Denver
 | Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
 Denver | |||||
|---|---|---|---|---|---|
 | |||||
| |||||
| Alministración | |||||
| País |  Estaos Xuníos | ||||
| Estaos |  Colorado | ||||
| Condáu | Denver County (en)  | ||||
| Tipu d'entidá | capital d'estáu o rexón insular de los Estaos Xuníos | ||||
| Mayor of Denver, Colorado (en) | Michael Hancock | ||||
| Nome llocal | Denver (en) | ||||
| Nomatu | Mile High City (en) | ||||
| Códigu postal |
80201–80212, 80214–80239, 80241, 80243–80244, 80246–80252, 80256–80266, 80271, 80273–80274, 80279–80281, 80290–80291, 80293–80295, 80299, 80012, 80014, 80022, 80033, 80123, 80127, 80201, 80205, 80209, 80212, 80217, 80220, 80223, 80227, 80230, 80233, 80236, 80238, 80243, 80248, 80250, 80256, 80259, 80261, 80265, 80273, 80279, 80291 y 80295
| ||||
| Xeografía | |||||
| Coordenaes | 39°44′21″N 104°59′05″W / 39.7392°N 104.9847°O | ||||
  Denver Denver (los EE.XX.)  | |||||
| Superficie | 401.359761 km² | ||||
| Altitú | 1609 m | ||||
| Llenda con | |||||
| Demografía | |||||
| Población | 715 522 hab. (2020) | ||||
| Porcentaxe |
100% de Denver County (en) 12.39% de Colorado 0.22% de Estaos Xuníos | ||||
| Densidá | 1782,74 hab/km² | ||||
| Viviendes | 287 756 (31 avientu 2020) | ||||
| Más información | |||||
| Fundación | 22 payares 1858 | ||||
| Estaya horaria |
UTC−07:00 (horariu estándar)[1] UTC−06:00 (horariu de branu)[1] | ||||
| Llocalidaes hermaniaes | La Paz, Nairobi, Brest, Potenza, Cuernavaca, Chennai, Kunming, Aksum (ciudá), Ulán Bátor, Takayama y Karmiel | ||||
| denvergov.org | |||||
 | |||||
Denver, oficialmente City and County of Denver, ye la capital del estáu de Colorado, nos Estaos Xuníos. Asítiase nel valle del ríu South Platte, na fastera occidental de les Grandes Llanures, xustu al este de la cordelera Front, nos Montes Rocosos. Con una población estimada de 727.211 habitantes en 2019, ye la 19ª mayor ciudá del país, con una medría de población dende la del censu de 2010 del 21,17%, una de les mayores de tol país. La ciudá, y la so área metropolitana, acueyen a la mayoría de la población y l'actividá económica de la rexón de la cordelera Front, na que vive'l 85% de la población de Colorado. El dowtown de la ciudá xa xustu al este de la confluyencia del ríu Cherry Creek col ríu South Platte, a unos 19 km de la base de los Montes Rocosos. La ciudá, que recibio'l so nome n'honor d'un gobernador del territoriu de Kansas, James W. Denver, recibe'l nomatu de Mile High City porque'l so altor oficial sobro'l nivel de la mar ye exactamente una milla: 5280 pies, esto ye, 1609,3 m. El meridianu 105 oeste, referencia llonxitudinal del fusu horariu nomáu Mountain Time Zone, atraviesa pela metá la estación central de ferrocarril de la ciudá, Union Station.
Denver ye, según el ránking de la Rede d'Investigación en Globalización y Ciudaes Globales (Globalization and World Cities Research Network, GaWC), una ciudá global beta. L'área estadística metropolitana Denver-Aurora-Lakewood, que compriende diez condaos, tenía una población estimada en 2018 de 2.932.415 habitantes, que faen d'ella la 19ª mayor del país. Pela so banda, l'área estadística combinada Denver-Aurora, que comprinende 12 condaos, tenía una población estimada, esi mesmu añu, de 3.572.798 habitantes, que faen d'ella la 15ª mayor d'Estaos Xuníos. Denver ye, tamién, la mayor ciudá del Corredor Front Range, una megarrexón de 18 condaos que tienen una población conxunta de 4.976.781 habitantes. La ciudá, la más poblada nún radiu de 800 km y la segunda más poblada de la rexón de los Montes Rocosos tres de Phoenix, foi considerada pol U.S. News & World Report como'l meyor llugar pa vivir de tolos Estaos Xuníos.
Historia[2][editar | editar la fonte]
Los montes y llanaes de Colorado fueron, demientres sieglos, territoriu de caza de delles tribus de nativos americanos, y tamién ocasionalmente de tribus sedentaries dedicaes a l'agricultura, como los anasazi. Los españoles esploraron la zona nel sieglu XVI, pero nun hebo asentamientu européu permanente hasta mediaos del sieglu XIX, tres del descubrimientu d'oru na zona del picu Pikes. En 1858 establecióse, sobro un asentamientu tribal asitiáu na xuntura de los ríos Cherry Creek y South Platte, un centru d'aprovisionamientu pa los poblaos mineros nomáu Saint Charles. Poco dempués, en 1861 renombrose, pasando a ser, n'honor del territoriu de Kansas James W. Denver, Denver City, y incorporóse como villa (town).
La fiebre del oru pasó cedo, pero dellos de los cazafortunes qu'aportaran ellí asentáronse na nueva ciudá. Na década de 1860 un incendiu destruyó la mayoría d'ella, un rayu mató a 20 persones y, amás, los sos habitantes hubieron de lluchar contra les tribus indies de les Llanures y defendese inclusive d'un ataque del exércitu confederáu. L'escuru futuru de la ciudá esclariose daqué en 1870, cola llegada del ferrocarril, y asegurose seis años dempués; tres de la concesión del estatus xurídicu estatal pa Colorado, en 1876, Denver convirtióse na so capital. Pa 1879 yá tenía 35.000 habitantes, y yera la única ciudá del oeste del país con serviciu telefónicu.
Un nuevu boom mineru, nesti casu de la plata, españó na década de 1880, faciendo que la ciudá espolletara con fuercia y s'aguapara coles mansiones d'estilu victorianu de los dueños de les mines, que ficieron d'ella la ciudá más elegante del Oeste. El colapsu del mercáu de la plata na crisis conocida como pánicu de 1893 punxo n'apuros la economía de la ciudá, obligándola a diversificase. Pa primeros del sieglu XX tenía convertíose nel centru comercial ya industrial de la rexón de los Montes Rocosos, y un centru punteru nes estayes agrícola, ganadera y turística. La Gran Depresión afectola, ralentizando el so desarrollu, y primeru de la Segunda Guerra Mundial la instalación de delles axencies del gobiernu federal (Geological Survey, Bureau of Land Management) y del exércitu (base aérea de Lowry) favorecieron una nueva medría de población que continuó hasta la década de 1950. El deterioru del so centru urbanu, común al de la mayoría de les ciudaes estauxunidenses, na década de 1960 fizo que los sos residentes más acomodaos escaparan d'ella pa instalase nos suburbios.
La crisis del petroleu de 1973 fizo otra vuelta que la ciudá perdiera pie, pero supo reinventase otra vegada. De resultes de los sos esfuercios por diversificar la economía Denver entamó a ser conocida como la capital enerxética del Oeste, con proyeutos empresariales enfocaos al desarrollu de fontes alternatives d'enerxía como la solar o la eólica; en 1980 había unes 1.200 empreses del sector enerxéticu na ciudá. Con altibaxos, la ciudá siguió medrando, lo que tien su reflexu na construcción de rascacielos. A primeros del sieglu XXI la ciudá ye, amás d'un centru de referencia d'industries d'alta tecnoloxía, el principal ñudu comercial, financieru ya industrial de la rexón de los Montes Rocosos.
Referencies[editar | editar la fonte]
- ↑ 1,0 1,1 «airnav.com». Consultáu'l 15 setiembre 2021.
- ↑ Los datos d'esti apartáu tán sacaos del llibru Cities of the United States, 5th edition. Thomson Gale, Detroit, 2006
Enllaces esternos[editar | editar la fonte]
Wikimedia Commons acueye conteníu multimedia sobre Denver 
.
Sitiu web oficial (n'inglés)
| Control d'autoridaes |
|
|---|
Datos: Q16554- Multimedia: Denver, Colorado