Alfonsu IX

De Wikipedia
(Redirixío dende Alfonso IX)
Saltar a navegación Saltar a la gueta
Alfonsu IX
Adefonsus legio galle.jpg
monarca del Reino de León

1188 - 1230
Fernandu II de Llión - Sancha de León
Vida
Nacimientu Zamora15  d'agostu de 1171
Nacionalidá Reinu de Llión
Fallecimientu

Sarria24  de setiembre de 1230

(59 años)
Sepultura Catedral de Santiago de Compostela
Familia
Padre Fernandu II de Llión
Madre Urraca de Portugal
Casáu/ada con Teresa de Portugal  (1191 (Gregorianu) -  1196 (Gregorianu))
Berenguela I de Castilla  (avientu 1197 (Gregorianu) -  24 setiembre 1230 (Gregorianu))
Pareyes Teresa Gil de Soberosa
Fíos/es
Hermanos/es
Pueblu Casa de Ivrea
Estudios
Llingües castellanu
Oficiu
Oficiu soberanu
Creencies
Relixón catolicismu
Cambiar los datos en Wikidata
Alfonsu IX según una miniatura del Tumbu A de la Catedral de Santiago de Compostela.

Alfonsu IX de Lleón[1] (Zamora, 15 d'agostu de 1171 - Sarria, 24 de setiembre de 1230) foi rei de Lleón[2] dende'l 21 de xineru de 1188 hasta la so muerte.

Fíu de Fernandu II de Lleón y Urraca de Portugal, tuvo dificultaes pa facese col poder por mor de les intrigues de la so madrastra Urraca López de Haro, qu'aspiraba a entronizar al so propiu fíu, l'infante Sancho. A lo llargo del so reináu tuvo munchos conflictos y tensiones col so primu Alfonsu VIII de Castiella. A cuent d'ellos, tuvo ausente na Batalla de les Naves de Tolosa, anque fizo una gran actividá recuperando pa la Cristiandá les ciudaes de Cáceres, Mérida y Badajoz.

Casó primero con Teresa de Portugal, casoriu anuláu por consanguinidá y llueu (1198) con Berenguela de Castiella, con quien tuvo al infante Fernandu. Tres anular tamién esti matrimoniu, Berenguela llevó al so fía al so llugar de nacencia y llogró convertirlu en rei de Castiella a la muerte d'Enrique I en 1217. Padre y fíu distanciáronse y, al paecer, l'animadversión d'Alfonsu IX pa colos castellanos llevólu a dexar el reinu en manes de Sancha y Dulce, les fíes que tuviera cola so primer esposa, Teresa de Portugal. Sicasí, la madre de Fernandu negoció con Teresa de Portugal la entrega d'una pensión vitalicia a Sancha y Dulce empara de los sos derechos y Fernandu —qu'amenazara a les sos hermanastres con atacar el reinu si nun se cumplíen les sos esixencias— socedió a so padre como rei de Lleón, xuntando dambes corones cola llamada Concordia de Benavente.


Predecesor:
Fernandu II de Llión
Rei de Lleón
1188 - 1230
Socesor:
Fernandu III el Santu

Referencies[editar | editar la fonte]

  1. Según la numberación cronolóxica real del Reinu de Lleón, habría ser conocíu como Alfonsu VIII, pero, históricamente asignóse-y l'ordinal IX, como forma d'"axuntar" les cronoloxíes de Lleón y de Castiella (en Castiella reinaba daquella Alfonsu VIII). Sicasí, nes Siete Partíes del so nietu Alfonsu X el Sabiu, ésti afirmaba ser "Alfonsu IX"
  2. La titulación completa yera Rex Legionis et Gallecie (Rei de Lleón y Galicia). En dalguna ocasión tamién usó'l títulu Rex Asturianum (Rei d'Asturies)