Edward Albert

Edward Albert
Vida
Nacimientu	Los Angeles, 20 de febreru de 1951
Nacionalidá	Estaos Xuníos
Llingua materna	inglés
Muerte	Malibu, 22 de setiembre de 2006 (55 años)
Sepultura	ensin valor
Causa de la muerte	cáncanu de pulmón
Familia
Padre	Eddie Albert
Madre	Margo
Casáu con	Katherine Woodville (1978 – 2006)
Fíos/es	Thais Albert (en)
Estudios
Llingües falaes	inglés
Oficiu	actor, actor de cine, actor de televisión, actor de voz, músicu, productor de cine
IMDb	nm0001902

Edward Albert (20 de febreru de 1951, Los Angeles – 22 de setiembre de 2006, Malibu) foi un actor, actor de cine, actor de televisión, actor de voz, músicu y productor de cine d'Estaos Xuníos.

Primeros años

El so verdaderu nome yera Edward Laurence Heimberger y nació en Los Angeles, California. Los sos padres yeren l'actor Eddie Albert y l'actriz y baillarina mexicana Margo Albert. El so padrín foi l'amigu de la familia y lleenda cinematográfica Laurence Olivier, n'honor del que recibió Albert el so segundu nome.

Edward Albert foi tamién conocíu polos nomes d'Edward Laurence Albert y dacuando, Eddie Albert Jr.

Carrera

Albert debutó nel cine nel inusual y excéntrico drama de 1965 The Fool Killer. Nel filme actuaba como un güérfanu fuxitivu que viaxaba con un veteranu de la Guerra de Secesión, papel interpretáu por Anthony Perkins. Ye sobremanera recordáu pol so papel d'un home ciegu na película de 1972 Butterflies Are Free, xunto a Goldie Hawn. Con esti trabayu consiguió un Globu d'Oru a la estrella masculina más prometedora.

Al añu siguiente actuó con Liv Ullmann na adautación pal cine de la obra Forty Carats (Cuarenta quilates). Albert tamién interpretó a un pilotu estauxunidense, fíu d'un capitán de l'Armada (Charlton Heston), nel filme Midway.

Tamién consiguió fama pol so papel periódicu d'Elliot Burch, millonariu de Nueva York namoráu de la heroína Catherine Chandler (interpretada por Linda Hamilton) na serie televisiva de la década de 1980 Beauty and the Beast. Foi conocíu del públicu infantil por interpretar a Mr. Collins, padre de Wesley Collins, la Red Ranger de Power Rangers: Time Force. Asina mesmu, Albert dio voz al superhéroe ciegu Daredevil en dos episodios de Spider-Man nos años noventa.

En 1982 interpretó un papel protagonista na cinta d'horror The House where Evil Dwells xunto a Susan George y Doug McClure.

Nel filme Guarding Tess (1994), foi'l fíu de la secuestrada antigua Primer Dama Tess Carlisle (Shirley MacLaine), producción na que trabayaba Nicolas Cage.

A lo llargo de la so vida actuó en gran númberu de filmes, programes televisivos y seriales, de cutiu interpretando a gayardos caballeros con enclinos malvaos.

Vida personal

Albert foi un fotógrafu espertu, amás de músicu. Casóse cola actriz Katherine Woodville en 1978, y tuvieron una fía, Tai Carmen, que ye cantante y compositora de la banda de rock Sugar in Wartime.

Nos sos últimos años, Albert dedicó Bona parte del so tiempu a moliciones medioambientales y humanitaries. Asina, trabayó na California Coastal Commission y na Native American Heritage Comission del mesmu estáu. Vivió nun ranchu nos montes cercanos a Malibu y como residente del área, dedicó parte del so tiempu a la preservación de los montes y cañones qu'inda nun fueren urbanizaos.

Edward Albert finó por causa d'un cáncer de pulmón en 2006 na so casa en Malibu. La so muerte produció un añu dempués de la del so padre. A pesar de la so dolencia, curiara del so padre, afeutáu por una enfermedá d'Alzheimer, hasta'l momentu del so fallecimientu a los 99 años d'edá en 2005.

Enllaces esternos

• Esta obra remanez de la traducción de Edward Albert de Wikipedia - inglés, espublizada polos sos editores baxo la Llicencia de documentación llibre de GNU y la Llicencia Creative Commons Atribución-CompartirIgual 3.0 Unported.
• Edward Albert na Internet Movie Database (n'inglés)
• Edward Albert n'AllMovie (n'inglés)
• Edward Laurence Albert en Memory Alpha, una wiki de Star Trek.
• Necrolóxica de Edward Albert

• Datos: Q949337