Perciformes

De Wikipedia
Perciformes
Clasificación científica
Reinu: Animalia
Filu: Chordata
Clas: Actinopterygii
Orde: Perciformes
Families
Besugu , breca, dorada, corvina, llubina, pixín, tosquile,salmonete y chanquete.
Consultes
[editar datos en Wikidata]

Los perciformes, tamién llamaos percomorfos (Percomorphi) o acantópteros (Acanthopteri), inclúin alredor del 40 % de tolos peces y son l'orde más grande de vertebraos. El nome Perciformes significa «con forma de perca». Pertenecen a la clase de los actinopterigios y entienden más de 1270 especies n'África, 1540 n'América del Sur, 1550 n'Alaska y Oceanía. Nel océanu Atlánticu esisten 7000 especies distintes, con distintes formes y tamaños, atopaes en casi tolos medios acuáticos. Apaecieron y diversificáronse per primer vegada nel Cretácicu.

Morfoloxía[editar | editar la fonte]

Los pexes perciformes xeneralmente tienen aleta dorsal con base amplia, de normal con un entalle, y aletes dorsal y añal colos primeros radios tresformaos n'escayos punchantes de númberu variable. La parte posterior tien rayes que pueden tar parcial o totalmente separaes. Regularmente presenten aletes coxales con un escayu y hasta cinco rayes nidios, cerca del gargüelu o sol banduyu. Les escames son usualmente ctenoides na forma, sicasí dacuando son cicloides o d'otros tipos. Munchos otros calteres más téunicos definen al grupu.

Clasificación[editar | editar la fonte]

La so clasificación ye revesosa. Como los define tradicionalmente, los perciformes son casi verdaderamente parafiléticos. Otros órdenes que posiblemente tendríen de ser incluyíos como subordes son los escorpeniformes, tetraodontiformes y pleuronectiformes. De los subordes reconocíos anguaño dellos tamién podríen ser consideraos parafiléticos.

Referencies[editar | editar la fonte]

Enllaces esternos[editar | editar la fonte]