Alzheimer

De Wikipedia
(Redirixío dende Enfermedá d'Alzheimer)


Alzheimer
enfermedad rara (es) Traducir y enfermedad (clase) (es) Traducir
taupatía (es) Traducir, aging-associated disease (en) Traducir y enfermedá
Cambiar los datos en Wikidata

La enfermedá d'Alzheimer ye una enfermedá neurodexenerativa, que se manifiesta como deterioru cognitivu y trestornos conductuales. Carauterízase na so forma típica por una perda progresiva de la memoria y d'otres capacidaes mentales, a midida que les célules nervioses (neurones) muerren ya estremaes zones del celebru s'atrofien. La enfermedá suel tener una duración media aproximada de 10-12 años, anque ello pue variar muncho d'un paciente a otru.

Los síntomes de la enfermedá como una entidá nosolóxica estremada foron identificaos por Emil Kraepelin y la neuropatoloxía carauterística foi observada per primer vegada por Alois Alzheimer en 1906. D'esta miente, la enfermedá foi codescubierta por Kraepelin y Alzheimer, que trabayaba nel llaboratoriu del primeru. Sicasí, dada la gran importancia que Kraepelin daba a alcontrar la bas neuropatolóxica de desórdenes psiquiátricos, decidió nomar la enfermedá asina n'honor a Alzheimer.

Referencies[editar | editar la fonte]

Enllaces esternos[editar | editar la fonte]