FishBase

De Wikipedia
Saltar a navegación Saltar a la gueta
FishBase
bas de datos global d'especies, enciclopedia en llinia, base de datos en llinia y bas de datos taxonómica
Web oficial
Cambiar los datos en Wikidata

FishBase (Bas de datos de pexes) ye una bas de datos con información sobro pexes. N'ochobre del 2006 incluyía la descripción de más de 29.400 especies, 222.300 nomes vulgares en cientos d'idiomes, 42.600 semeyes, y referencies a 38.600 trabayos na lliteratura científica.

Antecedentes[editar | editar la fonte]

En 1987, Daniel Pauly, inspiráu poles Fueyes d'Identificación d'Especies (Species Identification Sheets) y otros productos de Walter Fischer fechos pa la FAO na década de 1970, propunxo crear una bas de datos estandarizada pa especies de pexes, como parte del "ICLARM Software Project". L'añu siguiente, Daniel empezó a trabayar xuntu con Rainer Froese, que tuviera trabayando nun sistema espertu pa identificar bárabos de pexes. Depués d'un intentu atayáu de construyir un sistema utilizando Prolog, Froese treslladó a DataEase, una bas de datos rellacional para DOS. Para 1989 el proyeutu recibió'l so primer sofitu institucional económicu.

Descripción[editar | editar la fonte]

En 1993 el proyeutu camudó a Microsoft Access, y en 1995 prodúxose'l primera CD-ROM llamáu "FishBase 100". Los comentarios nes revistes científiques magar allabaron l'algame y la idea, solliñaron qu'había numberosos buecos na información provista. Les ediciones de CD posteriores viniéronse editando con una frecuencia añal, la versión de FishBase 2004 pol so volume riquía de cinco CD, o un DVD. Pa poder visualizase'l sistema rique Windows 98 o posterior, y nun ta disponibles n'otres plataformes como Mac OS X o Linux.

FishBase tuvo disponible per primer vegada na Web n'agostu de 1996, al añu siguiente contratóse un webmaster. Al tiempu, tola información de la base de datos tuvo disponible pa consulta al traviés de la rede.

A partir del añu 2000, FishBase foi alministrada pol FishBase Consortium. El consorciu ta formáu por:

Na midida que los especialistes en pexes enteráronse de la esistencia de FishBase, más de 1370 collaboradores unviaron contribuciones. Pa caltener el so valor como una base de datos de calter científicu, nun se dexa l'agregáu d'información orixinal en FishBase; tol so conteníu tien de tar basáu en material que foi publicáu con anterioridá.

Ver tamién[editar | editar la fonte]

Sitios espeyu:

[1] - DE

[2] - SE

[3] - US

Referencies[editar | editar la fonte]

  • Froese, R. and D. Pauly, Editors. FishBase 2000: concepts, design and data sources (ICLARM, Los Baños, La Laguna (Filipines), , 2000)

Enllaces esternos[editar | editar la fonte]