Conseyu de los Estaos

De Wikipedia
Saltar a navegación Saltar a la gueta
Conseyu de los Estaos
Ständerat
Conseil des Etats
Consiglio degli Stati
Cussegl dals Stadis
Bundeshaus - Ständeratssaal - 001.jpg
Datos xenerales
Tipu Cámara alta
Estáu Flag of Switzerland.svg Suiza
Pertenez a la xurisdicción Suiza
Composición
Númberu d'escaños 46
Páxina web
www.parlament.ch/
Cambiar los datos en Wikidata

El Conseyu de los Estaos (n'alemán Ständerat, en francés Conseil deas États, n'italianu Consiglio degli Stati y en romanche Cussegl dals Stadis o Cusselg dals Chantuns) ye la cámara alta de la Asamblea Federal de Suiza. Representa a los cantones suizos.

Composición[editar | editar la fonte]

Cada cantón delega dos conseyeros de los Estaos (llamaos tamién senadores). Antes de la creación del cantón del Xura, la cámara taba compuesta por 44 senadores. Dende 1979 cuenta con 46 senadores. El Conseyu de los Estaos, inspiráu del senáu estauxunidense, tien los mesmos poderes qu'el Conseyu Nacional. El so alcuerdu ye indispensable pa l'adopción d'una llei federal. Los semicantones cunten con un solu escañu (Obwalden, Nidwalden, Basilea-Ciudá, Basilea-Campu, Appenzell Rodas Esteriores y Appenzell Rodas Interiores). Asina, un cantón como Zúrich, con aproximao 1,6 millones d'habitantes, tien dos senadores al igual qu'Uri que tien namái 36.000 habitantes.

La composición política del Conseyu de los Estaos ye bien distintu de la del Conseyu Nacional. El Partíu Socialista Suizu y la Unión Democrática del Centru atópense históricamente subrepresentados, ente que los dos partíos de centru derecha (Partíu Demócrata Cristianu y el Partíu Lliberal Radical) tán sobrerrepresentados y beneficien de la mayoría de la cámara. Les eleiciones de 2007 vieron l'amenorgamientu de los senadores radicales y l'entrada de Los Verdes y Verdes Lliberales.

Sistema eleutoral[editar | editar la fonte]

Cada cantón determina por sigo mesmu'l sistema eleutoral. Namái'l cantón del Xura optó pola representación proporcional. Los demás cantones practiquen distintes variantes del sistema mayoritariu. La mayoría riquida calcúlase sobre los votos válidos (xeneralmente 50% como en Lucerna, Obwalden, Nidwalden, Zug, Friburgu, Basilea-Ciudá, Basilea-Campu, Appenzell Rodas Esteriores, San Galu, Turgovia, Tesino, Vaud, Valais y Neuchâtel, pero solamente 33% en Xinebra). L'otru sistema consiste en determinar la mayoría en proporción del total de sufraxos recibíos por tolos candidatos (25%). Esti métodu tien por consecuencia que baxa la mayoría requirida, una y bones una parte de les papeletes de votu namái tienen una llinia llena, la otra queda virxe. Polo xeneral los boletos tienen dos línea, yá que son dos escaños.

Coles mesmes hai delles variaciones en cuanto al tratamientu de los boletos o sufraxos en blancu o los votos nulos que pueden ser teníos en cuenta nel cálculu de la mayoría. Les condiciones pa presentase a una segunda ronda tamién varien. Asina, en dellos cantones, los candidatos que nun llograron un ciertu porcentaxe son automáticamente esaniciaos. Dellos cantones dexen reemplazar candidatos. La segunda vuelta ye celebrada polo xeneral 3 a 5 selmanes dempués de la primer vuelta según les regles cantonales.

Les eleiciones suelen llevase a cabu coles mesmes que les de la cámara baxa en casi tolos cantones. En Appenzell Rodas Interiores, la eleición tien llugar mientres la Landsgemeinde. El Senadores del cantón de Zug son escoyíos l'añu precedente a les eleiciones del Conseyu Nacional. El mandatu dura 4 años.

Partíos[editar | editar la fonte]

Repartición d'escaños según partíu:
     Partíu Socialista      Partíu Verde      Partíu Demócrata Cristianu      Partíu Lliberal Radical      Partíu Burgués Democráticu      Unión Democrática del Centru

Los 46 escaños atópense partíos de la siguiente manera:

Partíu 2015 2011 2007 2003 1999 1995 1991 1987
PDC 13 13 15 15 15 16 16 19
PLR 13 11 12 14 18 17 18 14
PSS 12 11 9 9 6 5 3 5
UDC 5 5 7 8 7 5 4 4
Los Verdes 1 2 2 0 0 0 0 0
PBD 1 1 0 0 0 0 0 0
pvl 0 2 1 0 0 0 0 0
Otros 1 1 0 0 0 3 5 4

Enllaces esternos[editar | editar la fonte]


Consejo de los Estados