Baillarín

De Wikipedia
Saltar a navegación Saltar a la gueta
Baillarinos de danza moderna.

El baillarín o baillarina ye la persona que se dedica al arte de baillar non solo profesionalmente, sinón tamién como afición. Disciplina, constancia, pasión y valores éticos definen el so apurra social al traviés de la so vocación. Considerando que cada baillarín tien un talentu que desenvuelve al traviés del entrenamientu y la so apropiada formación que potencializa les diverses aptitúes.

L'entrenamientu tantu físicu como mental del futuru baillarín va depender del tipu de danza escoyíu. Hai programes universitarios y d'escueles acomuñaes a compañíes profesionales de danza pa la formación especializada. Tamién hai pequeñes academies de propiedá privada, ónde los estudiantes pueden formase nuna variedá d'estilos de danza, como formes de danza competitiva (por casu, baille llatín, jazz, baille de salón, hip-hop, funky, break dancie, etc), según étnicu y folclóricu.

La formación nun conservatoriu profesional de danza dura unos 10 años.[1][2] Los alumnos d'estos centros son escoyíos nuna prueba d'accesu na que se tienen en cuenta les sos condiciones físiques. De normal esta prueba realízase en redol a los 8 años d'edá.[3] Nos conservatorios l'entrenamientu suel ser diariu y les disciplines que s'imparten pueden ser: danza clásica (o académica), danza contemporánea, dances tradicionales (por casu danza española), música, anatomía, técnica de puntes, repertoriu, maquillaxe, clases de pasu a dos, etc.[4]

Los baillarinos profesionales suelen ser emplegaos por contratu. La vida profesional d'un baillarín ye polo xeneral un constante cambéu de les situaciones de trabayu, la presión d'una fuerte competencia y los baxos salarios.[5] De cutiu, aquellos baillarinos que nun trabayen pa una compañía grande, tienen que complementar los sos ingresos, yá seya nos papeles rellacionaos cola danza (por casu, la enseñanza de la danza, el entrenadores deportivos de baille, yoga) o la instrucción de Pilates pa llograr la estabilidá financiera.

Ver tamién[editar | editar la fonte]

Referencies[editar | editar la fonte]

  1. Conservatoriu en Madrid
  2. Conservatoriu de Zaragoza
  3. Conservatoriu de Murcia
  4. Conservatoriu de Valencia
  5. Sobre Sergei Polunin, primer baillarín del Royal Opera House qu'arrenunció al so puestu de trabayu por cuenta de la presión.


Bailarín