23 Librae

De Wikipedia
Saltar a navegación Saltar a la gueta
23 Librae
23 Librae
Constelación Llibra
Ascensión reuta α 15h 13min 28,67s
Declinación δ -25º 18’ 33,6’’
Distancia 84 años lluz
Magnitú visual +6,45
Magnitú absoluta +4,42
Lluminosidá 1,49 soles
Temperatura 5700 K
Masa 1,05 soles
Radiu 1,25 soles
Tipu espectral G6IV-V
Velocidá radial +3,4 km/s
Otros nomes HD 134987 / HR 5657
HIP 74500 / GJ 579.4

23 Librae (23 Lib)[1] ye una estrella na constelación de Llibra de magnitú aparente +6,45. Alcuéntrase a 84 años lluz de distancia del Sistema Solar. Conócense dos planetes n'órbita alredor d'esta estrella.[2]

Carauterístiques[editar | editar la fonte]

23 Librae ta considerada una nana mariella de tipu espectral G4-G5V, anque na base de datos SIMBAD apaez como G6IV-V, lo que señala la posibilidá de que la estrella tea evolucionando escontra la fase de subxigante. Con una edá de 9000 millones d'años —casi'l doble de la del Sol—, tien de tar cerca de clausurar la fusión de hidróxenu nel so interior, momentu nel cual la estrella va empezar a espandise.[3]

La so temperatura superficial, 5740 K,[4] ye llixeramente inferior a la del Sol y tien un radiu un 25% más grande que'l radiu solar.[5] La so masa equival a 1,05 vegaes la masa solar, siendo 1,49 vegaes más lluminosa que la nuesa estrella; ello concuerda cola so avanzada edá, una y bones les estrelles asemeyaes al Sol aumenten el so rellumu col pasu del tiempu.[3]

Composición química[editar | editar la fonte]

Como la mayor parte de les estrelles qu'alluguen sistemes planetarios, 23 Librae presenta una metalicidá elevada ([Fe/H] = +0,25). Otros elementos como níquel, siliciu y magnesiu son igualmente sobreabundantes en rellación a la nuesa estrella. Les rellaciones C/O y Mg/Si dexen inferir la composición de posibles planetes terrestres. Nel casu de 23 Librae, a diferencia del Sistema Solar, el carbonu alcuéntrase en forma de grafitu y carburos como carburu de titaniu y carburu de siliciu.[4]

Sistema planetariu[editar | editar la fonte]

En 1999 anuncióse'l descubrimientu d'un planeta xovianu, denomináu 23 Librae b, per aciu l'analís de velocidaes radiales. La so masa ye 1,59 vegaes mayor que la de Xúpiter. Muévese a lo llargo d'una órbita escéntrica que la so separación cola estrella nel periastru ye de 0,62, UA ente que nel apoastru ye de 1,00 UA, la mesma distancia que dixebra la Tierra del Sol. El so periodu orbital ye de 258 díes.[6] En 2009 deteutóse un planeta adicional. La so órbita ye más esterna que la del otru planeta y emplega unos 5000 díes en percorrela.[7]

Acompañante
(N'orde dende la estrella)
Masa
(MJ)
Periodu orbital
(díes)
Semiexe mayor
(UA)
Escentricidá
23 Librae b 1,59 ± 0,02 258 ± 0,07 0,81 ± 0,02 0,24 ± 0,002
23 Librae c 0,82 ± 0,03 5000 ± 400 5,8 ± 0,5 0,12 ± 0,02

Ver tamién[editar | editar la fonte]

Referencies[editar | editar la fonte]