Abderramán I

Abderramán I
1. emir de Córdoba	; 756 (Gregorianu) - 788 (Gregorianu) ; ← Yusuf ibn Abd al-Rahman al-Fihri (es) - Hisham I d'Al-Ándalus →
1. emir de Córdoba
Vida
Nacimientu	Damascu, 731 (greg.)
Muerte	Qurtuba (es) , 30 de setiembre de 788 (56/57 años)
Sepultura	alcázar andalusí de Córdoba (es)
Familia
Padre	Mu'awiyah ibn Hisham
Fíos/es	Hisham I d'Al-Ándalus
Hermanos/es	Aban ibn Mu'awiya ibn Hisham (en)
Pueblu	omeyas de Córdoba (es)
Oficiu	políticu, gobernante, líder militar
Creencies
Relixón	sunismu

Pa ver otros usos d'esti términu, Abderramán.

Abd Ar-Rahman ibn Mu`awiya ibn Hisham ibn Abd al-Malik (árabe: عبدالرحمن بن معاوية بن هشام بن عبد الملك; 731 ^(greg.), Damascu – 30 de setiembre de 788, Qurtuba ^(es) ), conocíu como Abderramán I o Abd al-Rahmán I, foi'l primer emir independiente del emiratu de Córdoba.

La situación interna del Emiratu nun permitió a Abderramán I dirixir les habituales aceifes a los territorios cristianos del norte. El so reináu de trenta y ún años trescurrió ente lluches internes pa sofocar la resistencia del anterior emir, Yusuf al-Fihrí, y de los sos fíos, de los sirios partidarios de los abbasíes y de los bereberes allugaos na Península.

Vida

Ñetu del califa Hisham de Damascu, foi ún de los pocos miembros de la dinastía Omeya qu'algamaron escapar a la matanza d'Abú Futrus, que llevó al poder a los Abasides nel añu 750.

Demientres cinco años viaxó fuxendo d'un llugar a otru del norte d'África, hasta alcontrar abellugu ente los bereberes de la tribu Nafza, cerca de Ceuta, de la que yera so madre. Col gabitu de los sirios que sirvieran a los Omeyes y aínda taben n'España, consiguió pasar a la Península: nel 755 desembarcó n'Almuñécar (Granada) y un añu depués derrotó al emir Yusuf al-Fihrí y tomó Córdoba, au foi proclamáu emir independiente d'Al-Ándalus.

Los sos 32 años de reináu foron abondo turbulentos, con continues rebeliones: una d'ellas, encabezada pol antiguu emir, acabó cola execución d'éste nel 759. Otra, protagonizada nel 777 por varios xefes árabes del nordeste peninsular, contó col apoyu de Carlomagnu, quien dirixó una espedición escontra Zaragoza; la ciudá, anque tomada polos rebeldes, nun s'entregó al rei de los francos, y na precipitada retirada, ésti perdió la so retaguardia, mandada pol duque de Bretaña, Roldán, baxo l'ataque de monteses vascos nel escobiu de Roncesvalles (xesta celebrada na Chanson de Roland); les rocees y xebres ente los rebeldes permitieron qu'Abderramán ficiera una espectacular muestra de fuercia, con una campaña militar que percorrió Navarra, Aragón y Cataluña.

Abderramán consiguió caltenese nel poder col apoyu d'un bon exércitu, formáu nos más por mercenarios bereberes; afitó asina a la dinastía Omeya, derrocada n'Oriente, al frente d'un emiratu español del que calcó la organización al califatu oriental; y anició la construcción de la mezquita de Córdoba, que quedaría pa la posteridá como símbolu d'aquel primer esllendor de la España musulmana.

Referencies

↑ ^1,0 ^1,1 Afirmao en: Gemeinsame Normdatei. Identificador GND: 121026019. Data de consulta: 18 ochobre 2015. Llingua de la obra o nome: alemán. Autor: Biblioteca Nacional d'Alemaña.

Enllaces esternos

[3289299a1016dca59d9c548fbfb95b9c271e10b4-1] 1,0 ^1,1 Afirmao en: Gemeinsame Normdatei. Identificador GND: 121026019. Data de consulta: 18 ochobre 2015. Llingua de la obra o nome: alemán. Autor: Biblioteca Nacional d'Alemaña.

[1]