CF Tucanae

De Wikipedia
Saltar a navegación Saltar a la gueta
CF Tucanae
CF Tucanae
Constelación Tucana
Ascensión reuta α 00h 53min 07,772s
Declinación δ -74º 39’ 05,6’’
Distancia 290 ± 20 años lluz
Magnitú visual +7,60 (variable)
Magnitú absoluta +2,87
Lluminosidá 3,32 + 03,91 soles
Temperatura 6100 + 4286 K
Masa 1,11 + 1,23 soles
Radiu 1,63 + 3,60 soles
Tipu espectral G0V/IV + K4IV/V
Velocidá radial +27,6 km/s
Otros nomes HD 5303 / HIP 4157
SAO 255716 / CPD-75 68

CF Tucanae (CF Tuc)[1] ye una estrella binaria na constelación de Tucana de magnitú aparente +7,60. La so distancia al Sistema Solar ye de 290 ± 20 años lluz.[2]

Carauterístiques[editar | editar la fonte]

La estrella primaria del sistema CF Tucanae ye una nana mariella o subxigante de tipu espectral G0IV/V. Tien una temperatura efectivo de 6100 K y relluma con una lluminosidá 3,3 vegaes mayor que la lluminosidá solar. La so masa ye un 11% mayor que la del Sol y el so radiu un 63% mayor que la d'ésti. Xira sobre sigo mesma con una velocidá de rotación proyeutada de 28 km/s. La so edá averada ye de 5000 millones d'años y piénsase que ta llegando a la fin de la so vida como estrella de la secuencia principal.

La estrella secundaria ye probablemente una subxigante naranxa de tipu K4IV/V. Con una temperatura de 4286 ± 19 K, ye casi 4 vegaes más lluminosa que'l Sol. Tien 1,23 mases solares y el so radiu ye 3,6 vegaes más grande qu'el radiu solar. La so velocidá de rotación ye alta, igual o superior a 62 ± 2 km/s.[2]

El periodu orbital del sistema ye de 2,7975 díes, anque se constató que nun ye constante. El planu orbital tópase inclináu cerca de 70º respectu al planu del cielu. La separación ente dambes estrelles ye de 0,05 UA.[2]

Variabilidá[editar | editar la fonte]

CF Tucanae ta clasificada como una binaria cromosféricamente activa. Tien una bayura de litiu relativamente alta y la componente más fría amuesa una fuerte emisión de CaII H y K, indicadores de l'actividá cromosférica. Per otra parte, la so curva de lluz amuesa marcaes asimetríes. Ta encuadrada dientro de les variables RS Canum Venaticorum, clase de variables ente les que cabe solliñar a la conocida Capella (α Aurigae) y a II Pegasi. Coles mesmes, el sistema ye una conocida radioestrella y fonte de rayos X.[2] El satélite ROSAT detectó en 1996 una erupción estelar de rayos X de gran intensidá; tuvo una duración de 9 díes y foi la erupción de rayos X coherente de mayor intensidá detectada hasta la fecha.[3]

La variación del periodu de CF Tucanae nun ye bono d'esplicar. Los dos estrelles nun tán lo suficientemente próximes ente sigo —ye una «binaria separada»— como por que se produza tresferencia de masa ente elles. Una posible esplicación puede ser la perda de masa de la subxigante naranxa debíu al vientu estelar.[2]

CF Tucanae ye, amás, una binaria eclipsante —anque los eclises son parciales—, esistiendo un eclís principal y un eclís secundariu, correspondiendo una cayida nel rellumu de 0,36 magnitúes pal primeru y 0,08 magnitúes pal segundu.[4]

Referencies[editar | editar la fonte]