Zamora

Zamora
Seña Bermeja (es)	Escudo de Zamora (es)
Alministración
País	España
Autonomía	Castiella y Lleón
Provincia	provincia de Zamora
Tipu d'entidá	conceyu d'España
Alcalde de Zamora	Francisco Guarido (es)
Nome oficial	Zamora (es)
Nome llocal	Zamora
Códigu postal	ver 49001–49028 y 49001;
Xeografía
Coordenaes	41°30′12″N 5°45′20″O / 41.5033°N 5.7556°OCoordenaes: 41°30′12″N 5°45′20″O / 41.5033°N 5.7556°O
	Zamora Zamora (España)
Superficie	149.28 km²
Altitú	652 m
Llenda con	Valcabado, Monfarracinos, Coreses, Villaralbo, Arcenillas, Morales del Vino, Entrala, El Perdigón, Pereruela, Almaraz de Duero, Mueles del Pan, San Pedro de la Nave-Almendra, Palacios del Pan, Andavías, La Hiniesta y Roales
Demografía
Población	59 475 hab. (2022); - 28 524 homes (2019); - 32 882 muyeres (2019)
Porcentaxe	0.13%; 2.46%; 0% d'España; Castiella y Lleón; provincia de Zamora
Densidá	398,41 hab/km²
Xentiliciu	zamoranu (masculín singular); zamorana (femenín singular); zamorano (xéneru neutru); zamoranos (masculín plural); zamoranes (femenín plural)
Más información
Prefixu telefónicu	980
Estaya horaria	UTC+01:00
Llocalidaes hermaniaes	Uviéu
	zamora.es

Zamora^[2] ye la capital de la provincia de Zamora. Allúgase al noroeste de la Península, cerca de la llende con Portugal. Percuérrela'l ríu Dueru.

Ye conocida pol arte románicu, yá que ye la ciudá del mundu que de xuru tien más ilesies nel so centru urbanu^{[ensin referencies]}, y pola celebración de la Selmana Santa, fiesta llocal d'interés turísticu.

Historia de Zamora[editar | editar la fonte]

Cuasi tola provincia de Zamora tuvo dientro de les fasteres nes qu'aniaben los astures, pueblu prerromanu. Tamién los vaceos que quiciabes pudieron fundar la ciudá, anque tamién pudieron ser los romanos quienes fundaren la villa poniéndo-y el nome llatín Occelum Durii (güeyín del ríu Dueru), na época de les griesques de Viriatu escontra la invasión de Roma.

Nos tiempos de dominación xermana, los visigodos conocen la ciudá col nome de Semure, talmente como apaez en dos monedes de Sisebutu. Los nomes árabes de la ciudá foron Azemur (acebache) y Semurah (ciudá de les turqueses). El nome d'anguaño, seique, remanez de la dómina xermana o de la musulmana, y ye conseñáu como tal nel Salmanticense como una de les places recuperaes por Alfonsu I a los moros.

Historia antigua[editar | editar la fonte]

Vencíos los cartaxineses por Roma na figura d'Emiliu Escipión, la península ibérica (Hispania), pasu ente pasu foi conquistada polos romanos. Estos amestaron de miente pacífica o violenta (-180 a –121) los estremaos pueblos y tribus, quedando Zamora dientro de la provincia romana de Gallaecia con capital n´Astúrica Augusta (Astorga). Munchas pontes, fontes ya calzadas foron aniciadas naquella dómina.

Nel sieglu V vándalos, alanos ya suevos pasaron a Hispania quedando los suevos nel noroeste de la península incluyida cuasi tola la provincia zamorana. Más alantre´l Reinu Visigodu vencio al Suevu nel 585, tomando Toledo les riendes de la nuesa Historia. Nel añu 711 el rei godu Rodrigu perdió escontra los sarracenos nes batallas de Guadalete y Segoyuela (na Sierra de Francia de Sallamanca) entamando entós la Hispania musulmana.

=== La' Zamora ye prindada ya estrozada polos musulmanes al mandu del Emir Mohamed. Poco depués foi reconquistada polos cristianos nel reináu del rei Alfonsu II d'Asturias, el Castu, siendo de nuevu fortificada.

El rei Alfonsu III (866-910) allinda la capital del Reinu en Llión entamando´l el Reinu de Llión. La llinde sedrá entós el ríu Dueru. El rei Alfonsu III repuebla Zamora con mozárabes toledanos nel 893, arrodiándola de murias ya aportándo-y palacios y baños, tornándose, pola so situación xeográfica y carauterístiques, na ciudá fortaleza más importante de los reinos cristianos. Zamora ye descrita polos cronistas árabes, como “la capital del reinu Galicia, arrudiada de siete recintos amurallados y grandes fosos”. Sedrá una de les places más guapes del Reinu llionés naquella época. A mayores entama entós la dómina de mayor rellume políticu, económicu y arquiteutónicu. Siguiron los asedios árabes ensin llograr arrebatar la ciudá a los cristianos (salvo´l desaniciu que provocó Abu'Amir-Al Mansur ,“el victoriosu” en 981) hasta los caberos años del siglu XI. "Zamora la bien allindada" llamóla Fernandu I de Castiella ya rei consorte de Llión, que foi quien la reconstruyó. Repoblóla con montañeses y amurallóla de nuevu. Amortaleciendo Fernandu ye Alfonsu VI (1065-1109) rei de Llión. Ye entós que la independencia del Reinu llionés ta acenada pola campaña militar de Sanchu de Castiella.

Zamora a la muerte de Fernándu I pasará como herencia a so fía Doña Urraca. Tando Sanchu II nuno de los cercos a la ciudá, (perconocida fazaña épica pañada nel romanceru español) esti muerre cuando intentaba tomar la ciudá gobernada pola so hermana Doña Urraca, (seique ante los güeyos d´El Cid). La bravura de la cuidá durante l'asediu del exércitu de Sanchu ficiera afamáu el dichu: Nun se ganó Zamora nuna hora.

Otru fechu importante de la ciudá foi la conferencia de paz ente'l rei Alfonsu VII de Llión“imperator” y el so hermanu Alfonsu Herriques de Portugal. Como resultáu el 5 d'ochobre de 1143 foi reconocida la independencia del nuevu reinu que quedó conseñada nel Tratáu de Zamora y que marca de miente oficial la nacencia de Portugal. Alfonsu Henriques, tres algamar Lisboa col gabitu de los cruzaos, foi reconocíu Rei pol Papa Alexandru III (1179).

Depués del so puxu nel sieglu XII y a midida que se desplazaba hacia'l sur la llinde de la reconquista de la península polos reis cristianos, Zamora foi perdiendo importancia estratéxica y económica.

Fernandu II y Alfonsu IX, reis exclusivos del Reinu de Llión, averaron la llinde colos musulmanes hasta'l Guadiana (Mérida-Badajoz). Ye perafamáu Alfonsu IX (zamoranu de nacencia) por aconceyar nel primer añu del so reináu (1188) les primeres Cortes “democrátiques” d'Europa nes que participaron representantes del tercer estamentu: los representantes de les ciudades, o burguesía -Zamora ente ellas-. La vida zamorana siguió dientr del Reinu de Llión afitando rellaciones fondas con Asturies y Estremadura per aciu del camín mozárabe a Santiagu de Compostela, la Ruta la Plata y las cañadas ganaderas d´orientación norte-sur; exes perimportantes estos de la cultura, vezos y folklor de les rexones que pertenecieron a la Corona Llionesa.

LA EDÁ MODERNA. L'ANTIGUU RÉXIME.

Dempués del descubrimientu d'América, munchos zamoranos viéronse obligáus pola probeza económica de las fasteiras a emigrar al continente, n'especial cacia América del Sur on fundonun munchas outras ciudaes col so mesmu nome.

Nos sieglus XVI,XVII ya XVIII, Zamora alcuéntrase dientru del chamáu Reinu de Llión, Primeiru “los Austrias” hasta Carlos II ya dempués “los Borbones” nun van a privlilexar a Zamora de mou especial

L'EDÁ CONTEMPORÁNEA.

El sieglu XIX principia n'España cola collaboración con Francia que darréu torgouse na invasión francesa ya nuna guerra díndependencia on va sofrir muitu menoscabu la provincia y Zamora. Nel 1833, añu nel que muerre Fernandu VII, cola división de los reinos d'España se forma la actual provincia de Zamora que xunta Salamanca y Llión costituían las tierras del Reinu de Llión. El decretu del ministru Javier de Burgos tien llugar na rexencia de María Cristina , mái de Sabela II que cuntaba tres años d'edá.

Zamora según eiste decretu de 1833, inda vixente, pertenez al Reinu de Llión, manque la cadarma autonómica amestóu, escontra la lletra la Constitución, eiste territoriu históricu a provincies de Castiella la Vieya (sacadas Santander y Logroño) nel añu 1983 (Gobiernu de Calvo Sotelo) pese las denuncias de partíos políticos, intelectuales, presonas particulares ya asociaciones rexionaliegas.

Ya nel sieglu XX l'emigración canalizóuse cacia outras provincies ya rexones más prósperas cumo el País Vascu, Cataluña, Madrid ou Valladolid principalmente.

EL SIEGLU XXI

Un que cinca al momentu actual, Zamora, asombrosamente retrocede a paus axigantáus poblacional ya económicamente; se esfrayan puestos de trabayu a esgaya, atuellándose, estancánduse tantu la cidá cumo la provincia sicasí nuna época propicia, xida perfeuta, pal progresu xeneral delas provincies dientru las Autonomías d'España.

Escudu de Zamora[editar | editar la fonte]

Nel escudu de la ciudá tán representaos el brazu Viriatu cola seña bermeya; ya la puente de la ciudá de Mérida (Extremadura), la cuala foi reconquistada pol rei Alfonsu IX, onde se destacoron las tropas del conceyu de Zamora.

De siempres pertenecióu Zamora ciudá, ya la provincia de la cuala ye capital, al Reinu de Llión ou Rexón Llionesa. Como tolas provincies d'España ñacióu cola división pol decretu nel 1833 del Ministru Javier de Burgos.