Estrella binaria espectroscópica

Una binaria espectroscópica ye una estrella binaria onde los dos componentes tán tan próximes ente sigo, o tan alloñaes de la Tierra, que nun pueden ser resueltes cola vista, nin siquier utilizando poderosos telescopios. Sicasí, la so naturaleza binaria puede establecese pol desplazamientu Doppler de los sos llinies espectrales.

Al xirar sobre'l centru de mases común, la estrella socesivamente avérase y allóñase de la llinia de visión. Esti movimientu xenera nel espectru combináu de les dos estrelles una oscilación regular o desdoblamientu de les sos llinies espectrales. Les binaries espectroscópicas con llinies dobles presenten dos conxuntos de llinies que bazcuyen con fases opuestes, cada unu correspondiente a una estrella. Les binaries espectroscópicas con una serie de llinies amuesen la oscilación d'un únicu grupu de llinies, por cuenta de que la estrella secundaria ye bien tenue.

Mizar A foi la primera binaria espectroscópica descubierta en 1889 por Edward Charles Pickering. El so periodu orbital ye de 20,5 díes y dambes componentes son aproximao igual de lluminoses. Na siguiente tabla recuéyense dalgunes de les binaries espectroscópicas más conocíes:

Nome	Denominación de Bayer	Periodu orbital	Variable Eclipsante
Deneb Algedi	δ Capricorni	1,02278 díes	Si
Menkalinan	β Aurigae	3,9600 díes	Si
BD +36 3317		4,30216 díes	Si
Zeta Centauri	ζ Centauri	8,024 díes	Non
Subra	ο Leonis	14,5 díes	Non
Mizar A	ζ Ursae Majoris	20,5 díes	Non
Kappa Velorum	κ Velorum	116,65 díes	Non
Mufrid	η Bootis	494 díes	Non
Furud	ζ Canis Majoris	675 díes	Non
Rehla	τ Puppis	1066 díes	Non
Talitha Borealis A	ι Ursae Majoris	4028 díes	Non
Alhena	γ Geminorum	12,6 años	Non

Ver tamién

Referencies

The internet Encyclopedia of Science Archiváu 2008-07-06 en Wayback Machine