Washington (estáu)

Coordenaes: 47°30′N 120°30′W / 47.5°N 120.5°O / 47.5; -120.5
De Wikipedia
Washington
Bandera de Washington (es) Traducir
Alministración
PaísBandera de Estaos Xuníos d'América Estaos Xuníos d'América
ISO 3166-2 US-WA
Tipu d'entidá Estaos d'Estaos Xuníos
Capital Olympia
Gobernador de Washington Jay Inslee
Nome llocal State of Washington (en)
Llingües oficiales ensin valor
División
Xeografía
Coordenaes 47°30′N 120°30′W / 47.5°N 120.5°O / 47.5; -120.5
Superficie 184827 km²
Llenda con Columbia Británica, Idaho y Oregón
Puntu más altu Monte Rainier (es) Traducir
Puntu más baxu Océanu Pacíficu
Altitú media 520 m
Demografía
Población 7 705 281 hab. (1r abril 2020)
Densidá 41,69 hab/km²
Viviendes 2 905 822 (31 avientu 2020)
Más información
Estaya horaria UTC−08:00, America/Los_Angeles (es) Traducir y UTC−07:00
Fundación 11 payares 1889
wa.gov
Cambiar los datos en Wikidata

Washington[1] ye un estáu de los Estaos Xuníos. Asítiase na costa del océanu Pacíficu, y llenda al sur con Oregón, al este con Idaho y al norte cola provincia canadiense de Columbia Británica. Recibió'l so nome n'honor de George Washington, primer presidente de los Estaos Xuníos, y formóse a partir de la fastera más occidental del Territoriu de Washington. Esti fora cedíu por Gran Bretaña en 1846 pol tratáu d'Oregón. Washington convirtióse, en 1889, nel cuarentenu estáu del país.

Ye'l decimoctavu estáu más estensu y el trecenu más pobláu, y el segundu de más población de la Costa Oeste tres de California. El 60% de la so población vive nel área metropolitana de Seattle, un importante centru de tresportes, industrial y de negocios asitiáu nel conocíu como mar de Salish, una ensenada del Pacíficu formada por islles, fiordos y bahíes d'orixe glaciar. El restu del estáu fórmenlu viesques perestenses al oeste, varies cordeleres al norte, noreste, centru y sureste, y una cuenca semiárida nes fasteres oriental, central y meridional del territoriu, dedicada a l'agricultura intensiva.

Washington ye una potencia na industria agrícola y maderera. Esplótense bien d'especies d'árboles, y tamién de frutes, legumbres y hortalices. Esto compleméntase, dientro del sector primariu, con una cabaña ganadera importante y con una industria pesquera (salmón, halibut) enforma desarrollada. El sector secundariu inclúi la industria aeronáutica (aquí tien la so sé la empresa Boeing) y militar, amás de la de construcción de barcos; hay tamién industries de procesamientu de los productos agrícoles y forestales, y industries químiques, metalúrxiques y de maquinaria. Hai tamién más de 1.000 embalses: dellos pal riegu, otros pa producir enerxía y otros pal control de los cauces fluviales o p'abastecer a les ciudaes.

La so capital ye Olympia, y les sos ciudaes principales Seattle, na costa, y Spokane, na zona oriental del territoriu.

Bandera de los Estaos Xuníos Los 50 estaos d'Estaos Xuníos d'América Bandera de los Estaos Xuníos

Alabama · Alaska · Arizona · Arkansas · California · Carolina del Norte · Carolina del Sur · Colorado · Connecticut · Dakota del Norte · Dakota del Sur · Delaware · Florida · Georgia · Ḥawai · Idaho · Illinois · Indiana · Iowa · Kansas · Kentucky · Louisiana · Maine · Maryland · Massachusetts · Michigan · Minnesota · Mississippi · Missouri · Montana · Nebraska · Nevada · New Hampshire · Nueva Jersey · Nueva York · Nuevu Méxicu · Ohio · Oklahoma · Oregón · Pennsylvania · Rhode Island · Tennessee · Texas · Utah · Vermont · Virxinia · Virxinia Occidental · Washington · Wisconsin · Wyoming



Referencies[editar | editar la fonte]

  1. Ramón d'Andrés (2021). Diccionariu de consultes llingüístiques del asturianu (n'asturianu). Uviéu: Ediciones Trabe.

Enllaces esternos[editar | editar la fonte]