Furud

De Wikipedia
Saltar a navegación Saltar a la gueta
Furud
Furud
Constelación Canis Major
Ascensión reuta α 06h 20min 18,8s
Declinación δ -30º 03’ 48’’
Distancia 336 ± 20 años lluz
Magnitú visual +3,02
Magnitú absoluta -2,05
Lluminosidá 4020 soles
Temperatura 21.500 K
Masa 8 soles
Radiu 4,6 soles
Tipu espectral B2.5V
Velocidá radial +32,2 km/s

Furud (ζ Canis Majoris / ζ CMa / 1 Canis Majoris)[1] ye una estrella na constelación del Can Mayor de magnitú aparente +3,02. El so nome provién del árabe فرد, al-furud, que significa «los solitarios». Alcuéntrase a 336 años lluz de distancia del Sistema Solar.

De color blancu-azuláu, Furud ye una estrella de la secuencia principal —n'el so nucleu produz la fusión de hidróxenu— de tipu espectral B2.5V. Ye una estrella caliente de 21.500 K de temperatura, y como tal una parte importante de la so radiación ye emitida na rexón ultravioleta, siendo 4020 vegaes más lluminosa qu'el Sol. La so velocidá de rotación proyeutada ye de namái 25 km/s —un valor bien baxu pa una estrella de les sos carauterístiques—, suxuriendo que la so exa de rotación ta empobináu aprosimao escontra la Tierra. Siendo'l so radiu 4,6 más grande que'l radiu del Sol, el periodu de rotación ye inferior a 9 díes. Anque con una masa de 8 mases solares tópase cerca de la llende percima del cual les estrelles esploten en forma de supernova, probablemente va terminar la so vida formando una nebulosa planetaria con una nana blanca masiva nel so centru.[2]

Furud ye una estrella binaria, de les llamaes binaries espectroscópicas, onde los dos componentes tán tan cerca que nun se pueden resolver visualmente. Namái se sabe qu'el periodu orbital del sistema ye de 675 díes. Una compañera visual de magnitú +7,7 separada 3 minutos d'arcu ye namái una compañera óptica.[2]

Referencies[editar | editar la fonte]