Minnesota

Coordenaes: 46°N 94°W / 46°N 94°O / 46; -94
De Wikipedia
Minnesota
Bandera de Minnesota (es) Traducir
Alministración
PaísBandera de Estaos Xuníos d'América Estaos Xuníos d'América
ISO 3166-2 US-MN
Tipu d'entidá Estaos d'Estaos Xuníos
Capital Saint Paul
Gobernador de Minnesota Tim Walz
Nome llocal State of Minnesota (en)
Llingües oficiales ensin valor
División
Xeografía
Coordenaes 46°N 94°W / 46°N 94°O / 46; -94
Superficie 225163 km²
Llenda con Manitoba, Ontario, Wisconsin, Dakota del Sur, Iowa, Dakota del Norte, Michigan, Provincia Unida de Canadá (es) Traducir, Tierra de Rupert (es) Traducir, Territorios del Noroeste y distritu de Keewatin
Puntu más altu Eagle Mountain (es) Traducir
Puntu más baxu Llagu superior
Altitú media 365 m
Demografía
Población 5 706 494 hab. (1r abril 2020)
Densidá 25,34 hab/km²
Viviendes 2 207 988 (31 avientu 2020)
Más información
Estaya horaria UTC−06:00, Hora Estándar Central y América/Chicago
Fundación 11 mayu 1858
mn.gov
Cambiar los datos en Wikidata

Minnesota ye un estáu de los Estaos Xuníos, asitiáu na rexón del Mediu Oeste (Midwest). La so capital ye Saint Paul, y Minneapolis ye la ciudá más grande. Minnesota llenda al norte con Canadá (Ontario y Manitoba), al este col llagu Superior y Wisconsin, al sur con Iowa, y al oeste con Dakota del Sur y Dakota del Norte. Ye'l 12u mayor estáu n'estensión y, colos sos 5,639,632 habitantes (U.S. Census Bureau, 2019), el 22u más pobláu. Casi'l 55% de los sos habitantes viven nel área metropolitana de Minneapolis-Saint Paul (les conocíes como ciudaes ximielgues, Twin Cities), que ye la fastera del estáu cola mayor concentración d'empreses, negocios, infraestructures de tresporte, instituciones educatives y de gobiernu. Otros centros urbanos de la nomada Gran Minnesota (Greater Minnesota) inclúin Duluth, Mankato, Moorhead, Rochester y Saint Cloud.

La xeografía del estáu inclúi, na so fastera occidental, praeres dedicaes a la agricultura intensiva; viesques de fueya caduco nel sureste, que tienen sío parcialmente talaos y convertíos en tierra agrícola; y la zona boscosa del norte (North Woods), na que predominen les industries maderera, minera y de turismu de naturaleza. Amás, hai bien de llagos espardíos per tola xeografía del estáu, que'l so nomatu oficial ye Tierra de los 10.000 Llagos (Land of 10.000 Lakes).

El territoriu de Minnesota tuvo pobláu, miles d'años primero de la llegada de los europeos, por poblaciones indíxenes. Esploradores franceses, misioneros y comerciantes de pieles entamaron a aportar a la rexón nel sieglu XVII, alcontrando nella a les tribus Dakota y Ojibwe. La mayoría del actual territoriu de Minnesota tuvo incluyíu na Louisiana francesa, una colonia que foi mercada por Estaos Xuníos en 1803. La metá oriental de lo que yera Territoriu de Minnesota organizose como estáu, y foi almitíu na Xunión como talu el 11 de mayu de 1858. Neto que la mayoría de los estaos del Mediu Oeste, nos sos primeros tiempos como estáu tuvo poco pobláu, con una economía basada na agricultura y la madera. A elli aportaron, dende mediaos del sieglu XIX y nes primeres décades del XX, bien d'emigrantes europeos, munchos provenientes d'Escandinavia, Alemaña y Europa central. De magar l'estáu ye un centru de les cultures escandinavuamericana, xermanuamericana y checoamericana. Los estudios históricos tienen demostrao que muncha de la emigración foi una consecuencia del fracasu de les revoluciones europees de 1848.

El nivel de vida del estáu ye'l terceru mayor del país, tres de los de Massachusetts y Connecticut, y ye ún de los más ricos y con mayor nivel educativu mediu del país. La so economía ta perdiversificada, y ensin abandonar los sectores tradicionales, agricultura y minería, desarrolló enforma los servicios y el sector financieru. Na población sigue siendo dominante la blanca d'orixe escandinavu o americanu, pero la demografía del estáu tien cantidaes crecientes d'inmigrantes d'otros estaos, pero tamién d'Asia, el cuernu d'África, Oriente Mediu o América Llatina.

Referencies[editar | editar la fonte]

Enllaces esternos[editar | editar la fonte]

Bandera de los Estaos Xuníos Los 50 estaos d'Estaos Xuníos d'América Bandera de los Estaos Xuníos

Alabama · Alaska · Arizona · Arkansas · California · Carolina del Norte · Carolina del Sur · Colorado · Connecticut · Dakota del Norte · Dakota del Sur · Delaware · Florida · Georgia · Ḥawai · Idaho · Illinois · Indiana · Iowa · Kansas · Kentucky · Louisiana · Maine · Maryland · Massachusetts · Michigan · Minnesota · Mississippi · Missouri · Montana · Nebraska · Nevada · New Hampshire · Nueva Jersey · Nueva York · Nuevu Méxicu · Ohio · Oklahoma · Oregón · Pennsylvania · Rhode Island · Tennessee · Texas · Utah · Vermont · Virxinia · Virxinia Occidental · Washington · Wisconsin · Wyoming