Barranc d'Algendar

De Wikipedia
Saltar a navegación Saltar a la gueta
Ribayu d'Algendar

El ribayu d'Algendar o Aljandar (en catalán, barranc d'Algendar o d'Aljandar) ye l'accidente xeográficu más importante del altiplanu miocenu del sur menorquín. Asitiáu a diez kilómetros de la desembocadura del ríu de la cala Galdana, constitúi de forma natural el llindar ente los términos municipales de Ferreries y Ciutadella. El so territoriu ye una reserva natural de gran valor ecolóxicu, con dalgunos endemismu|endemismos propios. Foi conreada dende hai muncho tiempu como una zona d'hortales y contién delles cueves naturales (cova des Càrritx, cova Vermella, etc.). Asitíense numberoses lleendes de tradición oral.[1]

La fondalada ta travesada por un regatu (el ríu d'Aljandar) d'agua fresco y cristalino, y recueye les agues pluviales de les fasteres colindantes. Contién cantios con un altor d'ochenta metros. La tierra ye perfértil, y entá anguaño obsérvense signos de la cultura agrónoma árabe, como por casu barcales y canalizaciones pa regadíu. Nes cueves afayáronse recientemente restos arqueolóxicos.[1]

Flora y fauna[editar | editar la fonte]

Alcedo atthis ye ún de los páxaros qu'habiten esti ribayu.

Ente les especies vexetales que s’encuentren nel ribayu hai’l pinu blancu, el Juniperus, la encina, el Chamaerops humilis, Ampelodesmos mauritanica, Daphne gnidium, gavarrera, esparraguera (Asparagus albus y Asparagus stipularis), Clematis vitalba, ranunculus ficaria, vicia benghalensis, Chelidonia majus, matthiola incana, Hypericum perforatum, centaurium erythraea (especie endémica de Menorca), Symphytum tuberosum, Mentha aquatica (especie endémica de Menorca), Crepis triasii (especie endémica de Menorca y Mallorca), Ornithogalum narbonense, Leucojum aestivum, Ophrys lutea, Cymbalaria fragilis (espécie endémica de Menorca) y la Thymus vulgaris. Tamién hai fungos, ente los cuales puense destacar l'esclatasang (Lactarius deliciosus y Lactarius sanguifluus) y la Choroogomphus rutilus, los trés son comestibles y se puen encontrar en pinos.[2]

Viven mamíferos tamién; como la marta y la Mustela nivalis; Bufo viridis, Testudo hermani y Emys orbicularis, amás d'un gran númbero de páxaros (Alcedo atthis, Milvus milvus, Loxia curvirostra, etc.) y d'insectos (Cerambyx cerdo, Timarca balearica, libellula, etc.).[2]

Cultura popular[editar | editar la fonte]

La literatura popular creó numberoses lleendes y mitos: Sa novia d'Algendar ye claramente la más conocida. Narra les peripecies d'una moza payesa qu'una nueche de lluna llena ye secuestrada por un moru que s’enamoró d'ella.[1] La novia d'Aljandar ye una conocida canción popular menorquina. La tradición popular rememora que nestos paraxes esistieron los xardinos del almogávar de Santa Àgueda en tiempos de la dominación musulmana.[1]

Referencies[editar | editar la fonte]

  1. 1,0 1,1 1,2 1,3 El barranc d'Àlgendar Ajuntament de Ferreries
  2. 2,0 2,1 Algendar

Coordenaes: 39°58′02.3″N 3°57′56.3″E / 39.967306°N 3.965639°E / 39.967306; 3.965639