Anthony Perkins

De Wikipedia
Saltar a: navegación, buscar
Anthony Perkins
Anthony Perkins
Anthony Perkins.jpg
Perkins en 1975
Nome real Anthony Perkins
Nacencia 4 d'abril de 1932
Bandera de Estaos Xuníos d'América Nueva York, Nueva York,
Estaos Xuníos
Nacionalidá Estaunidense
Muerte 12 de setiembre de 1992 (60 años)
Bandera de Estaos Xuníos d'América Hollywood, California,
Estaos Xuníos
Otros nomes Tony
Pareya/es Berry Berenson (1973-1992)
Fíu/os Oz Perkins (1974)
Elvis Perkins (1976)
Ficha en IMDb

Anthony Perkins (Nueva York, 4 d'abril de 1932Hollywood, 12 de setiembre de 1992) foi un actor estaunidense que'l so trabayo más conocíu foi'l so papel como l'asesín en serie Norman Bates na película Psicosis (Psycho) de Alfred Hitchcock (1960).

Biografía[editar | editar la fonte]

Anthony Perkins en The Tin Star (1957).
Anthony Perkins al pie de l'actriz Charmian Carr nel filme Evening Primrose de 1966.

Foi fíu del actor Osgood Perkins (James Ripley Osgood Perkins, 1891–1937) y Janet Esseltyn Rane. Los sos entamos nel cine fueron inmeyorables: la so primer película foi L'Actriz (The Actress; 1953), xuntu a Spencer Tracy y Jean Simmons; y recibió una nominación al Óscar pol so papel na so segunda película Friendly Persuasion (1956), protagonizada por Gary Cooper.

Dempués, rodó con una nueva Sophia Loren Desire Under the Elms, con Silvana Mangano rodó This Angry Age (Dicir sul Pacifico, 1958), so dirección de René Clement, y con una debutante Jane Fonda trabayó en Tall Story (Casaré contigo).

Dempués de participaciones aclamaes en Broadway, como Té y simpatía con Joan Fontaine, interpretó al protagonista Norman Bates na güei llexendaria película Psycho. Muncha xente cuntó que merecía'l Óscar por esti papel, pero nun foi nomáu. Dempués rodó Phaedra con Melina Mercouri, so dirección de Jules Dassin.

Dempués de viaxar a Europa pa realizar el papel de Joseph K. na aclamada adaptación de la obra de Franz Kafka El procesu (The Trial), dirixida por Orson Welles, Perkins tornó a Estaos Xuníos pa tomar el papel d'un mozu asesín en Pretty Poison, que afectó al restu de la so carrera, que na década de 1970 entró en cayente.

Protagonizó nos años 1980 les remortines y la precuela de Psicosis: Psicosis II, Psicosis III (qu'él dirixió) y Psicosis IV: L'Entamu. A pesar del ésitu, la mayoría de los sos trabayos posteriores fueron en películes pa TV. Perkins tamién co-escribió'l guion pa la película The Last of Sheila (1973) xuntu col compositor Stephen Sondheim.

En 1991 recibió'l Premiu Donostia a la so carrera, otorgáu pol Festival de Cine de San Sebastián. Neses feches rodara la película española Los viermes nun lleven bufanda, comedia empobinada por Javier Elorrieta.

La vida de Perkins foi meticulosamente documentada na biografía Anthony Perkins: Split Image por Charles Winecoff (Alyson Books, 2006).

Vida privada[editar | editar la fonte]

Perkins foi bisexual. Tuvo numberosos novialgos con homes, incluyendo a les estrelles de los años 1950 y 1960 Rock Hudson y Tab Hunter, el baillarín Rudolf Nureyev y el coreógrafu Grover Dale, col que Perkins tuvo una relación de seis años enantes de casase en 1973 con una muyer: Berry Berenson (hermana de l'actriz Marisa Berenson), con quien tuvo dos fíos. Yá nel so maduror afirmó que fuera puramente homosexual hasta finales de los trenta años, cuando conoció a l'actriz Victoria Principal y tuvo un idiliu con ella en 1972.[1] Perkins morrió en 1992 por una neumonía que se-y complicó por tener sida a la edá de 60 años.

El so fíu Osgood Perkins, más conocíu como Oz Perkins, ye tamién actor; y el so otru fíu, Elvis Perkins ye un cantautor. Un día enantes del novenu aniversariu de la so muerte, la so viuda Berry Berenson finó mientres los atentaos del 11 de setiembre como pasaxera del vuelu 11 de American Airlines.

Cita[editar | editar la fonte]

«Aprendí más alrodiu d'amor, altruísmu y entendimientu humanu de la xente que conocí nesta gran aventura del mundu del sida que lo qu'aprendí nel desgraciáu y competitivu mundu nel que desperdicié la mio vida.»

Filmografía[editar | editar la fonte]

Anthony Perkins interpretando al asesín en serie de ficción Norman Bates en Psyco (1960). Depués interpretar nes sos siguientes remortines.

Premios[editar | editar la fonte]

Premiu Óscar[editar | editar la fonte]

Añu Categoría Película Resultancia
1956 Meyor Actor de Repartida La gran prueba Candidatu

Referencies[editar | editar la fonte]

  1. Tina Gianoulis. «Perkins, Anthony (1932-1992)». GLBTQ Encyclopedia. Consultáu'l 18 de xunu de 2007.

Enllaces esternos[editar | editar la fonte]