivir a Londres, entrando a estudiar arte nel Muséu Británicu.

El so estilu de danza yera nuevu dafechu y rompía cola rixidez del ballet clásicu, apostando pola espontaneidá y la naturalidá, aportando los pegollos de la danza contemporanea europea. Queriendo poner nel llugar afayadizu la guapuraa y l'armonía del cuerpu, Isadora nun duldó en mostralu casi desnudu, disimuláu solo por dellos velos, y bailando descalza. Amás Isadora utilizaba música de conciertu, que nun principiu nun tuviera pensada pa ser bailada. Too ello tuvo una bona acoyida nuna Europa que vivía con intensidá les vanguardies del arte. Fundó compañíes de danza en dellos paises europeos, y tuvo como alumnes a Martha Graham y a Mary Wigham.

Jules Grandjouan, dibuxante y revolucionariu conocíu polos sos dibuxos en L'assiette au berre, foi'l so amante, y fexo dellos dibuxos sobre la so danza.

Nos sos últimos años establecióse'n Niza u consiguió la reconocencia que nun llogró nel so país. La so muerte foi tráxica al ser estrangulada pola so propia bufanda enganchada na llanta de la rueda del so coche. El so cuerpu reposa nel cementeriu parisín de Père Lachaise.