Linaria cannabina

De Wikipedia
(Redirixío dende Carduelis cannabina)
13-04-2022 00:00
Linaria cannabina
pardín
Estáu de caltenimientu
Esmolición menor (LC)
Esmolición menor (IUCN 3.1)[1]
Clasificación científica
Reinu: Animalia
Filu: Chordata
Clas: Aves
Orde: Passeriformes
Familia: Fringillidae
Xéneru: Linaria
Especie: L. cannabina
(Linnaeus, 1758)
Distribución
Sinonimia
Carduelis cannabina[2]
Consultes
[editar datos en Wikidata]
Dellos güevos de pardín C.c.meadewaldoi Tejeda

Les especies d'aves con nome común en llingua asturiana márquense como NOA. En casu contrariu, conséñase'l nome científicu. El pardín[3], pardal[4], pardiellu[5] o pardu[6] (Linaria cannabina) ye una especie pequeña d'ave paseriforme de la familia de los frinxílidos (Fringillidae).

L'ave áfita n'Europa, oeste d'Asia, norte d'África. Ye parcialmente residente, pero munchos páxaros del este y del norte migren más al sur o camúdense a les costes.

Tierres abiertes con trupes carbes favorecen la cría. Constrúi los sos ñeros nun matu, poniendo 4 a 7 güevos.

Pue volar en bandaes grandes fora de la estación de procreación, dacuando entemecida con otros frinxílidos, tales como'l pardín prietu (Carduelis flavirostris), en costes y barraqueres salines. Aliméntase de granes.

Ye un páxaru delgáu con una cola llarga. Les partes esternes son pardes, el cogorote ye daqué blancuciu y el picu ye gris. El machu pel branu tien la nuca gris, parches coloraos na tiesta y pechu coloráu.

Les femes y los mozos nun tienen el colloráu y debaxo tienen blancu, col pechu bien polencu. El cantar tien trinos rápidos y píos.

Dacuando suel atopáse-yos centenares de milles dientro del mar.[7]

El so nome científicu fai referencia la so afición a les granes de cáñamu.

Caltenimientu[editar | editar la fonte]

El pardín ta na Llista colorada d'especies amenazaes, llistada nel plan de acción de Biodiversidá del Reinu Xuníu como de prioridá. Les poblaciones britániques amenórguense, lo que s'atribúi a la medría del usu de yerbicides, p'afarar carbes agresives.

Nome común[editar | editar la fonte]

Esta especie ye conocida nel dominiu llingüísticu asturlleonés colos siguientes nomes comunes: pardín[3], pardal[4], pardiellu[5] y pardu[6].

Referencies[editar | editar la fonte]

  1. BirdLife International. «Linaria cannabina» (inglés). Llista Roxa d'especies amenazaes de la UICN 2015.4.
  2. AviBase
  3. 3,0 3,1 URL de la referencia: http://www.sabencia.net/nomenclator.php.
  4. 4,0 4,1 «Diccionariu de la Llingua Asturiana» (asturianu) (15 avientu 2000). Consultáu'l 19 febreru 2024.
  5. 5,0 5,1 «Diccionariu de la Llingua Asturiana» (asturianu) (15 avientu 2000). Consultáu'l 19 febreru 2024.
  6. 6,0 6,1 «Diccionariu de la Llingua Asturiana» (asturianu) (15 avientu 2000). Consultáu'l 19 febreru 2024.
  7. «The Mirror of Literature, Issue 274».

Bibliografia[editar | editar la fonte]

  • IUCN2006. Asesores: BirdLife International. 2004. id: 53450. Carduelis cannabina. downloaded: 12 de mayu de 2006.

Enllaces esternos[editar | editar la fonte]