Colorado

Coordenaes: 39°00′N 105°30′W / 39°N 105.5°O / 39; -105.5
De Wikipedia
Colorado
Bandera de Colorado (es) Traducir
Alministración
PaísBandera de Estaos Xuníos d'América Estaos Xuníos d'América
ISO 3166-2 US-CO
Tipu d'entidá Estaos d'Estaos Xuníos
Capital Denver
Gobernador de Colorado Jared Polis
Nome llocal State of Colorado (en)
Llingües oficiales inglés
División
Xeografía
Coordenaes 39°00′N 105°30′W / 39°N 105.5°O / 39; -105.5
Superficie 269837 km²
Llenda con Wyoming, Nebraska, Kansas, Oklahoma, Nuevu Méxicu, Utah y Arizona
Puntu más altu Monte Elbert (es) Traducir
Puntu más baxu Río Arikaree (es) Traducir
Altitú media 2073 m
Demografía
Población 5 773 714 hab. (1r abril 2020)
Densidá 21,4 hab/km²
Viviendes 2 137 402 (31 avientu 2020)
Más información
Estaya horaria UTC−07:00 y America/Denver (es) Traducir
Fundación 1r agostu 1876
colorado.gov
Cambiar los datos en Wikidata

Colorado ye un estáu de los Estaos Xuníos. Asítiase na rexón conocida como oeste d'Estaos Xuníos, y compriende la mayoría de la fastera meridional de los Montes Rocosos, amás de la faza nororiental de la Meseta de Colorado y el borde occidental de les Grandes Llanures. Ye, colos sos 269.837 km² d'estensión, el octavu mayor estáu del país, y el 21ᵘ más pobláu, con 5.839.926 habitantes (U.S. Census Bureau, 2022)[1].

Esta rexón lleva tando habitada por nativos americanos polo menos 13.500 años, y quiciás munchos más, porque la fastera oriental de los Montes Rocosos foi una importante ruta migratoria pa los primeros habitantes del continente na so espansión al traviés d'elli. En 1848 la mayoría del actual estáu pasó a manes de los Estaos Xuníos pol tratáu de Guadalupe Hidalgo. La fiebre del oru de Colorado de 1858-62 fizo aportar colonos a la zona, y el 28 de febreru de 1861 el presidente d'Estaos Xuníos James Buchanan robló la llei que creaba'l Territoriu de Colorado[2]. Esti, al traviés de la Proclamación 230, roblada pol presidente Ulysses S. Grant el 1 d'agostu de 1876, convirtióse nel 38ᵘ estáu del país[3].

El nome del estáu vién-y del del ríu homónimu. Esti recibió de los españoles el so nome pola color de los sedimentos que trayía de los montes. Colorado foi organizáu como territoriu el 28 de febreru de 1861, y el 1 d'agostu de 1876 convirtióse nel 38ᵘ estáu de la Xunión. El nomatu del estáu ye Centennial State (l'estáu del centeneariu) por tener convertíose n'estáu nel centenariu de la declaración d'independencia d'Estaos Xuníos.

Llenda'l norte con Wyoming, con Nebraska al noreste, con Kansas al este, con Oklahoma al sureste, con Nuevu Méxicu al sur y con Utah al oeste, y tócase con Arizona nel so estremu más suroccidental, nel llugar aú se llevanta el Four Corners Monument. Colorado tien un paisaxe pervariáu, con montes, viesques, llanaes, cañones, mesetes, ríos y paisaxes desérticos. La so capital y ciudá más poblada ye Denver, que ye tamién el centru del Corredor Front Range, una megalópolis que compriende 18 condaos de Colorado y Wyoming y tien una población de 5.055.344 habitantes (U.S. Census Bureau, 2020)[4]. El nomatu de los sos habitantes ye Coloradans, pero úsase tamién ocasionalmente la versión arcaica del términu, Coloradoans. La so economía ta perdiversificada: agricultura, minería, turismu, defensa y alministración pública y, crecientemente, dellos tipos d'industria, conformen la base económica del estáu. El calentamientu global, cola medría de temperatures y la mengua na disponibilidá d'agua secundaria al descensu de la cantidá de lluvia que provoca, amenaza'l futuru de los sectores agrícola, forestal y turísticu del estáu[5].

L'estáu ye ún de los más desarrollaos, educaos y ricos del país. Ye'l novenu col Índiz de Desarrollu Humanu más altu, y tamién el novenu col mayor nivel d'ingresos por unidá familiar.

Organización del territoriu[editar | editar la fonte]

Gobiernu estatal[editar | editar la fonte]

Neto que nel gobiernu federal y nel de los otros estaos, el gobiernu del estáu dixébrase en trés rames: la llexislativa, la executiva y la xudicial.

El poder executivu exércelu'l gobernador del estáu. Hai otros oficiales de rangu estatal que, como elli, son escoyíos por sufraxu universal pa un mandatu de cuatru años: el vicegobernador (elixíu conxuntamente col gobernador), el secretariu d'estáu, el tesoreru estatal y el fiscal xeneral del estáu. El poder xudicial tien el so cumal na Corte Suprema del estáu, formada por siete miembros. El poder llexislativu osténtalu l'Asamblea Xeneral de Colorado, que tien dos cámares: la Cámara de Representantes, con 65 miembros, y el Senáu, con 35.

División en condaos[editar | editar la fonte]

El territoriu del estáu sodivídese en 64 condaos. Dos d'ellos, el de Denver y el de Broomfield, son ciudaes-condáu consolidaes. Cinco de los condaos tienen una población de más de 500.000 habitantes, mentantu qu'otros 12 nun lleguen a los 5.000. Los 15 condaos con más de 50.000 habitantes son los que vienen darréu:

Ránking[6] Condáu Centru

alministrativu

Población

en 2022[6]

11 Condáu d'El Paso Colorado Springs 704.567
22 Ciudá y condáu de Denver Denver 713.252
33 Condáu d'Arapahoe Littleton 655.808
44 Condáu de Jefferson Golden 576.143
55 Condáu d'Adams Brighton 527.575
66 Condáu de Douglas Castle Rock 375.988
77 Condáu de Larimer Fort Collins 366.778
88 Condáu de Weld Greeley 350.176
99 Condáu de Boulder Boulder 327.468
1010 Condáu de Pueblo Pueblo 169.544
1111 Condáu de Mesa Grand Junction 158.636
1212 Ciudá y condáu de Broomfield Broomfield 76.121
1313 Condáu de Garfield Glenwood Springs 62.271
1414 Condáu de La Plata Durango 56.607
1515 Condáu d'Eagle Eagle 55.285


Los 64 condaos de Colorado.

Conceyos y zones non incorporaes[editar | editar la fonte]

L'estáu de Colorado tien 272 municipalidaes incorporaes: 197 villes (towns), 73 ciudaes (cities) y dos ciudaes-condáu consolidaes[7][8]; vivíen nelles, en 2020, 4.299.942 de los 5.773.714 habitantes (74,47%) del estáu.

Arriendes d'ello hai 187 zones non incorporaes, y delles comunidaes menores. Les 12 ciudaes del estáu con más de 100.000 habitantes son:

Ránking Ciudá Población estimao

en 2017

11 City and County of Denver 704.621
22 Colorado Springs 464.474
33 Aurora 366.623
44 Fort Collins 165.080
55 Lakewood 154.958
66 Thornton 136.978
77 Arvada 118.807
88 Westminster 112.812
99 Pueblo 111.127
1010 Centennial 110.250
1111 Boulder 107.125
1212 Greeley 105.448

Bibliografía[editar | editar la fonte]

  • Explore Colorado, A Naturalist's Handbook, The Denver Museum of Natural History and Westcliff Publishers, 1995, ISBN 1-56579-124-X guía sobre les rexones naturales de Colorado.
  • The Archeology of Colorado, Revised Edition, E. Steve Cassells, Johnson Books, Boulder, Colorado, 1997, trade paperback, ISBN 1-55566-193-9.
  • Chokecherry Places, Essays from the High Plains, Merrill Gilfillan, Johnson Press, Boulder, Colorado, trade paperback, ISBN 1-55566-227-7.
  • The Tie That Binds, Kent Haruf, 1984, hardcover, ISBN 0-03-071979-8, a fictional account of farming in Colorado.
  • Railroads of Colorado: Your Guide to Colorado's Historic Trains and Railway Sites, Claude Wiatrowski, Voyageur Press, 2002, hardcover, 160 pages, ISBN 0-89658-591-3

Referencies[editar | editar la fonte]

  1. «Annual Estimates of the Resident Population for the United States, Regions, States, District of Columbia and Puerto Rico: April 1, 2020 to July 1, 2022». United States Census Bureau. Consultáu'l April 10, 2023.
  2. "An Act to provide a temporary Government for the Territory of Colorado" (PDF). Congressional Record. Thirty-sixth United States Congress. 28 de febreru de 1861. pp. 172–177.
  3. "Proclamation of the Admission of Colorado to the Union". President of the United States of America (1 d'agostu de 1876).
  4. Quickfacts, na web del U.S. Census Bureau.
  5. «What Climate Change Means for Colorado». Axencia de Protección Ambiental d'Estaos Xuníos (Agostu de 2016).
  6. 6,0 6,1 "Annual Estimates of the Resident Population for Counties in Colorado: April 1, 2020 to July 1, 2022 (CO-EST2022-POP-08)". Oficina del Censu d'Estaos Xuníos, marzu de 2023.
  7. "Active Colorado Municipalities". División de Gobiernu Llocal del Departamentu d'Asuntus Llocales del Estáu de Colorado.
  8. "State of Colorado Incorporated Places - Current/TAB20 - Data as of January 1, 2020". United States Census Bureau, 1 de xineru de 2020.

Enllaces esternos[editar | editar la fonte]

Bandera de los Estaos Xuníos Los 50 estaos d'Estaos Xuníos d'América Bandera de los Estaos Xuníos

Alabama · Alaska · Arizona · Arkansas · California · Carolina del Norte · Carolina del Sur · Colorado · Connecticut · Dakota del Norte · Dakota del Sur · Delaware · Florida · Georgia · Ḥawai · Idaho · Illinois · Indiana · Iowa · Kansas · Kentucky · Louisiana · Maine · Maryland · Massachusetts · Michigan · Minnesota · Mississippi · Missouri · Montana · Nebraska · Nevada · New Hampshire · Nueva Jersey · Nueva York · Nuevu Méxicu · Ohio · Oklahoma · Oregón · Pennsylvania · Rhode Island · Tennessee · Texas · Utah · Vermont · Virxinia · Virxinia Occidental · Washington · Wisconsin · Wyoming