Pronome

De Uiquipedia
Saltar a: navegación, buscar

En llingüística y gramática, pue nomase a aquelles pallabres que desendolquen una función pronominal (les que sustituyen un sintagma nominal que se mencionaren previamente o que se sobrentienden) col vocablu pronome.

Por exemplu, yo, me, -y, este, delles, etc.

Dellos pronomes espresen el númberu, la persona y n'ocasiones el xéneru. Cuando'l pronome fai referencia a una persona, al pronome denómaselu pronome personal. Cuando'l pronome indica posesión, denómase pronome posesivu. Cuando introduz una proposición axetiva denomínase pronome rellativu,... si bien estes subclases de pallabres (posesivu, rellativu) conformen xunto col artículu, demostrativu, numberal ya indefiníu la clas de pallabra de los determinantes.

Pero amás, esiste una mena de pronome que nun fai referencia a naide nin a nada, carez de significáu léxicu espletivu o pleonásticu. N'inglés, por exemplu, emplégase'l pronome espletivu pa cubrir la carencia d'un suxetu n'oraciones impersonales, por exemplu'l pronome it na oración "It rains" ("Llueve" ). N'asturianu nun ye posible l'emplegu d'un el pleonásticu, que si pue emplegase n'otres llingües como'l gallegu.

Otra mena de pronome, ye'l pronome partitivu que fai refrencia a una cantidá indeterminao d'una cosa o sustancia, asina'l, francés "du pain" o "de la bière", fai referencia a una cantidá indeterminao de pan o de cerveza, n'asturianu esti pronome alcuéntrase en plural y emplégase col mesmu significáu "apúrreme delles galletes" "tráime dellos caramelos".

Ver tamién[editar | editar la fonte]