Acrocephalus arundinaceus

De Wikipedia
Saltar a: navegación, buscar
Acrocephalus arundinaceus
Les especies d'aves con nome común en llingua asturiana márquense como COA. En casu contrariu, conséñase'l nome científicu o de la SEO.
Commons-emblem-notice.svg
 
Carricera real
Carricero tordal.jpg
Estáu de caltenimientu
Preocupación menor (LC)
Esmolición menor (IUCN)[1]
Clasificación científica
Reinu: Animalia
Filu: Chordata
Clas: Aves
Orde: Passeriformes
Familia: Acrocephalidae
Xéneru: Acrocephalus
Especie: A. arundinaceus
(Linnaeus, 1758)
Sinonimia
  • Acrocephalus lacustris
  • Acrocephalus turdoides
  • Calamoherpe arundinacea
  • Turdus arundinaceus Linnaeus, 1758[2]
[editar datos en Wikidata]

La carricera real COA, (Acrocephalus arundinaceus, castellán:carricero tordal) ye un ave de vezos migratorios perteneciente a la familia Acrocephalidae, dientro del orde de los paseriformes.[3] Afita en zones húmedes, ríos y llagos d'Europa, África y Asia.[3]

Carauterístiques[editar | editar la fonte]

Colos sos 18,5 cm de llargor, ye la especie europea de sílvidu palustre de mayor valumbu.[3] El picu ye más llargu y robustu qu'el de les restantes especies europees.[3] La tonalidá del plumaxe ye marrón escura na parte cimera y clara na inferior.[3]

Distribución[editar | editar la fonte]

A. arundinaceus reproduzse n'Europa y rexones templaes del estremu occidental d'Asia. Magar nun lo fai nel Reinu Xuníu, de cutiu ye posible atopala ellí. La so población foi n'aumentu mientres les últimes décades nel Bálticu oriental, ente que se volvió más rara na parte occidental de la so área de distribución. Esta especie migra escontra'l norte considerablemente tarde, pudiéndose topar dellos especímenes nos sos abellugos ivernizos entá a finales d'abril.[4]

Vezos[editar | editar la fonte]

Güevos de Acrocephalus arundinaceus

Nidifica ente les cañes construyendo un nial a base de sustancies vexetales enxareyaes y colingándolu de los mesmos carrizos.[3] Fai una sola puesta añal constituyida de normal por ente 4 y 6 güevos —anque en rares ocasiones pueden ser 3—, que guáriense mientres 14 o 15 díes por dambos proxenitores.[3] Los pitos críense polos dos padres y permanecen nel nial mientres 12 díes dempués de la eclosión.[3] Aliméntase preferentemente d'inseutos y d'otres varies especies d'invertebraos,[3] ya inclusive de vertebraos tales como cucharapes. Columbróse tamién a pareyes alimentando a les sos críes con pequeños pexes.[3] Son territoriales na so zona de reproducción, y puen vese en grandes grupos, ocupando árees nes que nun dexen la presencia de casi nenguna otra ave.[5] Les poblaciones d'esta especie sufren notables fluctuaciones al llargu plazu. Capaz de multiplicar el so númberu con facilidá al atopar un nuevu hábitat, esta ave común y llargamente distribuyida ta clasificada como especie so esmolición menor.[6]

Referencies[editar | editar la fonte]

  1. BirdLife International 2009. Acrocephalus arundinaceus. En: IUCN 2010. IUCN Rede List of Threatened Species. Versión 2010.4. <www.iucnredlist.org>. Consultáu'l 24 febreru de 2011.
  2. Acrocephalus arundinaceus en Biolib
  3. 3,0 3,1 3,2 3,3 3,4 3,5 3,6 3,7 3,8 3,9 (1981) Empones de la naturaleza: Aves (en Español). Grijalbo. ISBN 84-253-3362-8.
  4. Traylor & Parelius (1967), Bensch & Hasselquist (1999), BLI (2008)
  5. Traylor & Parelius (1967)
  6. Bensch & Hasselquist (1999), BLI (2008)

Enllaces esternos[editar | editar la fonte]