Zeta Centauri

De Wikipedia
Saltar a navegación Saltar a la gueta
Zeta Centauri
Zeta Centauri
Constelación Centaurus
Ascensión reuta α 13h 55min 32,4s
Declinación δ -47º 17’ 18’’
Distancia 385 años lluz
Magnitú visual +2,55
Magnitú absoluta -2,81
Lluminosidá 7100 soles (bolométrica)
Temperatura 21.090 K
Masa 9 soles
Radiu 6,6 soles
Tipu espectral B2.5IV
Velocidá radial +6,5 km/s

Zeta Centauri (ζ Cen / HD 121263 / HR 5231) ye una estrella na constelación de Centaurus de magnitú aparente +2,55. Considerada nel pasáu miembru de l'Asociación estelar Centaurus Cimera-Lupus, güei piénsase que nun forma parte de la mesma.[1] Alcuéntrase a 385 años lluz de distancia del Sistema Solar.

Zeta Centauri ye una estrella blancu-azulada de tipu espectral B2.5IV clasificada como subxigante,[2] magar les sos carauterístiques físiques afáense más a una estrella de la secuencia principal d'unos 20 millones d'años d'edá en que'l so nucleu inda tien llugar la fusión de hidróxenu.[1] Estrella caliente y lluminosa, la so temperatura ye de más de 21.000 K y la so lluminosidá, incluyida la radiación ultravioleta emitida, 7100 vegaes mayor que la del Sol. Estos parámetros dexen envalorar la so masa en 9 mases solares, na llende d'acabar los sos díes como una supernova o como una nana blanca masiva. Como otres estrelles asemeyaes, Zeta Centauri rota a gran velocidá —igual o superior a 225 km/s—, siendo'l so periodu orbital inferior a día y mediu.[1]

Zeta Centauri ye una binaria espectroscópica, detectándose la estrella acompañante namái por espectroscopia. El periodu orbital del sistema ye de de 8,02 díes.[3] Nada se sabe sobre Zeta Centauri B; si la masa d'ésta fora la metá de la componente A, la separación ente dambes sería de 0,19 UA.[1]

Referencies[editar | editar la fonte]