Bob Balaban

De Wikipedia
Saltar a navegación Saltar a la gueta
Bob Balaban
Bob Balaban
Bob Balaban 2012 Shankbone.JPG
Vida
Nacimientu

Chicago16 d'agostu de 1945

(72 años)
Nacionalidá Bandera de Estaos Xuníos d'América Estaos Xuníos
Familia
Padre Elmer Balaban
Estudios
Estudios Universidad Colgate
Llingües inglés
Oficiu
Oficiu actor, direutor de cine, productor de cine, actor de cine y actor de televisión
Nominaciones
IMDb nm0000837
Cambiar los datos en Wikidata

Bob Balaban (16 d'agostu de 1945Chicago), ye un actor, direutor de cine, productor de cine, actor de cine y actor de televisión estauxunidense.

Vida privada[editar | editar la fonte]

Balaban nació en Chicago, Illinois, fíu de Eleanor Pottasch y Elmer Balaban, dueñu de dellos cines y pioneru de la televisión por cable.[1][2] La so familia yera una fuerza dominante nel negociu del cine; los sos tíos fundaron el circuitu de teatros Balaban y Katz en Chicago, una cadena qu'incluyía'l Chicago Theatre y el Uptown Theatre (el documental Uptown: Portrait of a Palace (2006) inclúi unu d'esos cines). Balaban y Katz remanaba dalgunos de los más importantes cines d'Estaos Xuníos a principios de los años 1920. El padre de Bob Balaban y el so tíu Harry fundaron la Corporación H & Y Balaban en Chicago. Más tarde llograron un poderosu grupu de franquicies d'estaciones de televisión y cable. El so tíu Barney Balaban foi presidente de Paramount Pictures por casi 30 años, dende 1936 a 1964.[3] El segundu home de la so güela, Sam Katz, foi vice presidente de la Metro-Goldwyn-Mayer dende 1936. Sam formó Balaban and Katz al pie de los tíos de Bob: Abe, Barney, John y Max. Sam tamién foi presidente del cine Publix, una división de Paramount Pictures.

Foi alumnu de la Universidá Colgate y la Universidá de Nueva York, y vivió al pie de la so familia nel Upper West Side de Manhattan. Ye xudíu,[4] los sos güelos paternos inmigrarón de Rusia a Chicago.[5]

Carrera[editar | editar la fonte]

Unu de los sos primeros papeles nel cine foi en Midnight Cowboy (1969). Primeramente interpretó a "Linus" en You're A Good Man, Charlie Brown, una producción orixinal off-Broadway de 1967.[6] Ente los sos primeros roles mientres los años 70 tuvieron el de Orr en Catch-22 y l'intérprete David Laughlin en Close Encounters of the Third Kind (1977) de Steven Spielberg. En 1979 foi nomáu al Premiu Tony pol so papel en The Government Inspector. Mientres la década de 1980 trabayó en películes como Altered States y 2010, y dirixió Parents, protagonizada por Randy Quaid.

Balaban tuvo papeles secundarios en películes como Absence of Malice, Bob Roberts, Deconstructing Harry, Ghost World, The Majestic, Lady in the Water y en toles películes de Christopher Guest: Waiting for Guffman, Best in Show, A Mighty Wind y For Your Consideration. Mientres los 90 tuvo un papel recurrente na cuarta temporada de Seinfeld, faciendo de Russell Dalrymple, el presidente ficticiu de la NBC y más tarde amiga de Elaine Benes. En 1999 apaeció como convidáu na serie Friends interpretando a Frank Buffay, el padre de Phoebe, nel capítulu "The One With Joey's Bag". En 2001 trabayó como productor en Gosford Park de Robert Altman, que recibió una nominación al Óscar como Meyor película; amás tamién actuó interpretando a Morris Weissman, un productor de Hollywood.

Filmografía[editar | editar la fonte]

Como actor[editar | editar la fonte]

Como direutor[editar | editar la fonte]

Referencies[editar | editar la fonte]

Enllaces esternos[editar | editar la fonte]