Sunismu

De Uiquipedia
Saltar a: navegación, buscar
Gtk-find-and-replace.svg
Esti artículu necesita una revisión por un correutor qu'ha d'ameyorar la so ortografía, la so gramática, la so sintaxis o'l so vocabulariu. Tamién, iguar les referencies o semeyes o con enllaces francíos.
(ver la llista completa d'artículos pa correxir)


la media lluna
Sunismu
Fundador Mahoma
Deidá Alá
Líder nun tien
Tipo Rama del islam
Nome y númberu de siguidores Suníes, 80%-90% de los musulmanes
Testu sagráu Corán y Sunna
Llingua Llitúrxica Árabe
Naz en Flag of Saudi Arabia.svg Arabia
Sede Flag of Saudi Arabia.svg La Meca, Arabia Saudita
País con mayor cantidá de suníes Flag of Indonesia.svg Indonesia
Estaos islámicos con más d'un 10% de población musulmana Verde: zones suníes, Coloráu: zones xiines, Azul: Ibadíes (Omán)

Los suníes (en idioma árabe سنّة) son el grupu musulmán mayoritariu na comunidá islámica mundial.[1]

Orixe[editar | editar la fonte]

La tercera de les relixones monoteístes del mundu tien el so orixe nel añu 610 DC en Arabia cola revelación a Mahoma per parte del Arcángel Gabriel nel monte Hira. La revelación ye reproducida en versos denominaos aleyas, los cuales se conjuntan en capítulos llamaos suras, lo cual da forma a lo que conocemos como'l testu sagráu del Corán.

Muertu'l profeta Mahoma nel 632 DC., los sos siguidores empezaron a cuestionar cuál sería'l so sucesor.

Alí, primu y xenru de Mahoma, amás de padre de los sos nietos, reclamó los sos derechos sucesorios y foi escoyíu cuartu califa, anque non por unanimidá y atopóse con una oposición bederre encabezada por Muawiya miembru de la cla Omeya y gobernador de Siria. Esta oposición derivó na batalla de Siffin nel añu 661 DC, onde Alí foi derrotáu, quedando a Mu'awiya como nuevu califa.

Esti conflictu dio orixe a los dos grupos más importantes dientro del islam: los suníes o sunitas y los xiinos o chiitas. El tercer grupu n'importancia ye de jariyí (o carají).

...Los suníes, que representen ente l'ochenta y el noventa por cientu de toos el musulmanes, consideren que la sucesión de Mahoma correspuende a un árabe miembru de la tribu de Quraish, de la que procedía Mahoma. El nome Suní vinu dende Sunna, l'árabe de “palabres y acciones”, “manera”, o “exemplu”, que dende Ahl as-Sunnah ul-Muhammad wa’l-Jamā‘ah, intenta “pueblu del exemplu de Mahoma y de la comunidá.” Sicasí los xiinos, que suponen aprosimao'l diez por cientu de el musulmanes, consideren que Alí foi'l iniciador de la llínea sucesoria de Mahoma. Etimológicamente, xiín vien de Shiat Ali (partíu de Ali). Los xiinos consideren que los califes posteriores a la muerte de Alí fueron usurpadores. Los jariyíes pensaben que la dignidá califal emana de la comunidá, que tien d'escoyer llibremente al más dignu "anque sía un esclavu negru".

Los suníes reciben el so nome por cuenta de la importancia que dan a la Sunna, colección de dichos y fechos atribuyíos a Mahoma y tresmitíos en forma oral. O sea que non yá se basen nel Corán sinón tamién na Sunna, lo cual dexa afaer el Corán a les esixencies de la dómina.

Islam
Esti artículu forma parte de la serie
Islam
Creencies

Alá
Tawhid
Profetes del Islam
Corán

Práctiques

Xaḥada
Salat · Ramadán
Zakat · Ḥajj

Testos y Lleis

Corán · Sunna · Ḥadiz
Fiqh · Xaria · Calam

Hestoria

Hestoria del Islam
Espardimientu del Islam
Revolución agrícola del islam medieval

Cañes del Islam

Sunismu · Chiísmu
Ḥarixismu · Sufismu

Cultura y Sociedá

Arte · Estudios islámicos
Filosofía · Calendariu
Fiestes · Mezquita


Escueles de llei islámica suní o madhabs[editar | editar la fonte]

Un madhab ye una forma tradicional d'interpretar la llei islámica. Les escueles fueron empecipiaes por eminentes estudiosos musulmanes nos cuatro primeros sieglos del islam. La mayoría de los suníes creen que nun esiste naide con vida cola estatura de el fundadores de los cuatro madhabs. Consideren que los estudiosos contemporaneos pueden faer comentarios sobre les tradiciones, pero ellos nun pueden empezar una nueva escuela, esta creencia conozse como "el zarru de la verja de ijtihad". Un madhab nun tien de ser confundíu con una secta. Dellos suníes consideren que se debe escoyer un madhab y siguilo, otros consideren que ye aceptable entemecelos.

  • Hanafí (basada nel trabayu de Abu Hanifa (699-767) de procedencia iranina). Ye una de les cañes más tolerante y flexible. Almite l'analoxía como fonte del Derechu.
  • Malikí (fundada por Malik ibn Anas Ibn Shafi (714-796) un xurista de la ciudá de Medina). Tamién llamada "Escuela de Medina". Escuela bastante rigorista, que sicasí, acepta los hadices (fechos asocedíos en tiempos del Profeta ya interpretaos pol mesmu).
  • Xafi'í (fundada por Shafi'i (767-820), un alumnu de Malik). Otra de les escueles más abierta y menos ríxida del islam suní. Fundó la xurisprudencia relixosa y almite el razonamientu analóxicu (qiyyas) y el consensu (ijma) como fontes del derechu.
  • Hanbalí (fundada por Ahmad bin Hanbal (780-855), un alumnu de Shafi'i). Considérase la escuela más rigorosa del islam suní. Pa ellos, el Corán y la Sunna son Llei. Esta escuela xurídica nun los considera namá una fonte del derechu. Abogen por una interpretación y una aplicación literalista del islam. N'Arabia Saudita ye escuela xurídica oficial, tomando la forma más rigorosa del wahabismo. Nun acepta, por tanto, l'analoxía, nin el ichtihad o ijtihad o interpretación lóxica.

Tradición teolóxica suní o Kalam[editar | editar la fonte]

Dellos estudiosos islámicos enfrentaron entrugues qu'ellos sentíen nun taben contestaes específicamente pol Corán, sobremanera preguntes respectu de cuestiones filosófiques como la naturaleza de Divos, la posibilidá del llibre albedríu o la esistencia eterna del Corán. Desenvolviéronse delles escueles de teoloxía y filosofía pa contestar estes entrugues:

  • Mu'tazilah, establecida en Iraq por Wasil bin 'Arreya (699-749), estudiante distinguíu de Hasan al-Basri (642-728). Nun cunta con siguidores anguaño ente los suníes, anque los sos testos lléense y caltienen como fonte importante pa entender la hestoria de la teoloxía suní.
  • Ax'ariyyah, fundada por Abu al-Hasan al-Ash'ari (874936). Ye la teoloxía dominante, enfatiza la revelación divina percima de la razón humana. Les ordes de Dios, revelaes al traviés del Corán, la práctica de Mahoma y les Sunnas, son la fonte de toa moralidá.
  • Maturidiyyah, fundada por Abu Mansur al-Maturidi (944). Sostienen que la esistencia de Dios puede demostrase pente medies de l'usu de la razón.
  • Athariyyah, nun tien un fundador específicu pero'l imán Ahmad ibn Hanbal exerció un rol hestóricu en caltener esta escuela con vida. Sostien que Dios ye talo como se describe a sigo mesmu nel Corán y les Sunnas.

Vease tamién[editar | editar la fonte]

Referencies[editar | editar la fonte]

  1. La forma sunita ye un calcu llingüísticu del francés puestu de moda pelos medios de comunicación incorrectamente, la terminación correcta n'asturianu ye cola terminación d'orixe árabe (tantu pa masculín como pa femenín), plural -íes, aplicable a axetivos que tengan que ver col mundu musalmán o israelín. Lo mesmo asocede con chiita o yemenita, dizse xiín y yemenín.