Batman

De Wikipedia
Saltar a navegación Saltar a la gueta
Batman
Personaxe de Detective Comics Traducir
MCM 2013 - Batman (8979342250).jpg
Universu Universu DC
Creador/a/es Bob Kane y Bill Finger
Información
Sexu masculín
Nacimientu Gotham City Traducir27  de mayu de 1939 (80 años)
Ocupación fictional businessperson Traducir, detective, justiciero ficticio Traducir, direutor executivu, superhéroe, filántropu y artista marcial
Padres Thomas Wayne Traducir Martha Wayne Traducir
Fíos Damian Wayne Traducir, Nightwing Traducir, Jason Todd Traducir, Tim Drake Traducir, Cassandra Cain Traducir, Terry McGinnis Traducir y Matt McGinnis Traducir
Residencia Gotham City Traducir
Nacionalidá Estaos Xuníos
[editar datos en Wikidata]

Batman (Home-Esperteyu n'asturianu) ye un superhéroe creáu polos estaoxunidenses Bob Kane y Bill Finger pa la editorial DC Comics, anque la reconocencia del llabor de Bill Finger nun se dio fasta dempués de que morriera (pese a que foron de so idees como'l traxe del héroe, el Batmobile, el comisariu Gordon, el villanu Joker o'l collaciu Robin). Apaeció por primera vez nel númberu 27 de la revista Detective Comics, datáu en mayu de 1939. Tienen reconocío como influyencies pal personaxe los héroes El Zorro y Phantom, y los diseños de Leonardo Da Vinci pa los preseos qu'usa. Al aviesu qu'otros superhéroes, Batman nun tien superpoder dalu, pero ye espertu n'artes marciales, científicu y el meyor detective del mundu, amás de poseyer artiluxos teunolóxicos a esgaya. Na llucha escontra'l crime ayúdenlu dellos aliaos, ente los que destaquen varios Robin socesivos, qu'al medrar tórnense en superhéroes independientes con una identidá propia, Batgirl o'l so mayordomu Alfred Pennyworth. Ente los sos enemigos principales tán Joker, sicópata con aspeutu de payasu, y Catwoman, lladrona cola qu'amás tien un amoríu. La identidá secreta de Batman ye Bruce Wayne, un empresariu multimillonariu y filántropu de Gotham City. Depués de ser testigu del asesinatu de sos pas cuando yera neñu, xura vengase y combatir la delincuencia, pa lo que se somete a un severu entrenamientu físicu y mental. Garra'l diseñu d'un esperteyu pa la vistimenta, les armes y los vehículos, y d'ehí'l nome.

Hestoria ficticia[editar | editar la fonte]

A lo llargu de los años camudaron delles vegaes la continuidá del Universu DC, y con ella la hestoria del personaxe.

El Batman de la Edá Dorada (Tierra-Dos)[editar | editar la fonte]

Bruce Wayne naz en 1915 o 1916, y siendo guaḥe ve cómo un atracador, Joe Chill, mata a sosso pas.padre Entós,y so madre. So tíu Philip faise'l so tutor llegal y mándalu a la Academia Hudson, onde depriende ciencies y garra una forma física estraordinaria. Cuando crez quier ser policía, pero la so moza, Julie Madison, diz-y que nun podría tar con daquién qu'arriesgue la vida tolos díes. Poro, diseña'l traxe d'esperteyu y entama de combatir el crime anónimamente. Nun entamu usa una pistola pa ello, anque la dexa ceo. Lluéu, pide-y casase a Julie, y ella aceuta. Por orde del presidente Roosevelt axúntase con otros superhéroes, como Superman, Green Lantern o Flash pa una misión na Alemaña nazi.

L'añu siguiente, Bruce asiste a una actuación del Circu Haly, onde presencia l'asesinatu d'un matrimonioniu de trapecistes. Tres esto, decide adoptar al fíu, une rapaz d'once o dolce años nomáu Dick Grayson, al que-y desvela la so identidá y lu entrena. Ceo ye'l so ayudante na llucha escontra'l crime, con un traxe colorista y el nome en clave "Robin". Xuntos enfréntense per primer vegada a dalgunos de los enemigos más conocíos, como Joker, Catwoman, Clayface, Penguin, Scarecrow o Two-Face. Mentanto, Julie ruempe la rellación con Bruce, nun llegando a casase, y nomen a Batman miembru honorariu de la policía de Gotham y del equipu de superhéroes Justice Society of America. Nun combate escontra'l villanu Ian Karkull, un españíu de d'enerxía místico afeuta a Batman, Robin y a otros munchos superhéroes, enllenteciendo la velocidá a la qu'avieyen.

En 1943, un home nomáu Alfred Beagle llega a la casona Wayne cola intención de que lu contraten de mayordomu, y Bruce y Dick nun pensaben faelo fasta qu'Alfred descubre les sos identidaes, y estos deciden que lo meyor ye convertilu nel so mayordomu y ayudante. Poco dempués, Batman amplia la base secreta d'operaciones, usando una cueva pa ello (y llamándola Batcave).

En 1948 Batman atopa a la fin a Joe Chill, asesín de sos pas, escorriéntalu p'amedranalu y desvela-y la so identidá. Esti pide sofitu a los amigos, pero estos mátenlu en sabiendo que ye quién creó a Batman.

Dempués d'esto apaecen nuevos criminales, como Riddler, Mad Hatter y Deadshot, y Batman conoz y siéntese atrayíu pola reportera Vicki Vale.

Años dempués, Batman y Catwoman amuésense los sos sentimientos mutuos, Batman desvela-y la so identidá y Catwoman decide entregase y dir pa la cárcel a pagar polos sos crímenes. Cuando sal d'esta cásense, y en 1957 tienen una fía, Helena. Bruce dexa la vida superheroica, pero adunvia'l comisariu Gordon na policía, yá qu'esti se retira.

En 1976 un antiguu collaciu de Catwoman, Silky Cernak, xantáxala pa cometer otro crime, qu'acaba cola muerte d'ella a pesar de que Bruce vuelve poner el traxe pa evitalu. So fía, Helena, amazcárase pa detener a Cernak, convirtiéndose na nueva superheroína Huntress, y Bruce Wayne espubliza qu'él yera Batman.

En 1979, y enfermu de cáncer, Bruce pon el traxe de Batman una vegada más pa detener un supervillanu, lo qu'acaba cola muerte de dambos dos.

Doctor Fate borra entós, per aciu de maxa, les alcordances de tol mundu tocántenes a que Bruce Wayne y Batman yeren la mesma persona.

El Batman clásicu (Tierra-Unu)[editar | editar la fonte]

Siendo guaḥe, y poques selmanes dempués de que The Shadow salvara a él y a so pá d'un atracador, Bruce Wayne ve cómo otru, Joe Hill, mata a sos pas, Thomas y Martha Wayne. Desaforáu, xura qu'un día va vengase. So tíu Philip faise'l so tutor llegal, pero ésti viaxa muncho y a Bruce cúrialu l'ama de llaves, la señora Chilton (dándose la coincidencia de que yera la ma de Joe Chill).

Una nueche na que ta camentando nel despachu cuando un esperteyu entra pela ventana. Esto recuerda-y a so pá amazcaráu d'esperteyu nuna folixa, y decide usar l'animal como símbolu pa espantar a los criminales. El comisariu Gordon aprecia'l trabayu que fai, y comienza a collaborar con él.

Bruce asiste a una actuación del Circu Haly, onde presencia l'asesinatu d'un matrimonioniu de trapecistes. Decide adoptar al fíu, un rapaz de dolce años nomáu Dick Grayson, desvela-y la identidá y entrenalu. Ceo ye'l so ayudante na llucha escontra'l crime, con un traxe colorista y el nome en clave "Robin". Un home nomáu Alfred Pennyworth apaez na casona de Bruce Wayne y úfrese como mayordomu, pos xuró-ylo a so pá, el mayordomu de Thomas Wayne. Ceo descubre la identidá de Bruce y Dick, y dedícase tamién a mantener la Batcave.

Les aventures de Batman y Robin nun se restrinxen a combatir criminales en Gotham, pos davezu viaxen n'espaciu o en tiempu y combaten monstruos sicodélicos. Batman y Superman descubren caún la identidá secreta del otru, pero xuren nun la guipar enxamás, y d'ehí surde una gran amistá. Amás la familia de xusticieros esporpolla, surdiendo una Batwoman, una Batgirl, l'indíxena americanu Chief Man-of-the-Bats, el perru Bat-Hound y inclusive un trasgu, Bat-Mite. Per otru llau, Batman alíase a otros superhéroes como Superman o Wonder Woman pa impidir una invasión estraterrestre, y de la axuntanza naz l'equipu de superhéroes Justice League of America. En Xunetu de 1985, na "Crisis en Tierres Infinites" la entidá nomada Anti-Monitor destrúi tolos universos alternos, pero Brainiac rescata la ciudá de Gotham de Tierra-Unu (con Batman y los Outsiders dientro) y ponla nun planeta viviente, allugáu nuna dimensión metafísica, con otres cincuenta y ún ciudaes de cincuenta y ún mundos. Un añu enteru ta la ciudá cubierta por una cúpula, y los poderes de los superhomes desactivaos. Nesi tiempu, Batman vuelve aunise a los Outsiders, que traten de faer la vida más afayadiza pa los ciudadanos y tamién de descubrir qué ye lo que pasa. Tres l'añu, el planeta abre les cúpules y manda a caún de les ciudaes lluchar coles otres pola sobrevivencia. Batman y los Outsiders (de nueves colos poderes) defenden Gotham, tres lo que Brainiac y dellos héroes trayen de vuelta los mundos destruyíos pol Anti-Monitor n'evitando la Crisis, y a la fin Brainiac unvia Gotham al so llugar.

El Batman de la Edá Escura (Tierra Nueva enantes de Zero Hour)[editar | editar la fonte]

Bruce Wayne, siendo guaḥe, ve cómo un atracador, Joe Chill, mata a sos pas. Entós el mayordomu, Alfred Pennyworth, conviértese nel so tutor llegal. Con catorce años, Bruce entama de percorrer el mundu deprendiendo, ente otres habilidaes, artes marciales, química, criminoloxía, ciencia forense, escapadera y amazcaramientu. Ente los sos profesores tuvieron el rastrexador Henry Ducard, el ninja Kirigi y el detective Harvey Harris. Con venti años pensó en metese nel FBI, pero refugólu poles torgues que-y produciría la burocracia, y con venticinco torna a Gotham. La so presencia inspira tamién a los criminales, que tomen aspeutos más paxareros y nomes en clave, siendo la primera Catwoman. La policía nun tarda n'aceutar que lu necesiten anque nun-yos guste, y creen la bat-señal pá pidi-y sofitu.

Cuando Superman viaxa a Gotham a la gueta d'un criminal, él y Batman conócense y gárrense respetu mutuu. LlueuCuando una especie estraterrestre ataca la Tierra, y dambos dos axúntense a otros superhéroes pa defendela, dando orixe a la Justice League of America (anque nun entamu nun pertenez a ella nengún de los dos).

Bruce asiste a una actuación del Circu Haly, onde presencia l'asesinatu d'un matrimonioniu de trapecistes. Decide adoptar al fíu, un rapaz de doce años nomáu Dick Grayson, desvela-y la so identidá y entrénalu. Meses dempués ye'l so ayudante na llucha escontra'l crime, con un traxe colorista y el nome en clave "Robin". Cuando crez y tien desavenencies con Batman, esti despídelu.

Tamién surde una Batgirl, que ye sobrina del comisariu Gordon. Llucha escontra el crime unos años, fasta que Joker l'ataca brutalmente, dexándola paralítica.

Batman enfréntase a la organización "League of Assassins", encabezada pol malváu Ra's al Ghul. Cuando secuestren a Dick Grayson y a Talia al Ghul, fía de Ra's, Batman y esti s'alíen p'atopar el culpable, pero en realidá ye una falsura de Ra's, una prueba pa ver si ye dignu d'asocedelu, pos so fía namorióse d'él.

Cuando secuestren a Lucius Fox en Markovia y la Justice League se niega a ayudar a rescatalu, pa nun producir un conflictu diplomáticu, Batman axunta dellos superhéroes nun equipu nuevu del que ye cabezaleru y financieru, los Outsiders. Sin embargu, los Outsiders nun aprueben el so llideralgu, y Batman acaba marchando del grupu.

Entós Batman aúnse a un nuevu equipu, Justice League International, qu'actúa embaxo l'amparu la ONX.

Batman cuei a un guaḥe d'una inclusa tentando de roba-y les ruedes del Batmobile, y nun tarda n'adoptalu y convertilu nel nuevu Robin, anque ye muncho más gafu que l'anterior. Tiempu dempués Jason realcuéntrase con so ma, a la que xantaxa Joker, y, tratando de salvala, muerre de la cuera que-y da'l Rei Payasu del Crime.

Batman, de nueves solu, afosca abondo na llucha escontra'l crime, volviéndose brutal. Entós, otru rapaz, Tim Drake, averigua la so identidá secreta y albidra que rique un Robin p'alloñar la rebenga. Asina, búscalu y tres insistir un poco pasa ser el nuevu Robin.

Batman tien una crisis al ver que ta apaisanando (anda pelos cuarenta años), lo que-y fai perder la confianza en sí mesmu. Poro, va ver una terapeuta, mientres manda a Robin entrenar a Azrael nos llabores detectivesques, p'asina faer d'él un nuevu aliáu na llucha escontra'l crime.

Entós, el nuevu villanu Bane organiza un fuximientu del Asilu Arkham, y tres dexar que los demás enemigos de Batman lu ataquen, atácalu el y ruempe-y l'espinazu, baldándolu. Nun siendo quién a siguir col so llabor, Bruce pide a Azrael que lu anduvie, y esti aceuta. Nesta, Bruce namóriase de la so terapeuta, Shondra (que tien poderes curatibles de callao), a la que-y diz que tuvo un accidente col coche. Nesta, secuéstrala so hermanu y, enantes de que Bruce la rescate, ella mátalu ensin querer. De nueves con Bruce, cúralu colos sos poderes, pero l'esfuerciu ye demasiao pa ella, y la caltriadura aneña la so mente pa siempres. Bruce, inxeme, costia-y una residencia perbona pa tola vida.

Al tornar a Gotham, Bruce alcuéntrase con que Azrael foi perxabaz, matando criminales, lo que nun-y presta nada. Entendiendo que cometió un gran erru, entrena pa recuperase, botalu y volver a ser él Batman. Pa ello pide ayuda a Lady Shiva, de la League of Assassins, que lu fuercia a bandiar dures pruebes. Al finar l'entrenamientu, y col sofitu de Robin y Nightwing (como se llama agora Dick Grayson) amollenta a Azrael y angaríyalu a aceutar el vencimientu.

En 1994, Green Lantern alloria y desanicia l'universu pa crear unu nuevu. Pero Brainiac rescata la ciudad de Metropolis, na que s'alcuentren Batman y Azrael nesi momentu, y ponla nun planeta viviente, allugáu nuna dimensión metafísica, con otres cincuenta y ún ciudaes de cincuenta y ún mundos. Un añu enteru ta la ciudá cubierta por una cúpula, y mentanto los poderes de los superhomes d'esta desactivaos. Mientres, Batman y Azrael métense na organización criminal del mafiosu Thobias Whale pa quilmala, axuntándose de nuevu. Tres l'añu, el planeta abre les cúpules y manda a caún de les ciudaes lluchar escontra les otres pola sobrevivencia. Batman y Azrael lluchen escontra los Wetworks (de Tierra-50), y anque Azrael quier barrer la so ciudá, Batman convence a los Wetworks y a él de qu'han axuntase pa combatir l'enemigu común, que ye'l que los enfrenta. Azrael entórnase, y decide protexer la ciudá que quería destruyir mientres los otros busquen más aliaos.

Tres la batalla, Brainiac y dellos héroes trayen de vuelta los mundos destruyíos, y a la fin Brainiac unvia Metropolis al so llugar.

El Batman de la Edá Moderna (Tierra Nueva enantes de Flashpoint)[editar | editar la fonte]

Esti Batman recuéi munches de les carauterístiques de tolos anteriores, teniendo vivío aventures mui asemeyaes a toes elles na primer década de la so carrera (sacante les crisis interdimensionales).

Tres apartar a Azrael, Bruce decide dexar a Dick el traxe de Batman mientres se recupera dafechu. Tres un tiempu, torna con un traxe prietu fechu de kevlar. Entós, una andancia (una mutación del ébola) espárdese rápido per toa Gotham, diezmando la población. Descúbrese que la responsable ye la Orde de San Dumas, cultu al que pertenecía Azrael, y esti llogra la cura. Ra's al Ghul consigue una mutación más peligrosa del virus, pero Batman deténlu cola ayuda d'Oracle (como se llama Batgirl mientres da sofitu dende una base d'operaciones).

Pero enantes de que la ciudá supere la llacería, una nueva vien. Un temblíu de 7,6 na escala Richter barre la ciudá, Batman queda atrapáu na Batcave, y dase una fuxida en tropel de la cárcel. Cuando Batman y los sos collacios llogren apaciguar Gotham, yá morrieren cien mil persones.

Washington, ensin presupuestu pa iguar el desastre, decide declarar la ciudá tierra de nadie, dar cuarenta y ocho hores a la xente pa que marche y dempués esbarrumbar les pontes. La policía, Batman y los sos collacios recuperen la ciudá cachu a cachu, y protéxenla del plan de Lex Luthor de reconstruyila pa convertise nel so propietariu. Tres ello, el gobiernu vuelve a declarar Gotham parte de los Estaos Xuníos.

Talia al Ghul roba de la Batcave informes de Batman tocántenes a cómo derrotar a la Justice League, y so pá úsalos p'atacalos. Estos, ofendíos, échenlu, anque más tarde vuelven a aceutalu, y esti-yos desvela la so identidá.

Acusen a Bruce Wayne d'asesinar la so moza, Vesper Fairchild. Esti decide desapaecer, y esistir solo como Batman, fasta qu'acreita la so inocencia. Entós Batman empecipia un amoríu con Catwoman, qu'abandonó la vida criminal, y tamién a ella-y desvela que ye Bruce Wayne.

Cuando'l pá de Tim Drake guipa qu'esti ye Robin fórcialu a dexalo, polo que Batman garra una nueva Robin, Stephanie Brown. Pero la compaña nun dura, pos échala al poco por nun siguir los sos mandaos.

Un antihéroe nomáu Red Hood entama d'espantayar los mafiosos per aciu d'aiciones perviolentes. Esti nun tarda en desvela-y a Batman que ye Jason Todd, el segundu Robin, resucitaú por Talia al Ghul y redruñosu porque lu dexara morrer y porque nunca nun matara a Joker, permitiéndo-y siguir asesinando.

La paranoya lleva a Batman a unviar al espaciu un satélite que vixile los superhumanos, y Maxwell Lord róbalu y úsalu p'atacar a los superhéroes. Amás ta a piques d'asesinar a Alexander Luthor, de Tierra-Tres. Too ello llévalu a dase un añu sabáticu p'atalantar y viaxar pel mundu con Nightwing y Robin, dexando a un reformáu Two-Face curiando de Gotham. Cuando torna, Two-Face vuelve a alloriar, y Bruce Wayne adopta l'acabante quedar güérfanu Tim Drake.

Llueu d'otru ataque de la League of Assassins, Talia desvela-y a Batman que tienen un fíu, Damian Wayne, un guaḥe de siete años yá entrenáu pá ser un asesín. Batman trata d'educalu, lo que resulta difícil porque ye perfaltosu. Amás, da-y una cuera a Tim Drake, cola idea de ganase asina'l títulu de Robin. Batman acéutalu como talu (Tim Drake garra una nueva identidá, Red Robin).

Convoquen a Batman y a los miembros d'un club internacional d'héroes, que fundó acuantayá, a una axuntanza nuna casona, pero resulta ser una trampa acompangada por ún d'ellos, Wingman, y la organización Black Glove. Esti ye l'entamu d'una combalechadura escontra Batman qu'acaba alloriándolu, pero l'héroe tien preparao un plan pa tala situación, un mecanismu na mente p'aún asina desendolcar una nueva personalidá atapada y, sicasí, convertise en Batman. Poro, cura y vuelve a lluchar escontra'l crime.

Batman investiga l'asesinatu d'Orion, y esto empóbinalu fasta Darkseid, qu'aparentemente lu mata. Pero, en realidá failu viaxar a la prehistoria ensin memoria, usándolu como una arma qu'avanza na historia fasta qu'españe anguaño. Tres la vida de cavernícola pasa ser cazabruxes, pirata, vaqueru y detective, pero la Justice League impide qu'españe y lu salva.

Bruce Wayne funda entós Batman Inc., espardiendo que ye'l financiador de Batman y que va faer lo mesmo per tol mundu, creando un exércitu d'homes-esperteyu. Asina, recluta héroes de países a esgaya, mientres Dick ye Batman en Gotham.

Enantes de que la llinia temporal seya camudada dafechu por Flash, al alteriar el rumbu la historia (nel eventu conocíu como Flashpoint), Brainiac rescata la ciudad de Gotham y ponla nun planeta viviente, allugáu nuna dimensión metafísica, con otres cincuenta y ún ciudaes de cincuenta y ún mundos. Un añu enteru ta la ciudá cubierta por una cúpula, mentanto los poderes de los superhomes d'esta desactivaos, y mientres Batman protexe la ciudá y cria a so fíu.

Cuando Batman y Robin defenden a Poison Ivy y el so güertu, col qu'alimenta la xente la ciudá, reapaez Red Hood, y esti y Robin enfréntense. Batman trata d'embazalos cuando s'abre la cúpula y manden a los mundos enfrentase ente sí. Los trés defenden la ciudá d'Extremists, unos supervillanos d'un mundu nomáu Angor, y, tres ello, Robin y Red Hood faen les paces. Tres les batalles, Brainiac y dellos héroes trayen de vuelta los mundos destruyíos, y a la fin Brainiac unvia Gotham al so llugar.

Preseos[editar | editar la fonte]

A lo llargu del tiempu tien usao grán númberu de ferramientes na llucha escontra'l crime, ente les que destaquen les siguientes.

Bat-traxe: Anque ye de texíu flexible, protéxelu al menos en parte de les bales, y tamién aíslalu de la llétrica. La capa pue endurecer pa formar daqué asemeyao a unes ales que-y permiten planiar, y el capiellu tien incorporaes lentilles con distintos tipos de visión y un sistema de telecomunicación.

Bat-cintu: Un cintu mariellu nel que guarda munches otres coses, como cámares, bombes de fumu, un láser y ferramientes de hacker. Inclusive, na serie de televisión de los años sesenta, tien un "bat-espantatiburones".

Batarangs: Armes asemeyaes a los shuriken, pero con forma d'esperteyu.

Bat-ganchu: Disparador d'una garfiu retráctil que s'engancha a les muries, recoyendo llueu la cuerda perrápido. Esto permite-y escalar a gran velocidá los edificios.

Bat-móvil: Coche d'última teunoloxía, que tamién tien numberosos aparatos incorporaos. Munches versiones funcionen con un motor a reaición.

Bat-planu: Como'l bat-móvil pero n'avión.

En cine y televisión[editar | editar la fonte]

En 1940 adauten per primer vegada del cómic pa un serial cinematográficu de quince episodios, nel que Batman y Robin combaten a un científico xaponés y axente del Exe, el doctor Daka, que convierte la xente en zombis.

Pero nun ye fasta 1966 que'estrenen l'afamada serie protagonizada por Adam West y Burt Ward, percolorista y d'estilu camp. Estrenaron tamién una película, y la serie duró fasta 1968, convirtiéndose nun referente de la cultura pop de la dómina. En 1979 dambos dos actores tornaríen a los papeles nel programa especial Legends of the Superheroes y Burt Ward al de Robin en 2019 pal crossover de les series de la CW, Crisis on Infinte Earths.

Dempués, Batman apaecería en delles series de dibuxos animaos, como The Batman/Superman Hour (1968), Super Friends (1973) o The New Adventures of Batman (1977).

En 1989 estrénase Batman de Tim Burton, protagonizada por Michael Keaton y con Jack Nicholson como Joker, dando una perspeutiva de los personaxes muncho más escura que la de la serie clásica. En 1992 estrenen la segunda parte, Batman Returns con Michelle Pfeiffer como Catwoman y Danny DeVito como Penguin.

En 1992 sal tamién la serie animada de Bruce Timm, con critiques perbones, y ye amás onde fai la so primer apaición el personaxe Harley Quinn. D'esta serie surdiríen delles películes animaes (Batman: Mask of the Phantasm, Batman & Mister Freeze: Subzero y Batman: Mystery of the Batwoman) y otres series de televisión (The New Batman Adventures y Batman Beyond). Esti Batman ye tamién el qu'apaez nes series animaes Justice League y Justice League Unlimited, pos estes danse na mesma continuidá.

En 1995 y 1998 estrenen nueves películes de Batman, y anque se supón que son continuación de les de Tim Burton, el nuevu direutor Joel Schumacher, cambia'l tonu, entornándoles más haza'l de la serie de los sesenta. En Batman Forever, Val Kilmer ye Batman, Chris O'Donnell Robin, Tommy Lee Jones fai de Two-Face y Jim Carrey de Riddler. Na segunda, Batman & Robin, George Clooney ye Batman, Chris O'Donnell repite papel y añaden una nueva heroína, Alicia Silverstone como Batgirl. De los villanos faen Arnold Schwarzenegger (Mister Freeze), y Uma Thurman (Poison Ivy). L'únicu actor que comparten les cuatro películes ye Michael Gough como'l mayordomu Alfred.

En 2005 entama una nueva triloxía, dirixida por Christopher Nolan y protagonizada por Christian Bale. Esta ta formada por Batman Begins (2005, con Liam Neeson como Ra's al Ghul y Cillian Murphy como Scarecrow), The Dark Knight (2008, con Heath Ledger como Joker y Aaron Eckhart como Two-Face) y The Dark Knight Rises, (2012, con Tom Hardy como Bane y Anne Hathaway como Catwoman). Lo más carauterístico ye que dan una imaxe más realista del personaxe, y tienen mui bones critiques.

En 2014 empecipia tamién una serie, Gotham, que cunta cómo'l neñu Bruce Wayne se convierte en Batman, los anicios del comisariu Gordon y l'orixe de dellos supervillanos. Esta fina en 2019.

En 2015 estrenen Batman vs. Superman, continuación de Man of Steel. Nesta, un Batman veteranu (Ben Affleck) enfréntase a un Superman mozu, creyéndolu un enemigu públicu. Esta continúa en Justice League, en 2017, tres lo que Affleck espublizó que nun va volver al papel.

Anguaño apaez en Titans como personaxe secundariu (interpretáu por Iain Glen), y en dellos capítulos de Batwoman a mou de flashbacks, pos ye un héroe desapaecíu va años.

Espérase qu'en 2021 estrenen una nueva película, protagonizada por Robert Pattinson. Les series y películes animaes son perfrecuentes dende la de Bruce Timm nos años noventa.

Referencies[editar | editar la fonte]

Enllaces esternos[editar | editar la fonte]