Cantón de Nidwalden

De Wikipedia
Saltar a navegación Saltar a la gueta
Cantón de Nidwalden
Flag of Canton of Nidwalden.svg Wappen Nidwalden matt.svg
Alministración
Estáu ensin litoralFlag of Switzerland.svg Suiza
Greater region of SwitzerlandSuiza Central
ISO 3166-2 CH-NW
Capital Stans
Llingües oficiales alemán
División
Xeografía
Coordenaes 46°56′N 8°04′E / 46.93°N 8.07°E / 46.93; 8.07Coordenaes: 46°56′N 8°04′E / 46.93°N 8.07°E / 46.93; 8.07
Karte Kanton Nidwalden 2010.png
Superficie 275.85 km²
Llenda con Cantón d'Obwalden, Cantón de Lucerna, Cantón d'Uri, Cantón de Schwyz y Cantón de Berna
Altitú media 454 m
Demografía
Más información
Estaya horaria UTC+01:00 y UTC+02:00
www.nw.ch
Cambiar los datos en Wikidata

El cantón de Nidwalden o Unterwalden Baxu (n'alemán Nidwalden, en francés Nidwald, n'italianu Nidwaldo, en romanche Sutsilvania) ye un semicantón de Suiza Central y unu de los cantones montiegos (Waldstätten). La so capital ye la ciudá histórica de Stans.

Xuntu col cantón d'Obwalden formaba'l cantón de Unterwalden, unu de los trés cantones primitivos de la Antigua Confederación Suiza.

Toponimia[editar | editar la fonte]

El nome de Nidwalden vien deriváu del nome de Unterwalden. Nel so orixe, Unterwalden foi conocíu en llatín como inter xibles, que n'asturianu puede traducise como ente montes y n'alemán foi tomáu como Unterwalden. Depués, pa estremar los dos valles que constituyíen el territoriu de Unterwalden, l'unu foi llamáu ob dem Wald, ente que'l segundu foi llamáu nid dem Wald, qu'en 1803 nel Acta de Mediación ye mentáu como Nidwalden.

Historia[editar | editar la fonte]

En 1291 los habitantes del cantón de Nidwalden xuniéronse xuntu colos pueblos del cantón d'Uri y cantón de Schwyz pa formar el Pactu Federal de 1291 (Bundesbrief). Naquella dómina nun esistía un verdaderu estáu, pero a fines del sieglu XIV les primeres formes de gobiernu organizáu apaecieron. Estes comprendíen asamblees institucionales y cortes.

Nos sieglos XIV y XV, el cantón xuntose col cantón d'Obwalden, anque los dos cantones nunca fueron realmente una sola entidá. Esta xunión yera llamada Unterwalden, y anque güei nun sía reconocida, dexó les sos repercusiones na historia de los dos cantones, pues al cuntar como semi-cantones, solo tienen derechu a unviar un representante al Conseyu de los Estaos en Berna.

Alredor del añu 1500 munches persones del cantón trabayaben como mercenarios. Dalgunos d'estos soldaos emigraron, lo que supunxo l'amenorgamientu de l'alta crecedera de la población. Una de les grandes destinaciones d'estos soldaos yera Alsacia. Dempués de sentir el rigor de la constitución de Napoleón, la idea de la revolución francesa nun foi perbién recibida nesti territoriu básicamente rural. El cantón de Nidwalden foi atacáu poles tropes franceses el 9 de setiembre de 1798. Al rematar la dominación francesa en 1814, la mayoría de los cambeos introducíos polos franceses fueron abolíos, foi solo hasta 1877 que'l cantón de Nidwalden aprueba la so primer constitución. Les asamblees públiques (Landsgemeinde) fueron abolíes en 1997.

Xeografía[editar | editar la fonte]

El semicantón de Nidwalden ta asitiáu na rexón de Suiza Central. Al norte llenda col llagu de los Cuatro Cantones y los cantones de Lucerna y Schwyz, al este col cantón d'Uri, al sur y oeste col cantón d'Obwalden, y al sur col cantón de Berna.

L'altor máximu del cantón ye'l Rotstöckli con 2901 msnm, que ta asitiáu orográficamente nos Alpes uraneses. Sicasí, la mayor parte del territoriu del cantón ta asitiada sobre los Prealpes suizos (Prealpes de Lucerna). El puntu más baxu del cantón alcuéntrase a veres del llagu de los Cuatro Cantones. Finalmente, el cantón ye travesáu de sur a norte pel ríu Engelberger Aa, que desagua nel llagu de los Cuatro Cantones.

Demografía[editar | editar la fonte]

El cantón de Nidwalden cunta con , lo que lo convierte nuno de los cantones menos poblaos de Suiza. De fechu namás los cantones d'Appenzell Rodes Interiores, Obwalden, Uri y Glaris son menos poblaos. Aprosimao'l 10% de la población ye d'orixe estranxeru.

El 75% de la población reivindica ser de creencia católica, ente que'l 11,9% declaren ser protestantes. A Nivel llingüísticu, la llingua oficial del cantón ye l'alemán, faláu pol 92,5% de la población.[1] El dialectu alemán-suizu faláu na rexón pertenez a la familia del Höchstalamanisch.

Política[editar | editar la fonte]

Al interior de la Confederación, Nidwalden ye un semi-cantón, esto confiere-y tolos derechos d'un cantón ordinariu, cola esceición del Conseyu de los Estaos, nel cual cada cantón unvia dos representantes y cada semi-cantón solu unu.

El Landrat (parllamentu local) cuenta con 60 representantes escoyíos según el sistema proporcional por un períodu de cuatro años. L'executivu ye llamáu Regierungsrat (Conseyu de Gobiernu) y ta compuestu por siete miembros.

Engelberger Aa col Schlossberg al fondu.

Economía[editar | editar la fonte]

Hasta finales del sieglu XX el cantón de Nidwalden yera básicamente agrícola. A partir de mediaos del sieglu XIX, el comerciu, la industria y el turismu empezaron a formar parte de la economía local. Güei un gran númberu de pequeñes y medianes empreses apoderen la economía. Pilatus Aircraft, empresa constructora d'aeroplanos, ye unu de los mayores suministradores de trabayu.

Árees tradicionales como la silvicultura y la agricultura son inda importantes pa la economía local. L'agricultura ta especializada na ganadería y la producción de carne de caza.

Turismu[editar | editar la fonte]

Gracies a la xeografía del territoriu, el turismu reviste d'un rol importante pa la economía cantonal. Los llagos y los montes atraen munchos turistes, sía mientres la estación iverniza, sía mientres la estación braniza. Los llugares que nun hai que dexar de visitar son: Klewenalp, Stanserhorn, Titlis, Bannalp y Bürgenstock.

Comuñes[editar | editar la fonte]

Artículu principal: Anexu:Comuñes de Nidwalden

El cantón de Nidwalden tien once comuñes: Beckenried, Buochs, Dallenwil, Emmetten, Ennetbürgen, Ennetmoos, Hergiswil, Oberdorf, Stans, Stansstad y Wolfenschiessen. La capital ye Stans.

Referencies[editar | editar la fonte]

  1. Oficina Federal d'Estadística. «Población residente según la llingua» (francés). Consultáu'l 4 de payares de 2011.

Enllaces esternos[editar | editar la fonte]