Diferencies ente revisiones de «Miliaria calandra»
m iguo parámetru de plantía: title= => títulu= |
m noa |
||
| Llinia 23: | Llinia 23: | ||
}} |
}} |
||
La '''Escribana triguera'''{{NOA}} '''''(Miliaria calandra''''') ye una [[especie]] d'[[ave]] [[paseriforme]] de la [[familia (bioloxía)|familia]] [[Emberizidae]], que se distribúi per bona parte del [[Vieyu Mundu]]. |
La '''Escribana triguera'''{{Sab}}{{NOA}} '''''(Miliaria calandra''''') ye una [[especie]] d'[[ave]] [[paseriforme]] de la [[familia (bioloxía)|familia]] [[Emberizidae]], que se distribúi per bona parte del [[Vieyu Mundu]]. |
||
== Descripción == |
== Descripción == |
||
Revisión a fecha de 17:31 27 pay 2021
Les especies d'aves con nome común en llingua asturiana márquense como NOA. En casu contrariu, conséñase'l nome científicu.
Escribana triguera  | ||
|---|---|---|
 | ||
| Estáu de caltenimientu | ||
 Esmolición menor (IUCN 3.1) | ||
| Clasificación científica | ||
| Reinu: | Animalia | |
| Filu: | Chordata | |
| Clas: | Aves | |
| Orde: | Passeriformes | |
| Familia: | Emberizidae | |
| Xéneru: |
Miliaria Brehm, 1831 | |
| Especie: |
M. calandra Linneo, 1758 | |
| Distribución | ||
 | ||
| Subespecies | ||
| ||
| Sinonimia | ||
| Consultes | ||
| [editar datos en Wikidata] | ||
La Escribana triguera[1]NOA (Miliaria calandra) ye una especie d'ave paseriforme de la familia Emberizidae, que se distribúi per bona parte del Vieyu Mundu.
Descripción
La Escribana triguera ye un ave pequeña, anque de les mayores dientro de les escribanes. Mide ente 16 y 19 cm. El so plumaxe ye pardu, paecíu al de les calandries.
Mantu parduscu y llistáu, ente que'l banduyu y el pechu son blancos con pequeñes llistes escures. La cola escarez de les bandes esteriores blanques qu'otres escribanes. Nun hai diferencies notables ente machu y fema.
Tien un picu bastante gruesu, coritu percima y amarellentáu per debaxo.
Cantar
Cantar de la escribana triguera:
La Escribana triguera pue sentise tol añu, pero ye na dómina de cría cuando ye más fácil, gracies a los machos que canten en posaderos elevaos, pa marcar el so territoriu. El cantar ye una estrofa repetitiva, metálica y curtia. El tonu suel dir in crescendo, termináu con un fuerte chiflíu.
Distribución y hábitat
Residente nel sur y centru d'Europa, norte d'África y Asia hasta Mongolia. Nes zones más fríes de Centroeuropa y d'Asia la especie solo cría, emigrando a zones más templaes pel hibiernu.
Habita sobremanera en zones abiertes, yá seyan árees de cultivu o de carba baxa. Gusta de perchas elevaes pa cantar.
Les sos poblaciones baxaron enforma dende los años 60 n'Europa occidental[2] por causa de les práutiques agrícoles intensives. Aínda asina namái la so población europea envalórase ente 16 y 44 millones d'exemplares.[3] España alluga les mayores poblaciones d'escribanes trigueres d'Europa.[4]
Taxonomía
Describióla Linneo en 1758 como Emberiza calandra. A posteriori foi creáu un xéneru onde esta ye la única especie, anque dellos autores defenden la so inclusión nel xéneru Emberiza.[5]
Subespecies
- Miliaria calandra calandra[6] Linneo, 1758 Canaries, África del Norte y Europa hasta'l Cáucasu y Asia Menor.
- Miliaria calandra buturlini[6] H. Johansen, 1907 Dende Turquía hasta l'oeste de China, pasando por Iraq y Afganistán.
Comportamientu
Nun ye bien cobarde, siendo bono de ver a los machos reclamando nel celu.
Muévese en pequeños grupos pocu cohexonaos pel hibiernu. Na dómina de cría, que nesta especie va d'abril a agostu, los machos defenden los territorios. Los machos son en munches ocasiones polígamos.
La so alimentación básase principlamente en granes, frutos, biltos, y inseutos.
El nial ye un pequeñu concu de yerba nel suelu. La so construcción nun ye bien ellaborada y depende fundamentalmente de la fema.[4] La fema pon de normal ente trés y cinco güevos.[4] Los güevos varien ente'l blancu y un pardu claro, motudos irregularmente. Son comunes dos ya inclusive trés puestes nuna temporada.
Referencies
- ↑ Sabencia. Nomenclator de seres vivos n'asturianu, Miliaria calandra.
- ↑ Mullarney,K.; Svensson, L.; Zetterström, D; y Grant, P.J. (2003). Guía de Campu de les Aves d'España y d'Europa. Editorial Omega. ISBN 84-282-1218-X.
- ↑ BirdLife International (2008). Miliaria calandra. En: UICN 2008. Llista Roxa d'Especies Amenazaes UICN. Consultáu'l 23 de xineru de 2009.
- ↑ 4,0 4,1 4,2 Pajaricos.es. «Ficha del escribano triguero». Consultáu'l 23 de xineru de 2009.
- ↑ Fauna europaea. «Emberiza calandra». Consultáu'l 23 de xineru de 2009.
- ↑ 6,0 6,1 ITIS. «Taxonomía de Miliaria calandra». Consultáu'l 23 de xineru de 2009.
Enllaces esternos
Wikimedia Commons tien conteníu multimedia tocante a Miliaria calandra.
 |
Wikispecies tien un artículu sobre Miliaria calandra. |
- Identificación de sexos y edaes nel Atles d'Identificación de les Aves d'Aragón.
- Imáxenes de la especie en Arkive.
| Control d'autoridaes |
|
|---|
Datos: Q27220- Multimedia: Emberiza calandra
Especies: Emberiza calandra