Henry James

De Wikipedia
Saltar a: navegación, buscar
Henry James
Henry James.jpg
Henry James en 1910
Datos personales
Nacencia 15 d'abril de 1843
Nueva York (Flag of the United States.svg Estaos Xuníos d'América)
Muerte 28 de febreru de 1916 (72 años)
Londres (Flag of the United Kingdom.svg Reinu Xuníu)
Ocupación Escritor, críticu
Firma Henry James signature (1907).png

Henry James (15 d'abril de 1843, Nueva York - 28 de febreru de 1916, Londres) foi un escritor y críticu lliterariu estaunidense, si bien adquier la nacionalidá británica nel añu 1915.

Biografía[editar | editar la fonte]

Henry James naz nuna adinerada familia d'orixe irlandés. Ye'l segundu de trés hermanos varones, siendo'l primeru d'estos el filólosu William James. Tien tamién una hermana, Alice James.

Ente los años 1855-1860 los James viaxen per Europa: visiten Londres, París, Xénova… Henry James estudia con tutores y tien una educación mui autodidauta, anque asiste tamién a dalgunes escueles. La mala salú y una infeición de tifus eviten que sirva na Guerra Civil de los Estaos Xuníos. En 1862 asiste a la Escuela de Derechu de Harvard, pero abandona estos estudios pa dedicase al mundu de les Lletres.

Henry James publica los sos primeros rellatos nos Estaos Xuníos, pero dende l'añu 1875 vive n'Inglaterra, principalmente ente Londres y Sussex. Adquier la nacionalidá inglesa nel añu 1915 al entender que'l deber moral de la so patria yera declara-y la guerra a Alemaña. Esti conflictu ente la cultura europea y la norteamericana sedrá l'asuntu de munches de los sos hestories.

Obres[editar | editar la fonte]

L'edición definitiva de la so obra abarca 35 volúmenes. La parte principal inclúi noveles y cuentos, pero tamién una biografía de Hawthorne y estudios críticos sobre Turguéniev y Flaubert. La obra completa contién amás estudios sobre la vida lliteraria como tema, l'arte de narrar, lo sobrenatural, el cursu del tiempu, el puntu de vista...

Delles obres son:

  • The Europeans (1878)
  • The Portrait of a Lady (1881)
  • Washington Square (1881)
  • The Aspern Papers (1888)
  • The Turn of the Screw (1898)
  • The Wings of the Dove (1902)
  • The Ambassadors (1903)
  • The Golden Bowl (1904)

Bibliografía[editar | editar la fonte]

  • Leon Edel, ed. (1983) Henry James Letters.
  • Leon Edel, ed. (1990). The Complete Plays of Henry James. New York Oxford University Press. ISBN 0-19-504379-0


Enllaces esternos[editar | editar la fonte]