5 Ursae Minoris

De Wikipedia
Saltar a navegación Saltar a la gueta
5 Ursae Minoris
Picto infobox astronomy.png
5 Ursae Minoris
Datos d'observación
(Dómina J2000.0)
Constelación Osa Menor
Ascensión reuta (α) 14h 27min 31,54s
Declinación (δ) +75º 41’ 45,6’’
Mag. aparente (V) +4,25
Carauterístiques físiques
Clasificación estelar K4III
Masa solar 1,88 M
Radiu (16 R)
Magnitú absoluta -0,87
Gravedá superficial 1,52 (log g)
Lluminosidá 398 L
Temperatura superficial ~ 4200 K
Metalicidá [Fe/H] = -0,08
Astrometría
Velocidá radial +9,34 km/s
Distancia 359 ± 5 años lluz
Paralax 9,09 ± 0,13 mas
Sistema
Nᵁ de componentes 2?
Acompañantes Nana blanca?
Referencies
SIMBAD enllaz
Otres designaciones
HD 127700 / HR 5430
HIP 70692 / SAO 2084
[editar datos en Wikidata]

5 Ursae Minoris (5 UMi)[1] ye una estrella na constelación de la Osa Menor. Magar nun tener denominación de Bayer, ye, con magnitú aparente +4,25, la quinta estrella más brillosa na constelación dempués de Polaris (α Ursae Minoris), Kochab (β Ursae Minoris), Pherkad (γ Ursae Minoris) y ε Ursae Minoris. Alcuéntrase a 359 ± 5 años lluz del Sistema Solar.

Como munches estrelles del cielu nocherniegu —como por casu Kochab, nesta mesma constelación— 5 Ursae Minoris ye una xigante naranxa. Tien tipu espectral K4III[1] y una temperatura efectivo en redol a 4200 K. Casi 400 vegaes más lluminosa qu'el Sol, la so masa envalorada ye de 1,88 mases solares.[2] El so diámetru ye 16 vegaes más grande qu'el del Sol[3] y xira sobre sigo mesma con una velocidá de rotación proyeutada de 1,9 km/s.[4]

5 Ursae Minoris presenta una composición elemental na so superficie distinta a la del Sol. Frente a elementos como sodiu, magnesiu, titaniu y fierro, que los sos niveles son comparables a los solares ([Fe/H] = -0,08), los metales alcalinotérreos son menos abondosos que na nuesa estrella; el casu más notable ye'l del estronciu, que la so bayura relativa ye namái'l 38% de la esistente nel Sol. Nel otru estremu, destaca l'eleváu nivel de itriu, doble d'abondosu que nel Sol. Per otra parte, en 5 Ursae Minoris la rellación [O/H] ye de -0,12.[2]

Piénsase que 5 Ursae Minoris puede ser una estrella binaria, siendo la compañera estelar una nana blanca non observable.[5]

Referencies[editar | editar la fonte]