Buteo platypterus

De Wikipedia
Saltar a navegación Saltar a la gueta
Buteo platypterus
Commons-emblem-notice.svg
 
Ferre aliancho
Julie Waters broad winged hawk.JPG
Estáu de caltenimientu
Preocupación menor (LC)
Esmolición menor (IUCN)[1]
Clasificación científica
Reinu: Animalia
Filu: Chordata
Clas: Aves
Orde: Accipitriformes
Familia: Accipitridae
Xéneru: Buteo
Especie: B. platypterus
(Vieillot, 1823)
[editar datos en Wikidata]

Buteo platypterus ye una especie d'ave accipitriforme de la familia Accipitridae de picu curtiu pero afiláu, carnívora y el so plumaxe ye blancu con negru y dacuando mariellu.

Pel branu distribúyense sobre l'este de Norteamérica, tan al oeste como Alberta y Texas; depués migren al sur pel iviernu escontra'l neotrópicu de Méxicu al sur de Brasil. Delles de los sos subespecies nel Caribe son reinales y nun migren.

Carauterístiques[editar | editar la fonte]

L'adultu mide de 34 a 45 cm, pesa de 265 a 560 g y un valumbu alar de 8 a 10 dm. Como na mayoría de los rapazos, la fema ye llixeramente más grande que'l machu. L'adultu tien color pardu escuru y eventualmente bandes blanques y negres en cola. Hai formes más llixeres que se confunden con Buteo lineatus, pero esa especie tien más llinies en barres, y en nales. Tien nales relativamente curties, anches.

Hábitat[editar | editar la fonte]

Siempres habita árees forestadas, escoyendo al migrar solo eses rexones. Y son indiferentes al tipu de monte tantu pa criar como pa envernar.

Dieta[editar | editar la fonte]

Cacen a la chisba esperando nuna percha y reparando la so presa, y ataquen baxando velozmente. Raramente escuerran en vuelu a la so presa. Dieta variable, mamíferos pequeños, como royedores son les sos preses regulares. Más qu'otros gavilanes Buteo norteamericanos, los anfibios, reptiles, inseutos y demás invertebraos son importantes preses. Aves, hasta del so propiu tamañu (anque usualmente muncho más pequeños), tamién son cazaes con ésitu.

Reproducción[editar | editar la fonte]

En primavera, el par de procreación constrúi un pequeñu nial relativamente baxu nun árbol maduru. La puesta va de 1 a 5 güevos, usualmente 2-3. Son de color pardu con pintes de 49 x 39 mm y pesen cerca de 42 g. El periodu d'incubación ye de 28-31 díes, faciendo'l machu de forrajeador, mientres la fema guara. Los nacíos semialtricios, pesen 28 g y emplumen a los 21-24 díes. Y salen del nial a les 5-6 selmanes d'edá, y ronden el sitiu del nial mientres 8 selmanes más.

Enemigos naturales[editar | editar la fonte]

Predadores de güevos y de nacíos inclúi al mapache Procyon lotor, cuervos Corvus, puercuspínes, Ursus americanus. Los adultos y neñones son predados por Bubo virginianus y Haliaeetus leucocephalus.

Migración[editar | editar la fonte]

Migren llargues distancies, sacante les subespecies del Caribe. Vuelen en grandes flotes. Con vientos favorables, enormes cantidaes de decenes de miles pueden ser vistos nes sos rutes de vuelu.

Estáu de caltenimientu[editar | editar la fonte]

Anque'l so númberu de especímenes ye relativamente estable, les poblaciones tán tornando por fragmentación de montes.

Subespecies[editar | editar la fonte]

Buteo platypterus cubanensis en cautiverio

Conócense seis subespecies de Buteo platypterus:[2]

Referencies[editar | editar la fonte]

  1. BirdLife International 2008. Buteo platypterus. In: IUCN 2009. IUCN Red List of Threatened Species. Version 2009.1
  2. «The Clements Checklist of Birds of the World, Version 6.5». Cornell University Press. Consultáu'l 12 de xunu de 2011.

Enllaces esternos[editar | editar la fonte]