Joker

De Wikipedia
Saltar a navegación Saltar a la gueta
Joker
Personaxe de DC Comics
Anthony Misiano as the Joker (7574253870).jpg
Cosplayer interpretando al personaxe.
Universu Universu DC
Creador/a/es Jerry Robinson (conceutu)
Bill Finger
Bob Kane[1][2]
Interpretáu por Cesar Romero (†)
(1966 - 1968)
Jack Nicholson
(1989)
Heath Ledger (†)
(2008)
Cameron Monaghan
(Gotham serie de televisión)
Jared Leto
(2016)
Voz orixinal Mark Hamill
(1992 - presente)
(Animación y videoxuegos)
Información
Sexu masculín
Estatura 1,88 m (6 ft 2 in)
Ocupación químicu, asesín en serie, criminal y terrorista
Afiliaciones actuales Suicide Squad
Afiliaciones anteriores Injustice Gang
Lliga de la Inxusticia
Familiares Harley Quinn (novia) Lucy Quinn (fía) Delia y Deidre Dennis (nietes)
Residencia Gotham City (es) Traducir
Nacionalidá Estaos Xuníos
Estatus actual Activu (cómics)
Fináu Gotham (serie de televisión)
Fináu Batman beyond (Serie de televisión)
[editar datos en Wikidata]

El Joker (Chancieru n'asturianu, anque tamién boquia'l comodín de la baraxa) ye un personaxe ficticiu, un supervillanu qu'apaez nos cómics espublizaos pola editorial d'Estaos Xuníos DC Comics.

Ye'l mayor enemigu de Batman; una de les razones pa consideralu asina ye que foi responsable de numberoses traxedies na so vida, como'l paralís de Barbara Gordon y la muerte de Jason Todd, el segundu Robin.

La so apariencia ye la d'un payasu con piel de color blanco, pelo verde y una sorrisa desaxerada. Toes estes traces prodúxoles cayer nuna cuba d'ácidu. Hai autores que describen que la tonalidá colorada de los llabios ye causa del mesmu accidente, otros que ye solo llapiceru llabial.[3][4][5][6]

Sacante la hestoria clásica de Bill Finger de 1951, que lu describía como un criminal afamáu que pa fuxir salta a una cuba de químicos (Detective Comics #168), quierse más nun presentar un orixe oficial del personaxe nin confirmar el so nome real. Inclusive'l mesmu Joker yá nun ta seguru al respeutive de quien yera y qué-y asocedió: «Dacuando recuérdolu d'una manera y otres vegaes de manera distinta [...] Si voi tener un pasáu, ¡que seya d'opción múltiple!».[7] Sicasí, na película de Tim Burton de 1989, bautícenlu como Jack Napier.[8]

Los críticos tiénenlu analizao como l'adversariu perfeutu de Batman, con una llarga rellación asemeyada al conceutu del yin y yang: Joker ye la representación del caos, la burlla, el colorismu y el crime, en contraposición al orde, la seriedá, la escuridá y la xusticia qu'encarna Batman. Batman fácilmente podría asesinar al Joker, pero nun lo fai por aciu del códigu éticu de nun asesinar que sofita la so cruzada contra los criminales.[9]Batman almite que davezu fantasia con matalu, pero que nun va facelo porque sabe que pa él sedría dar un pasu hacia la escuridá del que nun habría vuelta atrás,[10][11] lo que resulta nuna aparentemente interminable batalla ente dambos dos.[9]

Ye ún de los villanos de xéneru superheroicu más icónicos y reconocíos, y allúgase nel puestu númberu ún de los 100 meyores de tolos tiempos según el sitiu web de The Wizard,[12], y tamién nomáronlu'l segundu meyor villanu de la llista d'IGN,[13] octavu de los meyores personaxes de cómics según la revista Empire,[14] y el quintu meyor personaxe na revista Wizard.[15][16]

Trayeutoria editorial[editar | editar la fonte]

Según Robinson, pa diseñar al Joker basáronse nel arlequín que taba nuna carta de comodín.

Cuando Batman yá yera popular abondo pa protagonizar una serie independiente a Detective Comics, preséntasr en Batman #1 (1940) el villanu, un asesín sicópata y ensin escrúpulos, con traces de payasu, qu'anunciaba los asesinatos con cartes. Orixinalmente diba asesinalu un axente del departamentu de policía de Gotham City,[17] pero l'editor de DC Whitney Ellsworth esixó que'l personaxe nun s'esperdiciara. Por ello, una viñeta final dibuxada a tou meter muestra que'l Joker siguía vivu.[18][19]

L'autoría pola creación del personaxe tiense discutío, pos Jerry Robinson dixo siempres ser él quien lu creó,[20] y no Bob Kane o Bill Finger pero, según Kane:

Resúmolo asina: Bill Finger y yo creamos al Joker. Bill foi'l guionista. Jerry Robinson vieno veme cola carta d'una baraxa que tenía'l Joker (comodín). [Joker] paezse a Conrad Veidt... yá sabes, l'actor de L'homme qui rit, (la película de 1928 basada na novela] de Victor Hugo)... Bill Finger tenía un llibru con una semeya de Conrad Veidt, enseñóla y dixo «Equí ta'l Joker». Jerry Robinson nun tevo absolutamente nada que ver pero va dicir que sí hasta que muerra. Él introduxó una carta de xuegu qu'usamos un par de vegaes pa que [Joker] usara como tarxeta.[21]

La carta orixinal de Robinson mostróse al públicu nel Muséu William Breman del Heriedu Xudíu n'Atlanta, Georgia ente'l 24 d'ochobre de 2004 y el 28 d'agostu de 2005, y nel Muséu Xudíu de Nueva York ente'l 16 de setiembre de 2006 y el 28 de xineru de 2007. Robinson respondió que:

Bill Finger conocía a Conrad Veidt porque yera un fanáticu de les películes foriates. Veidt... tenía esi maquillaxe de payasu cola sorrisa fixa na cara. Cuando Bill vio'l primer dibuxu de Joker, dixo 'Recuérdame a Conrad Veidt en L'homme qui rit. Dixo que me trayería delles semeyes d'esa película. Asina ye como asocedió. Creo que, na cabeza de Bill, él foi quien diseñó'l personaxe.[21]

A ello súmase que ficieron de menos el llabor de Bill Finger mentanto esti vivía, y la reconocencia vieno muncho dempués. Paez ser qu'él tevo bastante más que ver cola creación que Bob Kane.

Sicasí, una nueva representación del Joker surdió y popularizóse nos años 1950 y 1960 por aciu de les llendes establecíes pol órganu de censura Comics Code Authority. Asina, camudaron la so personalidá a la d'un bufón inofensivu, al que-y gustába amolar a los policías, faltu de cuidu y con un apreciu especial polos gags y la parafernalia bufonesca. Un personaxe al más puru estilu camp, que tevo'l puntu cume na serie televisiva Batman de mediaos de los años 1960. La versión inocente del supervillanu sería amodo atenuada, sobre manera gracies a les hestories de The Joker's Five-Way Revenge! (Batman #251) de Dennis O'Neil y Neal Adams y [Strange Apparitions|]] (Detective Comics #475 y #476, 1978) de Steve Englehart, onde lu describen de nueves como'l criminal y asesín orixinal. O'Neil dixo que la so idea yera «a cencielles llevalo a un orixe nuevu. Fui a la biblioteca de DC a lleer delles de les aventures clásiques de Batman y Robin. Y inclusive traté de tener una idea de lo que Kane y Finger buscaben».[22] Añedieron al supervillanu comportamientos más vengatibles y encegolaos, especialmente col héroe Batman, desendolcando'l conceutu de que, pa él, Batman yá nun ye una simple figura d'autoridá policial qu'impide los sos planes, sinón qu'empieza a ser parte central de la diversión na creación y execución de los sos proyeutos obsesivos y carrera criminal.[23]

Tamién nos años setenta, Joker tien una miniserie propia, onde s'enfrenta a una variedá de superhéroes y supervillanos. Masque, por cuenta de les normes de la dómina, el villanu siempre tenía de terminar recibiendo castigu y encarceláu.[24]

Tres Crisis in Infinite Earths, torna en Batman #251,[25] como un maniacu homicida que fai lo que se-y antoxa. Amás dáse-y la cualidá de ser un xeniu.[26]Esta idea sería reforzada, ya inclusive tomada como "leitmotiv" del Joker, polos autores Frank Miller, Alan Moore y Grant Morrison a partir de los años 1980, nos cómics The Dark Knight Returns, The Killing Joke y Arkham Asylum, respeutivamente. Estos trés cómics influyentes, a la xunta la película Batman de Tim Burton, devolvieron definitivamente la popularidá de Joker como un criminal psicópata y asesín que la comedia televisiva de fines de los años 1960 quitára-y.

Hestoria ficticia[editar | editar la fonte]

A lo llargo de los años camudaron delles vegaes la continuidá del Universu DC, y con ella la hestoria y personalidá del personaxe.

El Joker de la Edá Dorada (Tierra-Dos)[27][editar | editar la fonte]

El Joker yera un trabayador d'un llaboratoriu que, según cuenta, provién d'una llarga castra de payasos criminales. Cuando decide convertise en criminal garra'l nomatu de Red Hood, pon un cascu coloráu, y empieza a cometer robos. Pa fuxir de Batman y Robin, cuando lu pillen robando nuna fábrica cartes, nada al traviés de residuos químicos y al llegar a casa descubre que esto-y dio aspeutu de payasu.

Poco dempués garra sonadía como criminal asesinando trés homes célebres con un venenu que-yos dexa una sorrisa d'oreya a oreya. Pero, cuando va facer lo mesmo con Robin, Batman priéndelu y únvialu pa la cárcel.

Joker nun tarda en fuxir y n'escapando comete otros delitos, como robos d'alfayes o encabezar organizaciones criminales. Batman priéndelu una y otra vegada, o sinón esti paez morrer (cayendo per un derribadoriu, quedando atrapáu nun edificiu que ta quemando, etc.)[28][29] Cuando ye condergáu a muerte, los sos esbirros recuperen el cadabre y resucítenlu con un compuestu químicu.

N'otres ocasiones fai coses como aliase a Penguin, construyir un Jokermobile pa compitir col Batmobile, cometer robos onde dexa pistes del siguiente pa fadiar a Batman, o secuestrar a Robin pa forcialu a cometer delitos.

Tres de retirase Batman, Joker sigue cola carrera criminal y enfréntase a Robin y Huntress. En 1979, al lleer que Batman morriera y nun creyelu, un Joker avieyáu fuxe de nueves de la cárcel pa empobinar al so enemigu a volver del retiru nel que creye que ta. Robin antróxase de Batman pa convencelu de que sigue vivu y Joker aceuta volver pa la cárcel.

Nel añu 2050 un ñetu de so, llamáu Rokej y col mesmu aspeutu, ye xefe de policía de Gotham.

El Joker clásicu (Tierra-Ún)[30][editar | editar la fonte]

Entamando nel crime como Red Hood, un accidente fai que caya n'ácidu dando-y aspeutu de payasu y alloriándolu. Anque al comienzu paecía que solo yera un criminal colorista, adulces foi tresformándose nun sicópata perpeligrosu y cruel que mataba ensin finxu dalu. Pa ello gasta, como'l Joker de Tierra-Dos, un velenu que dexa los cadabres sorriendo.

Teniendo enclín por actuar en Gotham, enfrentóse numberoses vegaes a Batman y enzarráronlu otres tantes nel Manicomiu Arkham, anque siempres yera a fuxir. Dacuando axuntábase a otros criminales, como Two-Face o Lex Luthor, pero nun yeren asociaciones durables.

N'otres ocasiones, Joker trató de forciar a Black Canary a casar con él, y imitó los casos de Sherlock Holmes hasta qu'esti lu prendió. Envelenando l'agua de Gotham, produz pexes cola so sorrisa, trata de rexistralos y, al nun ser quien, mata dellos funcionarios. Tamién secuestra a Robin, Alfred y al comisariu Gordon pa poner una trampa mortífera a Batman, pero vuelve a fracasar. Tres d'esto pide ayuda a Batman cuando lu acusen d'asesinar a Penguin, y xuntos descubren que yera una trampa d'esti últimu. Cuando apaez un xefe del crime nuevu, Killer Croc, axunta dellos villanos pa matar a esti y a Batman, pero Croc véncelu.

Tres fuxir de nueves, Joker plania tomar Guatemala en provocando un conflictu armáu. Pero descubre a Vicki Vale escucando y secuéstrala, lo que fai que Batman y el Robin nuevu (Jason Todd) lu detengan. Lliberáu d'Arkham por Ra's al Ghul y xunto con villanos a esgaya trata d'acabar con Batman, pero nun lo consiguen.

El Joker de la Edá Escura (Tierra Nueva enantes de Zero Hour)[31][editar | editar la fonte]

El so pasáu ye un misteriu inclusive pal mesmu Joker, yá que cada vez que cuenta la hestoria ye distinta (como relata nel cómic d'Alan Moore, Batman: The Killing Joke [32]) reinventando siempre quien yera enantes de convertise nel sicópata que ye anguaño. Esti cómic afonda nuna antigua hestoria escrita por Bill Finger llamada "L'Home tres la Caperucha Colorada" (Detective Comics #168, 1951) pa contar un posible orixe del Joker, mostrándolu como un inxenieru anónimu que dexa'l trabayu nuna planta de químicos pa convertise en comediante y fracasa dafechu. Desesperáu por dar sustentu a la muyer, embaranzada, ayuda a dos lladrones a entrar na fábrica onde trabayara empara llevar parte del botín. Mientres preparaben el robu nun chigre, llega la policía y infórmalu que la muyer-y morrió eletrocutada nun accidente caseru. L'inxenieru trata de marchar, pero los lladrones fuércienlu a participar, apúrren-y una mázcara y nómenlu «Caperucha Colorada» (Red Hood). Adientro la fábrica descúbrelos el personal de vixilancia, pero'l comediante llogra fuxir, pero entós apaez Batman y el villanu cai nun amiestu de productos químicos. En saliendo per un tubu, afaya que la reaición química camudó-y permanentemente l'apariencia a la d'una especie de payasu: piel blanco, llabios coloraos y pelo verde. Según el personaxe, esti cambéu d'apariencia y los infortunios d'un solu día llévenlu a perder la razón y tresformase nel supervillanu Joker.

Ceo conviértese nún de los enemigos principales de Batman, y ataca'l crime organizáu de Gotham pa facese sitiu. Ente enfrentamientu y enfrentamientu con Batman tiénenlu enzarrau en Manicomiu Arkham munches vegaes, pero llogra fuxir siempre.

Queriendo probar que cualesquier persona pue alloriar por tener un mal día, Joker ruempe l'espinazu a Barbara Gordon, fai-y semeyes desnuda y mancada, y enseña-yles al comisariu Gordon. Batman priéndelu, pero Barbara queda paralítica. Poco dempués, Joker apalia a Jason Todd, el segundu Robin, hasta matalu.

Darréu, Joker conviértese n'embaxador d'Irán, llogrando inmunidá diplomática, lo qu'aprovecha pa intentar un xenocidiu nel edificiu de la ONX, pero Batman y Superman impídenlu y fiérenlu de gravedá.

N'alicando y manipuliando a Two-Face pa que mate a Batman, pasó per una crisis por tar apaisanando y empieza a volvese cuerdu. Asina, llega a ayudar a Batman y Gordon cuando un Joker falsu ataca la ciudá. Pero enzárranlu polos crímenes cometíos y en manicomiu vuelve a alloriar.

Cuando Bane ataca'l manicomiu, Joker escapa de nueves y sigue colos crímenes, en compaña d'otros villanos como Cornelius Stirk o Scarecrow. Estes axuntances acaben mal, y descúbrese que Joker ye inmune al gas del miéu de Scarecrow.

Cuando Joker trata de grabar una película, que noma La muerte de Batman alcuéntrase con que Batman ye otra persona (Azrael, qu'adunvia a Bruce Wayne). Azrael véncelu, pero Joker fuxe cuando lu tan llevando pa la cárcel.

El Joker de la Edá Moderna (Tierra Nueva enantes de Flashpoint)[editar | editar la fonte]

Esti Joker caltién munches de les carauterístiques y la biografía de tolos anteriores. Los cambeos de personalidá y métodos qu'a ello va xuncío esplíquense porque la so llocura-y produz metamorfosis síquiques, tresformando-y la mente dafechu.

En Batman: The Man Who Laughs, (remake modernizáu de la primer apaición y orixe del villanu) [33], Batman afirma que Red Hood nun yera siempre la mesma persona porque'l so llinguaxe corporal yera distintu en cada atracu, pero les sos alcordances muestren que Red Hood cayó nun estanque de productos químicos que-y produxeren esautamente la mesma decoloración de la piel y el pelo a otros dos trabayadores de la planta química. Tamién confirma la teoría que yera un trabayador de la planta química: Trés meses dempués del asocedíu, zárrala l'Axencia de Proteición Ambiental y Wayne, amarutáu de periodista, solicita ver los archivos de los antiguos emplegaos porque se rumorea que foi ún d'ellos quien pasó esta información. Pero hebo una quema nel cuartu de los archivos, y presupónse que foi'l Joker quién la provocó pa borrar cualquier niciu de la so identidá, y quien posiblemente chivó la información cola que zarraron la planta química, siendo irónicamente l'únicu bon actu que fizo'l Joker. En Pushback (Batman: Gotham Knight #50-55), desvelen qu'a la muyer del comediante en realidá asesinárala[34] Riddler, pa empobinalu a dexar entrar na fábrica a los criminales ensin razones pa negase a cometer el robu.[34]

Mientres Gotham se considera tierra de naide por aciu d'un gran terremoti, Joker asesina a la muyer del xefe de policía James Gordon de la qu'esta protexía d'unos neños güérfanos. El Joker búrllase de Gordon n'asesinándola, polo qu'esti ruémpe-y la rótula. Joker ye quien a sentir que nun va volver a andar bien, y esto failu rir.

Na hestoria Emperor Joker, un crossover ente Batman y Superman, Joker róba-y a Mister Mxyzptlk los poderes p'alteriar la realidá, comete xenocidios pa pasar el ratu y tortura a Batman tolos díes, pero pierde los poderes tres d'enfrentase a Mxyzptlk nuna segunda ocasión.[35]

Diagnostíquen-y que tien cáncer, y decide aniciar una riestra de desastres. Usa una variante del so venenu pa "jokerizar" a tolos supervillanos de la cárcel de Slabside, alloriándolos, y xuntos enfréntense a los principales superhéroes. Harley Quinn, fadiada porque tentó embaranzala ensin casar primero, apúrre-y l'antídotu a Batman. Nightwing cuasi mata a Joker al creyer que por culpa de so morrió Tim Drake, pero Batman ye a reanimalu.

El villanu Hush quier frayar a Bruce Wayne, y ún de los sos planes ye empobinalu a matar a Joker, pero Gordon impídilo.[36][37] [38] Joker aprovecha la oportunidá, y asesina policíes a esgaya.

Cuando Jason Todd resucita, cola identidá de Red Hood, busca a Joker y n'atopándolu apálialu como él-y fizo. En recuperándose enfótase n'engarriase con Black Mask, pero Batman vuelve a prendelu. Red Hood vuelve a da-y una cuera y intenta que Batman lu mate, pero esti véncelu.

Cuando Joker descubre qu'hai una sociedá secreta de supervillanos que nun lu quier dientro por tar demasiao alloriáu, fadia y eletrocuta a ún d'ellos, King of Spades.

En Batman and Son,[39][40] un oficial de policía corruptu faise pasar por Batman y trata d'asesinar a Joker. Sicasí, nun llogra'l so cometíu, anque sí-y dexa dellos repulgos.[39] Nel Manicomiu sufre una nueva conversión síquica, polo que manda a Harley Quinn matar a tolos sos esbirros y, llueu, tenta de matala a ella y déxala gravemente firida. Asina, ruempen la rellación.

En Batman R.I.P. apaez como un paciente del Manicomiu Arkham.[41][42] Batman visítalu pa entruga-y si sabe daqué sobre la combalechadura de Black Glove, pero Joker solo ufierta asesinalu.[43] Aúnese a la combalechadura cuando-y lo ufren, pero solo col enfotu de conocer más sobre Black Globe y matalu.[44] Cuando Black Glove soterra vivu a Batman, Joker nun dulda de que tornará y cola, pero priéndelu'l nuevu Robin.

Tres l'aparente muerte de Bruce Wayne en Final Crisis, Joker almite que se siente mal pola muerte de «el so Batman» y darréu amarútase de dos calteres al empate: como un periodista/detective británicu llamáu Oberon Sexton, y como "Domino Killer", un asesín al buscu de los miembros de Black Glove. Dick Grayson (quien agora ye Batman) investiga los asesinatos y los nicios llévenlu haza Oberon.[44]

Tres d'un nuevu arrestu Robin apalia a Joker, pero esti pescancia polos sos movimientos y pol aldéu que ye fíu de Batman. Finxendo tar mui firíu, paraliza a Robin con una droga, sigue persiguiendo los esbirros de Black Glove y mata'l cabezaleru. Dick Grayson, Damian y un acabante llegar Bruce Wayne priéndenlu dempués.

Joker fuxe de nueves tomando un amiestu de velenu y alcohol que fai'l sos contautu mortíferu. Entós, la ex-muyer del comisariu Gordon ye envelenada y, anque creyen que foi Joker, resulta ser obra de James Gordon Jr., el so fíu, qu'amás secuestró a Barbara Gordon.

Enantes de que la llinia temporal seya camudada dafechu, Brainiac rescata la ciudad de Gotham y ponla n'otru planeta con otres cincuenta y ún ciudaes de cincuenta y ún mundos. Un añu enteru ta la ciudá cubierta por una cúpula, mentanto los poderes de los superhomes d'esta desactivaos. Un añu después ábrense les cúpules y el planeta, que ta vivu manda a les ciudaes enfrentase unes con otres. Cuando la batalla ta terminando, y enantes de que les ciudaes tornen a los sos universos, el planeta personificáu mata a Joker rompiéndo-y el pescuezu.

Estáu siquiátricu[editar | editar la fonte]

Cosplayer del Joker.

Les sos víctimes incluyen homes, muyeres, neños y hasta collacios y amigos, nun tien llende dala. Amás Joker nun asesina nel intre, sinón que quier más torturar les víctimes,[45] Davezu la llei velu como un enfermu mental, y en llugar de condergalu a muerte únvienlu al Asilu Arkham.[46] Magar d'intentalo delles vegaes, el Joker nun tien l'envís d'asesinar al so archienemigu porque, según él, si lu ficiera nun tendría más nada no que s'ocupar.[9]

Nel cómic Arkham Asylum (1989), de Grant Morrison y Dave McKean, el guionista busca esplicar, según el so puntu de vista, cómo funciona la mente del Joker: Ta acullá de cualesquier tratamientu psiquiátricu. Ye un superdotáu con un enorme potencial intelectual, el so cerebru recibe demasiaos impulsos y nun puede aparar de recibir información. Asina, ye demasiáu consciente del mundu que lu arrodia. Esta "superconsciencia" fai que la so única forma de protexese seya reinventase caldía, y ye por eso qu'un día ye un bufón, otru un sicópata... El sentíu del humor retorcíu, la lóxica oblicua y les chancies de doble sentíu completen esi cuadru mental que se centra, única y puramente, en Batman.[47]

L'añu 2002, na hestoria "Case Study" escrita por Paul Dini y dibuxada por Alex Ross, pal cómic "Batman: Black & White Volume Two", dos siquiatres d'Arkham describen al Joker como un delincuente y criminal xenial que siempre perfoi consciente de los sos actos y, por ello, tendríen de declaralu cuerdu, llevalu a la xusticia y executalu.

Nel arcu de Grant Morrison llamáu Batman & Son (2006), un falsu Batman dispara a Joker a espetaperru, firiéndolu gravemente. Darréu, n'otru rellatu del mesmu guionista pero en prosa, El payasu a medianueche, el Joker, con ensiertos faciales por cuenta del ataque antetior, unvia a Harley Quinn a qu'acabe con tolos antiguos esbirros p'anunciar una nueva renacencia y tresformamientu mental n'Asilu Arkham] y énte Batman. Esta reinvención ye llamada "El Delgáu Duque Blancu de la Muerte" (aludiendo a les mutaciones artístiques del músicu David Bowie). Asina, frayen la sique del Joker y estienden y validen los conceutos introducíos n'Arkham Asylum, mostrando que Joker se reinventa dafechu de contino. Dende entós, el Joker remanez nos cómics como desaxeradamente cruel y sádicu, pero al empar más alvertíu y intelixente que nes versiones pasaes.

Paul Dini, nel videoxuegu Batman: Arkham Asylum descríbelu asina: "Él ye una de les persones más intelixentes del mundu enteru, pero la so mente ye demasiáu inestable, polo que dacuando tien de recurrir a camudar la personalidá".[48] N'otres versiones tómenlu como una persona bipolar.[49][50]

Nuna ocasión Martian Manhunter usó los sos poderes pa sanar la mente retorcida de Joker, pero los resultaos foron namás temporales.[51]

Habilidaes, capacidaes y recursos[editar | editar la fonte]

Gun outline.svg

Davezu considérase que nun tien nengún superpoder, pero paez ser que l'ácidu, amás de camuda-y l'aspeutu, fíxolu perresistente al dolor y al venenu. Amás, paez tener una capacidá increyible pa sobrevivir, burllando siempres la muerte. Sicasí, ye descritu en munchos medios como un xeniu,[52] llegando a crear diversidá d'artefactos que lu ayuden a cumplir los sos oxetivos.[52] Joker, al igual que Batman, dispón d'una gran variedá de preseos que lu ayuden a cumplir los sos oxetivos, anque la diferencia ye que les sos ferramientes son mortales y les pasa por oxetos risibles]]. Una ferramienta de so ye'l nomáu "gas de la risa", qu'a pesar de que da a entender que faer rir a la xente, en realidá provova un choque anafiláctico per aciu del bloquéu de les canales de calciu y potasiu;[53][54] Dependiendo de la dosis, el pelleyu puede camudar de color y el pelo volvese verde.[55]

Na edá de plata y de bronce del comic, Joker utilizó dellos elementos qu'usa un payasu común, sicasí él modifícalos pa tresformalos n'armes mortales como ye'l casu d'una flor que lleva nel so traxe y espulsa venenu, una pistola especial que dispara una bandera col testu BANG! o GOTCHA! (¡GRAPÁU! n'asturianu).[52] o los comodines d'aceru afiláu que guarda embaxo la manga. Tamién usa armes comunes, como cuchiellos. Les sos habilidaes de combate cuerpu a cuerpu varíen dependiendo del autor o del mediu; siendo n'ocasiones artera y fuerte, ente que n'otres ye fráxil y fácil de ganar; anque xeneralmente preséntenlu como daquién que nun tien habilidá pa engarriase.[55]

Vistimienta[editar | editar la fonte]

La vistimienta de Joker nun varia tanto como ye'l casu d'otros enemigos de Batman,[56] polo xeneral usa un traxe púrpura con una camisa anaranxada —sicasí esta pue ser verde, o blanca con llinies— y tamién usa un llazu o una corbata de color azul verdosu.[57][58] Anque en dellos cómics, como The Dark Knight Returns la vistimienta del Joker camuda dafechu. Nesta usa un traxe bien elegante de color blancu, una camisa negra y una corbata.

Rellación con Harley Quinn[editar | editar la fonte]

Harley Quinn yera la so cómpliz fiel y moza, qu'apaeció per primer vegada en Batman: The Animated Series. La popularidá del personaxe na serie foi tal, que contaron el so orixe nel cómic MáadLove y llueu pasó a la continuidá de los cómics na hestoria No Man's Land. Harley taba llocamente namorada d'él,, obsesionada, pero él maltratábala y utilizábala, pero delles vegaes amuesa cierta debilidá pá con Harley, diciéndo-y que tien sentimientos que nun entiende, y les sos ganes de matala medren por ello, polo que-y podría tener ciñu anque lu niegue o nun entienda la naturaleza d'esi sentimientu. Pa dirixise a él, Harley utilizaba dellos llamatos cariñosos ente los que destaquen "Mister J." y "pastelín" (o "puddin").

Cuando Joker mánda-y matar a los sos antiguos esbirros y dempués trata de matala a ella, pos ye momentu d'una reconversión, la rellación acaba. Adulces, Harley Quinn supéralo y conviértese en más bien una antiheroína.

Anguaño, Joker tien una nueva moza, Punchline.

En cine y televisión[editar | editar la fonte]

Aición real[editar | editar la fonte]

Interpretólu César Romero na serie de televisión de los años 1960 Batman y na película nacida d'esta, como un criminal camp vistíu de payasu. Ye notable que l'actor nun quixo quitar el bigote, y teníalu pintáu de blancu, como la piel, pa intentar atapalu.

Na película de Tim Burton de 1989, Batman, Jack Nicholson interprétalu. El so verdaderu nome ye Jack Napier (aludiendo a Jack Nicholson y al actor Alan Napier quien interpretó a Alfred na serie de televisión de los años 60) y ye'l que mató a los padres de Bruce Wayne. Cuando Bruce yá ye un adultu convertíu en Batman busca pillalu, pero termina fayéndolu cayer nos productos químicos, que lu converten en Joker. Tres la somorguiadura pasa de ser un mariosu de segunda a querer faese xefe del crime de Gotham City. A la fin, Batman escuerre'l villanu escontra la Catedral de Gotham. Nun intentu d'escapar nel helicópteru de los sos esbirros, y asina burllar a Batman, Joker cai dende la torre'l campanariu, finando al estrapallase en suelu.

La película The Dark Knight, de Christopher Nolan (2008), amuesa una nueva versión filmica del personaxe, esta vegada buscando recrear una imaxe más fiel, anque en tonu realista, al personaxe del comic de 1940. Ye representáu como un criminal con ciertu gustu pola teatralidad que dexa siempres la so marca na escena del crime (la carta Joker y la sorrisa nes sos víctimes - esta vegada fecha con un cuchiellu-). Amás, nun duldar n'asesinar a quien s'interponga nel so camín, gusta de llanzar amenaces de muerte en medios de comunicación masivos y faeles cumplir. Esti Joker ye capaz d'engañar a les autoridaes pa llevar a cabu los sos planes, burllar a la mafia, a los sos propios secuaces, infundir terror a la ciudá y faer perder el control a Batman. A diferencia de nos cómics, el color blancu de la so piel ye mentáu como "pintura de guerra" y nun ye'l so color natural. Amás, la sorrisa ta formada por repulgu como les d'una Sorrisa de Glasgow. Al detenelu, revélase'l so nuevu gran plan, que ye destruyir moralmente al "caballeru blancu" de Gotham, el queríu fiscal de Distritu Harvey Dent. Nun interrogatoriu desvela a Batman que caltién secuestraos a él y a Rachel Dawes en dos edificios con esplosivos y qu'ún d'ellos va morrer. Rachel muerre, y Dent ye salváu por Batman, perodeformáu. Finalmente en concretándose el plan del Joker, Harvey Dent termina acentuando les sos traces de personalidá múltiple convertíu agora nel vengatible y asesín villanu Two-Face. Ledger ganó l'Óscar póstumu a meyor actor de repartu nos Premios Óscar de 2009 pola interpretación del personaxe. [59]

Tamién interpretólu l'actor Jared Leto pa la película Suicide Squad (2016), nun papel bien secundariu, en cuenta de ser pareya de Harley Quinn. Surdió mui males crítiques.

Na serie de televisión Gotham, que cunta la mocedá de Batman y los primeros años en Gotham City del comisariu Gordon xugaron cola idea de quién diba convertise en Joker, habiendo dos ximielgos que podríen selu. Ún d'ellos, Jerome, acaba morriendo, y l'otru, Jeremiah conviértese en Joker tres cayer n'ácidu.

En 2019 estrenaron la primer película de la que ye protagonista, Joker, interpretándolu Joaquin Phoenix y llogrando tamién l'Oscar. Nesta versión predéntenlu como un enfermu mental al que la sociedá empobina a la llocura, y al empar como un signu de llucha escontra la desigualdá social.

Dibuxos animaos[editar | editar la fonte]

El Joker apaeció en munches series animaes, como Super-Friends, pero destaca como l'antagonista principal de Batman: The Animated Series, cola voz de Mark Hamill. Apaeció per primer vegada nel especial, Christmas With the Joker, onde fuxe del Manicomiu Arkham y secuestra a Summer Gleeson, Harvey Bullock, y James W. Gordon pa matalos en Navidá, pero Batman y Robin torguen el plan. Depués, apaez en The Last Laugh, onde trata de volver lloca a toa Gotham col so gas de la risa, y otros munchos episodios. Nesta serie ye amás u asocede la primera apaición de Harley Queen, la so pareya más d'una década y cola que ye nidiamente un maltratador. Apaez tamién en Superman: The Animated Series, The Batman Superman Movie: World's Finest|World's Finest, Batman: Mask of the Phantasm" o Batman Beyond: Return of the Joker" y en toes estes cola voz de Mark Hamill.

Les películes animaes nes que Joker apaez dende entós són munchísimes, pero ente estes destacaLego Batman.

Videoxuegos[editar | editar la fonte]

Apaeció na mayoría de los videoxuegos de Batman, yá sía como un villanu principal o unu secundariu. La primera d'estes apaiciones foi en Batman: The Caped Crusader, onde ye un villanu principal xuntu al Pingüín, darréu apaeció en Batman: Return of the Joker y nel videoxuegu oficial de la película de 1989.[60][61]

En Batman: Dark Tomorrow él ye unu de los villanos principales de la hestoria xunto a Ra's Al Ghul y Mázcara Negra;[62] En Batman Vengeance apaez como un enemigu,[63] tamién apaeció en Lego Batman: El Videoxuegu, según na so secuela Lego Batman 2: DC Superheroes equí forma una alianza con Lex Luthor pa ganar a los superhéroes.[64][65]

Tamién ye un personaxe xugable en Mortal Kombat vs. DC Universe.[66][67][68] Nel añu 2009 foi publicáu Batman: Arkham Asylum, el Joker apaez nesti videoxuegu como l'antagonista principal, él quier llograr una fórmula llamada Titán, que ye un potente deriváu del Venom cola cuenta de faer un exércitu de Matonos-Titan, a la fin de xuegu infestar col Titan pero ye deteníu por Batman. Esta aición trai graves consecuencies a la so vida, na secuela Batman: Arkham City quéden-y poques hores de vida yá que los efeutos tóxicos del Titán quedaron na so sangre, matándolo.[69] En Batman Arkham Origins amuésase'l so primer alcuentru con Batman, primero fáense referencies al mientres la hestoria, más tarde revélase que yera la Mázcara Negra qu'apaez hasta ciertu puntu nel xuegu y en Batman Arkham Knight amuésase como una allucinación de Batman apaeciendo en momentos del xuego pero tou esta na mente de Batman

Apaez en DC Universe Online y en Injustice: Gods Among Us como un personaxe d'alta relevancia, yá que nuna dimensión paralela, asesina a la familia de Superman y destrúi Metrópolis, causando qu'allorie y asesinar, tamién apaez el Joker de la dimensión orixinal que ye lleváu a la paralela por error, al igual que Batman.[70][71]

Ver tamién[editar | editar la fonte]

Notes y referencies[editar | editar la fonte]

Notes
Referencies
  1. «Obres, llibros y más de Bob Kane». Consultáu'l 5 de xineru de 2012.
  2. Kane, 1979, p. 3.
  3. «The Brave and the Bold #31 review» (inglés).
  4. Diggle, Andy, Batman Confidentials. Consultáu'l 5 de xineru de 2012
  5. Phillips, Daniel (14 d'avientu de 2007). «Why So Serious? - The Many Faces of Joker» (inglés). IGN. Consultáu'l 2 de mayu de 2008. «Sure, the basics have always been there: The Joker's maniacal grin, his green hair, rede lips and purple suit.»
  6. Miller, Frank, Batman: The Dark Knight Returns nᵘ
  7. Moore, Alan, Bolland, Brian ISBN 1401209270
  8. «What is the Real Origin of the Joker» (inglés). Consultáu'l 6 de xineru de 2012.
  9. 9,0 9,1 9,2 ¿Por qué Batman nunca asesina al Joker? Consultáu'l 15 de xineru de 2012
  10. Enemistad del Joker y el Caballero Oscuro. Consultáu'l 22 de xineru de 2013
  11. Mahnke, Doug. Batman: El Misteriu del Capiellu Coloráu 1-1. Consultáu'l 22 de xineru de 2013
  12. Staff (Julio de 2006). «Top 100 de los meyores villanos». Wizard 1 (177). 
  13. IGN (Fecha desconocida). «The Joker is Number 2» (inglés). Consultáu'l 5 de xineru de 2012.
  14. «The 50 Greatest Comic Book Characters» (inglés). Empireonline.com. Consultáu'l 5 de xineru de 2012.
  15. «THE 200 GREATEST COMIC BOOK CHARACTERS OF ALL TIME» (inglés). Wizarduniverse.com (23 de mayu de 2008). Archiváu dende l'orixinal, el 3 d'ochobre de 2009.
  16. «The 100 Greatest Fictional Characters» (inglés). Fandomania.com. Consultáu'l 21 de mayu de 2010.
  17. Steranko, 1970.
  18. Batman From the 30s to the 70s, Bonanza books, 1970 (n'inglés)
  19. Kane, Bob. Batman nᵘ. Consultáu'l 6 de xunu de 2013
  20. The Comics Journal nᵘ271 (ochobre de 2005): Entrevista a Jerry Robinson (estractos online xubíos el 15 d'ochobre de 2005)
  21. 21,0 21,1 «Entertainment Weekly Sitiu oficial del escritor Frank Lovece: Esclusives na Web Entrevista a Bob Kane». Archiváu dende l'orixinal, el 17 de xunetu de 2013.
  22. Reinhart, Mark S. (4 d'ochobre de 2006). «The Joker's 5 Way Revenge» (inglés). Batman on Film. Consultáu'l 3 de mayu de 2008.
  23. Englehart, Steve (1999). Batman: Strange Apparitions, páx. 176. ISBN 978-1563895005.
  24. Pearson, Roberta Y.; Uricchio, William (1991). «Notes from the Batcave: An Interview with Dennis O'Neil.», The Many Lives of the Batman: Critical Approaches to a Superhero and His Media (n'inglés). Routledge: London, páx. 18. ISBN 0-85170-276-7.
  25. McAvennie, Michael (2010). «1970s», DC Comics Year By Year A Visual Chronicle (n'inglés). Dorling Kindersley, páx. 156. ISBN 978-0-7566-6742-9. «After decades as an irritating prankster»
  26. Greenberger, Robert (2009). The Batman Vault: A Museum-in-a-Book with Rare Collectibles from the Batcave (n'inglés). Running Press, páx. 161 and 163. ISBN 0-7624-3663-8. «In 1973, O'Neil alongside frequent collaborator Neal Adams forged the landmark 'The Joker's Five-Way Revenge' in Batman #251.»
  27. https://dc.fandom.com/wiki/Joker_(Earth-Two)
  28. Dagwood Splits the Atom. (n'inglés). Consultáu'l 25 de xineru de 2013
  29. Casualidaes de los cómics p=98-102
  30. https://dc.fandom.com/wiki/Joker_(Earth-One)
  31. https://dc.fandom.com/wiki/Joker_(New_Earth)
  32. «The Killing Joke Plot» (inglés). Consultáu'l 3 de xineru de 2012.
  33. The 25 Greatest Batman Graphic Novels, Hilary Goldstein, IGN, June 13, 2005
  34. 34,0 34,1 «Pushback» (inglés). Comic Book DB. Consultáu'l 2 de xineru de 2013.
  35. Action Comics 769-770, Superman: The Man of Steel 104-105
  36. Hush nᵘ. Consultáu'l 20 de xineru de 2012
  37. Jeph, Loeb. (n'inglés). Batman: Hush, volume 1. ISBN 978-1-4012-0060-2
  38. Jeph, Loeb. (n'inglés). Batman: Hush, volume 2. ISBN 978-1-4012-0092-3
  39. 39,0 39,1 Batman & Son nᵘ
  40. DC Database. Batman and Son(n'inglés) Consultáu'l 23 de xineru de 2013
  41. Morrison, Grant. Daniel, Tony. Batman R.I.P. ISBN 1-4012-2090-8
  42. The Black Glove. (n'inglés). ISBN 1-4012-1909-8
  43. Daniel, Tony-Morrison, Grant. Batman R.I.P. Consultáu'l 23 de xineru de 2013
  44. 44,0 44,1 Morrison Grant, Final Crisis. Consultáu'l 23 de xineru de 2013
  45. Tipton, Scott (7 de xineru de 2004). «Batman, Part V -- You gotta be Joking» (inglés). Comics 101. Archiváu dende l'orixinal, el 2 de mayu de 2007. Consultáu'l 3 de mayu de 2008.
  46. Goldstein, Hilary (24 de mayu de 2005). «The Joker: Devil's Advocate» (inglés). IGN. Consultáu'l 3 de mayu de 2008.
  47. Morrison, Grant. Arkham Asylum: A Serious House on Serious Earth 15th Anniversary Edition (DC Comics, 2005) s. Orixinal scripts ISBN 1-4012-0425-2.
  48. «The Joker (Batman: Arkham Asylum)» (inglés). Consultáu'l 25 de xineru de 2013.
  49. Moore (1997) p.45
  50. Puchko, Kristy (30 de xunetu de 2012) (n'inglés). Find Out Where The Joker Was During The Dark Knight Rises. Cinema Blend. http://www.cinemablend.com/new/Find-Out-Where-Joker-Was-During-Dark-Knight-Rises-32179.html. Consultáu 'l 30 de xunetu de 2012. 
  51. Justice League America #03
  52. 52,0 52,1 52,2 «Pero a esto, ¿quien ye'l Joker?». Consultáu'l 17 de xineru de 2012.
  53. «Dato alrodiu de la anafilaxia». Consultáu'l 6 de febreru de 2013.
  54. Comic Vini. «The Joker's Venom» (inglés). Archiváu dende l'orixinal, el 17 de marzu de 2013. Consultáu'l 6 de febreru de 2013.
  55. 55,0 55,1 Poderes y habilidaes del Burllateru Consultáu'l 17 de xineru de 2012
  56. Daniels (1999), p. 161
  57. Boichel, p. 15
  58. Daniels (1999), páxs. 147 y 149
  59. «Ganadores de los premios Óscar de 2009». Consultáu'l 2 d'avientu de 2012.
  60. «Batman - NES» (inglés). Angelfire.com. Consultáu'l 5 de xineru de 2011.
  61. Batman: Return of the Joker Moby Games
  62. IGN, The Dark Tomorrow. (n'inglés). Consultáu'l 9 de febreru de 2013
  63. Batman Venegance. (n'inglés). MeriStation. Consultáu'l 9 de febreru de 2013
  64. «The Main Plot of Lego Batman 2: DC Superheroes» (inglés). Consultáu'l 9 de febreru de 2013.
  65. «Lego Batman: The Videogame» (inglés). Consultáu'l 9 de febreru de 2013.
  66. McWhertor, Michael (25 de xunetu de 2008). «Comic-con 08: Green Lantern, Joker Join MK Vs. DC Universe Line Up» (inglés). Kotaku. Consultáu'l 9 d'avientu de 2008.
  67. McWhertor, Michael (20 d'agostu de 2008). «Games Convention 08: Wonder Woman, Raiden Two Of Four New Kombatants» (inglés). Kotaku. Consultáu'l 9 d'avientu de 2008.
  68. Purchese, Rob (12 de setiembre de 2008). «Midway reveals MK vs. DC character List - Eurogamer» (inglés). Eurogamer. Consultáu'l 9 d'avientu de 2008.
  69. Plunkett, Luke Arkham City is Maybe (n'inglés). Consultáu'l 23 de xineru de 2013
  70. Injustice: Gods Among Us (n'inglés). Consultáu'l 23 de xineru de 2013
  71. DC Universe Online Characters (n'inglés). Consultáu'l 23 de xineru de 2013

Enllaces esternos[editar | editar la fonte]