Diplodus sargus (xárabu)

De Wikipedia
(Redirixío dende Diplodus sargus)
Saltar a: navegación, buscar
Uiquipedia:Wikipedia:Llista d'artículos que toa Wikipedia tien que tener/Archivu
Commons-emblem-notice.svg
Xargu, Xáragu
Diplodus sargus01.jpg
Diplodus sargus sargus
Clasificación científica
Reinu: Animalia
Filu: Chordata
Clas: Actinopterygii
Orde: Perciformes
Familia: Sparidae
Xéneru: Diplodus
Especie: D. sargus
Nome binomial
Diplodus sargus
L., 1758
Distribución
Distribución del xargu común
Distribución del xargu común
Subespecies
Sinonimia

Sparus sargus

El Xargu, o Xáragu, ye un pexe de la familia de los Sparidae, xéneru Diplodus qu'habita nel Cantábricu. Tien un cuerpu ovaláu y altu y algama los 20 - 25 cm de llonxitú y 2 kg de pesu. Los sos dientes son planos y abondo afilaos, y tien la boca pequeña. La pallabra "diplodus" remanez del griegu diploos-odoús (dos tribes de dientes: incisivos y molares).

Dase un aldéu a la Chopa (Spondyliosoma cantharus) lo que fai bien fácil el trafulcalu con ésta, y la cultura popular fai que se-yos denome a les dos especies col mesmu términu (xargu/chopa), pero esto ye un error.

El color xeneral del xáragu ye buxáceu con reflexos platiaos más o menos escuru según l'hábitat y la edá del exemplar. Tien ente ocho y doce bandes tresversales escures, que van difuminándose cola edá y la cabera d'elles, allugada sobro'l pedúnculu caudal, ye la más marcada y tien aspeutu de siella de montar. Aliméntase de moluscos y pequeños crustáceos. Ye tamién pariente de la dorada ó l'adoráu (Sparus auratus) y la Breca (pagellus erythrinus)

  • Sinónimos: Sparus sargus


Morfoloxía[editar | editar la fonte]

El xárabu tien el cuerpu estruyíu llateralmente. El so color ye gris, claro o escuru según les sos necesidaes de camuflaxe, con reflexos platiaos. Los xuveniles tienen bandes escures verticales en bandes, que se van difuminando cola edá y lleguen a desapaecer nos exemplares grandes, la postrera d'elles nel mesmu pedúnculu de la cola ye la más gruesa y escura -esta nun desapaez-.

Tien una docena d'escayos na aleta dorsal y tres espines na anal. L'aleta caudal tien una orla negra.

La boca ye más llarga que'l diámetru del güeyu. Los dientes incisivos son planos y afilaos mentanto los molares posteriores esmagayen.

La so talla máxima descrita ye 45 cm con un pesu máximu de 2 kg.[1]

Hábitat y bioloxía[editar | editar la fonte]

Espárdese per tola mariña este del océanu Atlánticu hasta Suráfrica, y per tol mar Mediterraneu y el mar Negru.

De mozos viven en bálamos numberosos de pequeños xárabos mui cerca de la oriella, frecuentes en cais, petones y al pie de les roques del cantil, tamién nos praos de Posidonia, dacuando entren n'agües salobres.[2] Los adultos son solitarios y viven na mar ente los 0 y los 50 m de fondura.[3] Frecuenta la zona del cantil, sobremanera de madrugada.[4]

Neto qu'otros munchos espáridos, los xárabos son hermafrodites.

Aliméntense de moluscos y otros pequeños invertebraos bentónicos que desentierren del sedimentu.[5] Esmagaya les conches de los moluscos colos sos fuertes molares.

Pesca y gastronomía[editar | editar la fonte]

Son difíciles de pescar, siendo bien buscáu polos pescadores deportivos pa pescalu con caña ente los castros costeros.

La so carne ye bien apreciao como d'escelente calidá, consumíos tantu al fornu como tostaos n'aceite.

Referencies[editar | editar la fonte]

  1. Bauchot, M.-L., 1987 Poissons osseux. p. 891-1421.
  2. Lenfant, P. and S. Planes., 1996 Genetic differentiation of white sea bream within the Lion's Gulf and the Ligurian Sea (Mediterranean Sea).
  3. Riede, K., 2004 Global register of migratory species - from global to regional scales.
  4. Sala, E. and E. Ballesteros, 1997 Partitioning of space and food resources by three fish genusDiplodus (Sparidae) in a Mediterranean rocky infralittoral ecosystem.
  5. Maigret, J. and B. Ly, 1986 Les poissons de mer de Mauritanie.

Bibliografía[editar | editar la fonte]

  • El léxico de la fauna marina en los puertos pesqueros de Asturias Central, Emilio Barriuso, Uviéu 1986. IDEA.

Enllaces esternos[editar | editar la fonte]

Base de datos en FishBase
Información sobre sargo común en MaestroPescador
Pesca del sargo en Larompiente
  • Semeyes de xárabu en: Fishbase Biopoix
  • Sistemática de sárabu en: ITIS (Sistema Integráu d'Información Taxonómica)