Perca

De Wikipedia
Saltar a navegación Saltar a la gueta
Commons-emblem-notice.svg
 
Perca
(Perca fluviatilis)
PercheCommune.jpg
Clasificación científica
Reinu: Animalia
Filu: Chordata
Clas: Actinopterygii
Orde: Perciforme
Familia: Percidae
Xéneru: Perca
Especie: P. fluviatilis
Linnaeus, 1758
[editar datos en Wikidata]

La perca o perca de ríu (Perca fluviatilis) ye una especie de pexe de la familia Percidae qu'abonda nos ríos y lagos de cuasi toa Europa central y occidental, anque antaño la so presencia llegaba a Siberia. Na Península Ibérica, foi introducida nes cuenques del noreste pa ser utilizada na pesca deportiva.

Normalmente, tien una lonxitú de 50 cm y pue pesar hasta 4,75 kg, con un cuerpu oblongu y cubiertu d'escames dures, un lomu de tonos verdosos con un vientre plateáu y ente cinco ya siete franxes escures nel costáu.

El llombu comercialízase llimpio y de color rosáu. La carne ye suave y ta disponible pel añu enteru, amás d'almitir munches ellaboraciones distintes.

Taxonomía[editar | editar la fonte]

La primera descripción científica de la perca de ríu foi fecha por Peter Artedi nel añu 1730, definiendo la morfoloxía básica tres estudios que fizo en Suecia; solamente fizo una descripción esterna.

Ventiocho años más tarde, en 1758, Carlos Linneo clasificó a la perca de ríu ya dió-y un nome científicu: Perca fluviatilis. Linneo basó la so descripción nes investigaciones d'Artedi.

Rellación cola perca mariella[editar | editar la fonte]

Yá que les sos apariencies son similares, y que se puen cruzar ente elles, n'ocasiones la perca amariella foi clasificada como subespecie de la perca europea. Nesi casu, la perca amariella sedría Perca fluviatilis flavescens. Con too y con eso, abondes clasificaciones traten dambos pexes como especies distintes.

Referencies[editar | editar la fonte]

  • Gilberson, Lance, Zoology Lab Manual 4th edition. Primis Custom Publishing, 1999.